प्रशासकीय यंत्रणा सज्ज : प्रांताधिकारी विजया पांगारकर
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰 आकाश भाग्यवंत नायकुडे
अकलूज दिनांक 08/04/2024 :
लोकसभा निवडणुकीच्या पार्श्वभूमीवर सर्व प्रशासकीय यंत्रणा सज्ज करण्यात आली असून निवडणुकीसाठीचे पहिले प्रशिक्षण शनिवार (ता.६) रोजी पासून सुरू होत असल्याची माहिती प्रांताधिकारी विजया पांगारकर यांनी दिली.
लोकसभा निवडणुकीसाठी ज्या प्रशासकीय तयारी बाबत माहिती देण्यासाठी आयोजित पत्रकार परिषदेत प्रांताधिकारी बोलत होत्या. यावेळी तहसीलदार सुरेश सेजूळ उपस्थित होते
प्रांताधिकारी पांगारकर पुढे म्हणाल्या, माळशिरस तालुक्यात ३३८ मतदान केंद्र असून १ लाख ७५ हजार ३० पुरुष मतदार, १ लाख ६१ हजार ८०२ स्त्री मतदार तर ३१ तृतीयपंथी मतदार असे एकूण ३ लाख ३६ हजार ८६३ मतदार आहेत. त्याचबरोबर ४२१ सैनिक मतदार आहेत.
या मतदारसंघासाठी ऐन उन्हाळ्यात (ता ८ मे) रोजी असल्याने आवश्यक त्या ठिकाणी मंडपाची सोय करण्यात येणार असून सर्वच मतदान केंद्रावर पाणी पिण्याचे पाणी उपलब्ध केले जाणार आहे.
काही गावात एकाच इमारतीत जास्त बुथ असल्याने मतदाराची धावपळ होऊ नये यासाठी कलर कोड वापरण्यात येणार आहेत. तसेच विशेष योजनेअंतर्गत फक्त महिला कर्मचारी असणारे बुथ माळशिरस व सदाशिवनगर येथे करणार असून दिव्यांगाने चालवलेले बुथही नातेपुते येथे असणार आहे. तर बचेरी येथील बुथ फक्त तरुण चालवणार आहेत.
सध्या चार भरारी पथके कार्यान्वित असून पाच चेक पोस्ट ( तपासणी नाके) तयार करण्यात आले आहेत.
मतदान प्रक्रियेसाठी ६४२ प्रमुख अधिकाऱ्यांसह एकूण २३१३ कर्मचारी वर्गांसाठी प्रशिक्षण स्मृती भवन येथे शनिवार (ता.६) ते सोमवार (ता ८) रोजी दरम्यान होणार आहे.
