🔰 माझ्या शब्दात सांगायच झाल तर.. “काँग्रेस ही बाबासाहेब आणि संविधान विरोधी आहे..” 🟣 “बाबासाहेबांना एकच संविधान अभिप्रेत असल्याने कलम 370 हटवण्यावर मोहोर” 🔵 सुप्रीम कोर्टाचे मुख्य न्यायाधीश भूषण गवई

🔰 माझ्या शब्दात सांगायच झाल तर.. “काँग्रेस ही बाबासाहेब आणि संविधान विरोधी आहे..”

🟣 “बाबासाहेबांना एकच संविधान अभिप्रेत असल्याने कलम 370 हटवण्यावर मोहोर”

🔵 सुप्रीम कोर्टाचे मुख्य न्यायाधीश भूषण गवई

अकलूज वैभव न्यूज नेटवर्क
संकलन : आकाश भाग्यवंत नायकुडे, मुंबई.
दिनांक 02/07/2025 :
✅ एकच संविधान आवश्यक डॉ. बाबासाहेब आंबेडकरांचे विचार
सरन्यायाधीश भूषण गवई म्हणाले : ” भारतात एकच संविधान असावे, हे डॉ. बाबासाहेब आंबेडकरांचे स्वप्न होते. देशाला एकसंघ ठेवण्यासाठी एकच राज्यघटना (Constitution) हवी, अशी बाबासाहेबांची भूमिका होती”.
✅ कलम 370 हटवणे योग्यच!
याच विचारांमुळे जम्मू-काश्मीरसाठी असलेले कलम 370 रद्द करणे योग्य ठरले, असे सरन्यायाधीश गवई यांनी मत व्यक्त केले. देशात वेगवेगळे संविधान असू नये, हीच बाबासाहेबांची भूमिका होती.
✅ उद्देशिका हा संविधानाचा गाभा : संविधानाची उद्देशिका (Preamble) हीच राज्यघटनेचा आत्मा आहे. उद्देशिकेत सामाजिक न्याय, आर्थिक न्याय, राजकीय न्याय, बंधुता, स्वातंत्र्य या मूल्यांचा समावेश आहे. या मूल्यांची अंमलबजावणी करण्यासाठी न्यायपालिका कार्यरत आहे.
✅ कलम 370 हटवणं बाबासाहेबांच्या ‘एक संविधान, एक राष्ट्र’ दृष्टिकोनाला दिलेली खरी मान्यता देणारं ठरलं.
आता खरा मुद्दा आहे. मी, मुद्द्यावर येतोय..
❌ काँग्रेस ही संविधान विरोधी आहे, होती आणि पुढेही राहील..
कारण…
✔️ “एक राष्ट्र, एक संविधान.” हीच होती बाबासाहेब डॉ. बाबासाहेब आंबेडकरांची मुळ भूमिका. त्यांच्यासाठी भारताचं एकात्मत्व, एकसंघता, सामाजिक न्याय आणि संविधानिक एकसंधता या मूल्यांना सर्वोच्च स्थान होतं.
आज ज्या अभिमानाने आपण भारतीय राज्यघटनेचा जयजयकार करतो, त्या राज्यघटनेचा आत्मा बाबासाहेबांनी घडवला.
✔️ दुर्दैवाने काँग्रेस पक्षाने बाबासाहेबांच्या या “एक राष्ट्र, एक संविधान” विचारावर अक्षरशः हरताळ फासला. कारण काँग्रेसच्या धोरणांमुळेच कलम 370 सारखी तात्पुरती व्यवस्था, कायमस्वरूपी विषासारखी भारताच्या संविधानिक एकतेत खोलवर रुजवली होती.
✔️ नेहमी काँग्रेस म्हणत असते आम्ही सत्तेत आलो तर काश्मीर मध्ये 370 कलम पुन्हा लावू. 370 मुळे देशात दोन संविधान लागू होतात. 370 मुळे काश्मीर मध्ये वेगळं संविधान लागू होतो. काँग्रेसला बाबासाहेबांचा विचारांचा तिरस्कार पूर्वीपासूनच आहे.
❌ काँग्रेसचा ऐतिहासिक गुन्हा म्हणजे कलम 370 काश्मीर मध्ये लागू करणे :
✔️ काँग्रेसने स्वातंत्र्यानंतर आपली सत्ता वाचवण्यासाठी आणि काही घराण्यांचे हितसंबंध जपण्यासाठी, जम्मू-काश्मीरला विशेष दर्जा देणाऱ्या कलम 370 लावून चालना दिली. हा विशेष दर्जा म्हणजे, एकच भारतात दोन संविधानं, दोन निशाणं, दोन कायदे!
✔️ बाबासाहेब आंबेडकरांसारख्या दूरदृष्टी असलेल्या महामानवाने कधीच याला पाठिंबा दिला नव्हता. उलट, ते ठामपणे म्हणत असत की, “देशाला एकसंध ठेवण्यासाठी एकच संविधान असायलाच हवं.” काँग्रेसने मात्र हा विचार बाजूला करून जम्मू-काश्मीरला स्वतंत्र दर्जा देऊन भारताच्या राज्यघटनेवरचा विश्वास डळमळीत केला.
✔️ कलम 370 च्या आडून फुटीरतावादी विचार, दहशतवाद, कट्टरता यांना खतपाणी घातलं गेलं. अनेक दशकं, या कलमामुळे जम्मू-काश्मीर पूर्णपणे भारतात एकरूप होऊ शकलं नाही.
✅ भाजपने दिला बाबासाहेबांच्या विचारांचा सन्मान करत त्यांच्या विचारांना पुढे घेऊन जात आहे.
✔️ भाजप सरकारने 5 ऑगस्ट 2019 रोजी घेतलेला ऐतिहासिक निर्णय म्हणजेच बाबासाहेबांना सगळ्यात मोठी आदरांजली. कलम ३७० हटवून भाजपने दाखवून दिलं की भारत एक आहे, आणि एकच संविधान सगळ्यांना सारखं लागू होतं. आज जम्मू-काश्मीरमधील नागरीक भारताच्या इतर राज्यांप्रमाणेच संविधानिक हक्कांचा आणि विकासाचा लाभ घेत आहेत.
✔️ कलम 370 हटवल्यानंतर तिथला विकास, गुंतवणूक, शिक्षण, पर्यटन, रोजगार या सगळ्या क्षेत्रांत प्रगती होत आहे. हीच बाबासाहेबांची भूमिका होती की कोणीही भारतीय संविधानाच्या बाहेर राहू नये. भाजप सरकारने हा धाडसी निर्णय घेत, एक राष्ट्र, एक संविधान या बाबासाहेबांच्या स्वप्नाला प्रत्यक्षात उतरवलं. हा निर्णय फक्त राजकीय नाही, तर राष्ट्राच्या आत्म्याशी जोडलेला आहे.
❌ काँग्रेसने बाबासाहेबांना हरवले:
✅ काँग्रेसचे अनेक नेते स्वतःला बाबासाहेबांचे अनुयायी म्हणवतात. पण त्यांनीच बाबासाहेबांच्या विचारांवर सर्वात मोठा आघात केला. बाबासाहेब म्हणत असत, “संविधान सगळ्यांना समान न्याय, समान अधिकार देतं.” काँग्रेसने कलम 370 सारख्या विशेषाधिकारांमुळे हीच समानता पायदळी तुडवली. काँग्रेसने नेहमी प्रादेशिक राजकारण, घराणेशाही आणि मवाळ धोरणांनी देशाच्या एकसंघतेला धक्का दिला.
✅ भाजपने संविधान, बाबासाहेब आणि बाबासाहेबांच्या विचारांचा नेहमीच सन्मान केला. भाजपने कठोर आणि डॉक्टर बाबासाहेब आंबेडकरांना अभिप्रेत असलेले राष्ट्रहिताचे निर्णय घेतले.
भाजपने कलम 370 हटवून भारताचं संविधानिक एकात्मत्व पुन्हा प्रस्थापित केलं. जम्मू-काश्मीरमधील नागरिकांना सुद्धा इतर भारतीयांसारखेच संविधानिक अधिकार बहाल केले. बाबासाहेबांचं स्वप्न होतं, “एक भारत, एक संविधान, एक न्याय” भाजपने ते प्रत्यक्षात आणलं. काँग्रेसने मात्र केवळ भाषणांत बाबासाहेबांना उचलून धरलं, पण त्यांच्या विचारांना पायदळी तुडवलं.

©प्रकाश गाडे