शंकरराव मोहिते महाविद्यालयात रक्तदान शिबीर संपन्न
अकलूज वैभव न्यूज नेटवर्क
आकाश भाग्यवंत नायकुडे.
मुंबई दिनांक 9/8/2025 : अकलूज (तालुका माळशिरस, जिल्हा सोलापूर) येथील शंकरराव मोहिते महाविद्यालयात राष्ट्रीय सेवा योजना विभागाच्या वतीने ऑगस्ट क्रांती दिनाचे औचित्य साधून शुक्रवार दि. 8 ऑगस्ट 2025 रोजी रक्तदान शिबीराचे आयोजन करण्यात आले होते.या शिबिरात 25 रक्तदात्यांनी रक्तदान केले. शिबिराचे उद्घाटन डॉ. अजित गांधी यांनी केले. अध्यक्षस्थानी महाविद्यालयाचे प्राचार्य प्रा. डॉ. शिवप्रसाद टिळेकर होते. या शिबिरामध्ये स्वयंसेवकासह महाविद्यालयातील प्राध्यापक प्राध्यापिका यांनी रक्तदान शिबिरामध्ये सहभाग घेतला. यावेळी आय. क्यू. ए. सी.समन्वय डॉ. सतीश देवकर, डॉ. हनुमंत अवताडे, डॉ. विश्वनाथ आवड, डॉ. जनार्दन परकाळे, डॉ. संतोष गुजर, डॉ. चंकेश्वर लोंढे,प्रा. दादासाहेब कोकाटे, डॉ. चंद्रशेखर ताटे-देशमुख डॉ.बाळासाहेब भोसले, प्रा. जी.जी. धायगुडे, प्रा. उत्तम वाघमोडे, कार्यालयीन प्रबंधक राजेंद्र बामणे, कार्यालयीन अधीक्षक युवराज मालुसरे, सतीश यादव उपस्थित होते.
या कार्यक्रमाचे प्रास्ताविक राष्ट्रीय सेवा योजना कार्यक्रम अधिकारी डॉ.दत्तात्रय मगर यांनी केले तर आभार डॉ. सज्जन पवार यांनी मानले . सूत्रसंचालन स्वयंसेविका कु.प्रेरणा गायकवाड हिने केले.हा कार्यक्रम यशस्वी करण्यासाठी राष्ट्रीय सेवा योजनेचे स्वयंसेवक व राष्ट्रीय सेवा योजना कार्यक्रम अधिकारी डॉ. दत्तात्रय मगर, डॉ. सज्जन पवार, डॉ.विजय शिंदे व प्रा.स्मिता पाटील यांनी परिश्रम घेतले.
