🔵अकलूज सि.स.नं. 987 /61 मधील अंतर्गत रस्ते व खुल्या जागेतील अतिक्रमण विरोधी उपोषण 🟣15 /8 /2023 पासून डॉक्टर बाबासाहेब आंबेडकर स्मारक,आंबेडकर चौक अकलूज येथे उपोषणास प्रारंभ

🔵अकलूज सि.स.नं. 987 /61 मधील अंतर्गत रस्ते व खुल्या जागेतील अतिक्रमण विरोधी उपोषण

🟣15 /8 /2023 पासून डॉक्टर बाबासाहेब आंबेडकर स्मारक,आंबेडकर चौक अकलूज येथे उपोषणास प्रारंभ

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 13/8/2023 :
अकलूज येथील सिटी सर्वे नंबर 987/61 मधील रस्ते व खुल्या जागेतील अनधिकृत अतिक्रमण काढून मिळणे कामी दिनांक 15 /8 /2023 पासून डॉक्टर बाबासाहेब आंबेडकर स्मारक आंबेडकर चौक अकलूज येथे उपोषणास बसणार आहोत.असे रीतसर निवेदन जिल्हाधिकारी सोलापूर, प्रांताधिकारी अकलूज, तहसीलदार माळशिरस, मुख्य कार्यकारी अधिकारी अकलूज नगरपरिषद यांना हेस वेल्फेअर फाउंडेशन च्या वतीने देण्यात आल्याची माहिती विलासानंद गायकवाड आणि राजेंद्र ज्ञानेश्वर कांबळे यांनी अकलूज वैभव ला सांगितली.

मौजे अकलूज येथील सिटी सर्वे नंबर 987 /61 मधील अंतर्गत रस्ते व खुल्या जागेतील अतिक्रमण काढणे कामे तहसिलदार तहसील कार्यालय माळशिरस क्रमांक/जमीन /कावी 312 /2023 दिनांक 11/5/2023 चा आदेश आणि
जिल्हाधिकारी सोलापूर यांना दिनांक 4/8/2023 रोजी समक्ष दिलेले निवेदन, उपविभागीय अधिकारी यांना 25 /7/2023 रोजी दिलेले निवेदन, तहसीलदार माळशिरस यांना 26 /7 /2023रोजी दिलेली निवेदन, मुख्याधिकारी अकलूज नगर परिषद अकलूज यांना 3/8/2023 रोजी दिलेले निवेदन याची प्रत माहिती व प्रसिद्धीसाठी अकलूज वैभव ला देण्यात आलेली आहे.
गत अनेक वर्षापासून या संदर्भात अनेक निवेदने देण्यात आलेली असून उपोषणे ही करण्यात आलेली होती. परंतु प्रत्येक वेळी या ना त्या हा प्रश्न अद्यापही सुटलेला नाही. त्यामुळे यावेळी निर्णायक पातळीवर उपोषण करण्यात येणार असल्याची माहिती अकलूज वैभव ला प्राप्त झाली आहे. यापूर्वी डॉक्टर बाबासाहेब आंबेडकर यांचे स्मारक स्थळी वयोवृद्ध सौ सखुबाई सदाशिव धाईंजे यांनी याच संदर्भात केलेले उपोषण खूपच चर्चेत राहिलेले आहे.

अकलूज मधील अतिक्रमणाबाबत अनेक वर्षापासून प्रलंबित असलेला प्रश्न सुटत नाही कि,सोडवायचाच नाही? संभ्रम निर्माण झाला आहे.
तहसिलदार,माळशिरस व मुख्याधिकारी अकलूज नगरपरिषद अकलूज यांच्याशी अनधिकृत अतिक्रमण संदर्भात चर्चा होऊन दोघांनीही नोटीस काढण्याचे आश्वासन दिले आहे. परंतु तसे आम्हाला किती दिवसात कार्यवाही करण्यात येईल असे लेखी स्वरूपात देण्यात यावे. मागणी ही निवेदन देतेवेळी संबंधितांनी केली आहे.