सहकार महर्षि शंकरराव मोहिते-पाटील सहकारी साखर कारखान्याचा सन 2024-2025 चा 63 वा गळीत हंगामाचा सांगता समारंभ संपन्न

Chief Editor07/02/2025Last Updated: 07/02/2025

180 1 minute read

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 07/02/2025 : सहकार महर्षि शंकरराव मोहिते-पाटील सहकारी साखर कारखान्याचा सन 2024-2025 च्या गळीत हंगामाचा सांगता समारंभ आज शुक्रवार दि.07/02/2025 रोजी सकाळी 10:30 वाजता कारखान्याचे व्हाईस चेअरमनसाहेब शंकरराव रामचंद्र माने-देशमुख यांचे शुभहस्ते संपन्न झाला. त्यानिमित्त आयोजित केलेल्या श्री सत्यनारायण महापूजेचे यजमान ऊस तोडणी वाहतूक वाहन मालक मुकिंदा चिंतू शिंदे व त्यांच्या सुविद्य पत्नी सौ.रुक्मिणी मुकिंदा शिंदे या उभयतांचा सत्कार व्हाईस चेअरमनसाहेब शंकरराव रामचंद्र माने-देशमुख यांचे शुभहस्ते करणेत आला.
सदर सिझन यशस्वीरितीने पार पाडण्यांमध्ये कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री, विजयसिंह शंकरराव मोहिते-पाटील व चेअरमन जयसिंह शंकरराव मोहिते-पाटील यांचे मोलाचे मार्गदर्शन तसेच कारखान्याचे संचालक मंडळ, ऊस उत्पादक सभासद व वाहतूकदार, ऊस तोडणी मुकादम, मजूर तसेच कारखान्याचे अधिकारी व कर्मचारी वर्ग यांनी केलेल्या सहकार्यामुळे सिझन 2024-2025 मध्ये दि.06/02/2025 अखेर 84 दिवसामध्ये 5 लाख 51 हजार 634 मे.टन ऊसाचे गाळप होऊन 5 लाख 19 हजार 100 क्विंटल साखर पोत्याचे उत्पादन झाले आहे.
को-जनरेशन प्रकल्पामध्ये दि.15/11/2024 पासून दि.06/02/2025 अखेर 4 कोटी 94 लाख 76 हजार 628 युनीट वीज निर्माण होऊन 2 कोटी 94 लाख 54 हजार 200 युनिट वीज एक्सपोर्ट (विक्री) केलेली आहे. तसेच चालू सिझनमध्ये उपपदार्थ प्रकल्पातील डिस्टीलरीमध्ये सी व बी हेवी मळीपासून 90 लाख 24 हजार 079 लिटर्स रेक्टीफाईड स्पिरीट तसेच 83 लाख 51 हजार 671 लिटर्स इथेनॉल उत्पादन झाले आहे. तसेच ॲसेटिक ॲसिड प्रकल्पामध्ये 253 मे.टन ॲसिटाल्डीहाईड व 281 मे.टन ॲसेटिक ॲसिडची निर्मिती झाली अशी माहिती कार्यकारी संचालक राजेंद्र चौगुले यांनी दिली.
सदर प्रसंगी कारखान्याचे संचालक लक्ष्मण शिंदे, नानासाहेब मुंडफणे,विजयकुमार पवार, रामचंद्र सिद,विराज निंबाळकर,रावसाहेब पराडे,महादेव क्षिरसागर,अमरदिप काळकुटे,सुभाष कटके, रामचंद्र ठवरे, तज्ञ संचालक-प्रकाशराव पाटील,रामचंद्रराव सावंत-पाटील, कार्यलक्षी संचालक-रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटी संचालक-पांडूरंग एकतपुरे, दत्तात्रय चव्हाण,विनायक केचे,राजेंद्र भोसले,सौ.हर्षाली निंबाळकर तसेच ऊस उत्पादक सभासद व वाहतूकदार,ऊस तोडणी मुकादम, मजूर तसेच कामगार युनियन प्रतिनिधी, खातेप्रमुख व कर्मचारी उपस्थित होते.
बातमी फोटोसह वापरावी,