🧅 कांदोबा 🧅

कविता विश्व…….✍️

🧅 कांदोबा 🧅

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 21/7/2023.

मलाबी ऐटीत बाजारात येउं द्या की रं. !
शेतकऱ्याला माझ्यामुळे हसताना पाहूद्या की रं !
गॅस सिलेंडर दरवाढ तुम्हाला चालतंय
डीझेल पेट्रोल वरचेवर वाढतंय
सोनं चांदी उच्चांक गाठतंय
व्यापार धार्जिणे वारं हे वाहतंय
खत बियानं दर वाढत जातंय
मग बळीच्या कष्टाचा मोबदलाबी वाढू द्या की रं
मला बी ऐटीत बाजारात येऊनद्या की रं. !
शेतकऱ्याला हसताना पाहू द्या की रं
शंभर गोण्या विकून रिकामाच येतोय
लेकीच लगीन पुढं पुढं ढकलतोय
कृषिप्रधान देशात दारिद्र्यात जगतोय
हमीभाव द्या म्हणून आंदोलनं करतोय
पोलिसांचा मार खाऊन पुन्हा जखमी होतोय.
आरं थोडी तरी दया माया तुम्हाला येऊंद्या की रं
मला बी ऐटीत बाजारात येऊंद्या की रं
शेतकऱ्याला हसताना पाहू द्या की रं
कांदे राव मला साऱ्यांनी म्हणुद्या की रं
जगाच्या पोशिंद्याला हसतानाा पाहू द्या की रं
बळीच राज्य आता तरी येऊद्या की रं
बाळीच राज्य येऊ द्या की !

कवयत्री
नूरजहाँ फकृद्दिंन शेख
गणेशगाव
ता.माळशिरस जि.सोलापूर