🟣सुमित मलिक त्रिमूर्ती केसरीचा मानकरी. 🔵हरियाणाचा मल्ल विकी हड्डा उपविजेता

🟣सुमित मलिक त्रिमूर्ती केसरीचा मानकरी.

🔵हरियाणाचा मल्ल विकी हड्डा उपविजेता

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharastra State, India.
Mo. 9860959764.

अकलूज दिनांक 01/12/2023 :
सहकार महर्षि शंकरराव मोहिते पाटील जयंती समारंभ समिती व प्रताप क्रीडा मंडळ यांच्या वतीने शिवतीर्थ आखाडा शंकरनगर येथे आयोजित केलेल्या ४५ व्या आखिल भारतीय त्रिमूर्ती कुस्ती स्पर्धेचा मानकरी दिल्लीचा मल्ल सुमित मलिक ठरला.त्यास प्रथम क्रमांकाचे दोन लाख रुपये व त्रिमूर्ती केसरी चषक देण्यात आले.तर उपविजेता ठरलेल्या हरियाणाचा मल्ल विकी हड्डा यास रुपये दिड लाख व सन्मानचिन्ह देण्यात आले. अंतिम सामन्यात सुमित मलिक ने विकी हड्डावर दोन- एकने गुणांनी मात केली.व त्रिमूर्ती चषकावर नाव कोरले. स्पर्धेतील तृतीय क्रमांकाचे रुपये एक लाख हरियाणाचा मल्ल रजत रुहल यांनी पटकावले.व चतुर्थ क्रमांकाचे रुपये पन्नास हजार पुण्याचा मल्ल तुषार डुबे यांनी मिळवले.त्यांना मान्यवरांच्या हस्ते बक्षीसे देण्यात आली. या वेळी आंतरराष्ट्रीय किर्तीचे मल्ल पद्मश्री पुरस्कार विजेते कर्तारसिंग, माजी उपमुख्यमंत्री विजयसिंह मोहिते पाटील, सहकार महर्षि शंकरराव मोहिते पाटील सहकारी साखर कारखान्याचे चेअरमन जयसिंह मोहिते पाटील, अकलूज कृषी उत्पन्न बाजार समितीचे सभापती मदनसिंह मोहिते पाटील, आंतरराष्ट्रीय मल्ल सरबजीत बोपाराय, संजय कुक्कर, राष्ट्रीय प्रशिक्षक एम. आर. शर्मा, महाराष्ट्र केसरी आप्पासाहेब कदम, आ.रणजितसिंह मोहिते पाटील, आ.राम सातपुते, प्रताप क्रीडा मंडळाच्या अध्यक्षा स्वरूपाराणी मोहिते पाटील, स्पर्धा प्रमुख सयाजीराजे मोहिते पाटील, विश्वतेजसिंह मोहिते पाटील, राष्ट्रीय पंच राम सारंग आदी मान्यवर उपस्थित होते.
श्रीमती कै. रत्नप्रभादेवी मोहिते-पाटील यांची जन्मशताब्दी, प्रताप क्रीडा मंडळाचे संस्थापक अध्यक्ष जयसिंह मोहिते पाटील व अकलूज बाजार समितीचे सभापती मदनसिंह मोहिते-पाटील या बंधुंच्या अमृत महोत्सवी वर्षाच्या वाटचाली निमित्ताने दि २९ नोव्हे.ते १डिसेंबर या कालावधीत सदरच्या स्पर्धा पार पडल्या.
पद्मश्री पुरस्कार विजेते आंतरराष्ट्रीय मल्ल कर्तारसिंग यांच्या हस्ते जयसिंह मोहिते पाटील व मदनसिंह मोहिते पाटील यांच्या अमृत महोत्सवी वाटचाली निमित्त व सन्मानार्थ या बंधूंचा चांदीची गदा देऊन सत्कार करण्यात आला.
यावेळी कर्तारसिंग म्हणाले, मोहिते पाटील परिवाराने मागील ४५ वर्षापासून कुस्तीची परंपरा जोपासली आहे.मोहिते पाटील बंधूनी परिसराचा कायापालट केला असून कला, क्रीडा, सांस्कृतिक, सामाजिक, सहकार आदी क्षेत्रातून देशाच्या विकासासाठी योगदान दिले आहे. शिवतीर्थ आखाड्याचे पूजन व सर्व पंचांचा सत्कार आ. रणजितसिंह मोहिते पाटील यांच्या हस्ते करण्यात आला. विशेष निमंत्रीत कुस्ती स्पर्धेत महाराष्ट्र केसरी पृथ्विराज पाटील याने हरियाणा केसरी मल्ल प्रवीण भोला याला पराभूत केले. तर पुण्याचा मल्ल समिर शेख याने कंदरचा मल्ल सतपाल सोनटक्के याला पराभूत केले.
वजनी गटातील विजेते, २५ किलो मेघराज तांबिले अकलूज, २८कि. संस्कार जाधव खुडूस, ३०कि. मनोज गोरड माळशिरस, ३२कि. सुजल गोरड खुडूस, ३५कि. हनुमंत जाधव खुडूस, एका ४०कि.पृथ्वीराज चव्हाण आटपाडी, ५०कि. यशराज मोरे अकलूज, ५५कि. अविराज माने खुडूस, ६०कि. रणजीत गोरड म्हसवड, ६५कि.अविष्कार गावडे सराटी, ७०कि.वैभव पिंगारे नांदोरे, ७५कि. अंकित खटकळ हरियाणा, ८०कि. तुषार धनंजय खूडूस, ८५कि.सचिन मोर हरियाणा यांनी विजेतेपद पटकावले. स्पर्धेत लाखों रुपयांची बक्षिसे मल्लांनी पटकावली.
त्रिमूर्ती कुस्तीच्या अंतिम सामन्यासाठी नियंत्रक म्हणून राम सारंग, पंच म्हणून प्रा. नितीन शिंदे, तानाजी केसरी, आखाडा प्रमुख रोहिदास अमले, वेळ अधिकारी अनिल बाबर यांनी काम पाहिले.

🟡त्रिमूर्ती केसरी विजेता सुमित मलिक व उपविजेता विकी हड्डा यांना बक्षिसे देताना जयसिंह मोहिते पाटील, कर्तारसिंग, सयाजीराजे मोहिते पाटील, मदनसिंह मोहिते पाटील आ. रणजितसिंह मोहिते पाटील, आ. राम सातपुते व मान्यवर..