अकलूज एस.टी. आगारात प्रवासी राजा दिन व कामगार पालक दिन साजरा
आकाश भाग्यवंत नायकुडे
मुंबई दिनांक 29/7/2024 : विभागाच्या वेळापत्रकाप्रमाणे
अकलूज नवीन बसस्थानक येथे सकाळी १० ते १२ वाजेपर्यंत प्रवासी राजा दिन तर दुपारी २ ते ५ या वेळेत कामगार पालक दिन साजरा करण्यात आला.या अभियानाची संकल्पना डॉ. माधव कुसेकर(उपाध्यक्ष तथा व्यवस्थापकीय संचालक महाराष्ट्र राज्य मार्ग परिवहन महामंडळ) यांची असून या अभियानाचा उद्देश प्रवासी व कामगार यांच्या अडीअडचणी प्रत्यक्ष विभाग नियंत्रक यांनी ऐकून घेऊन त्यावर लवकरात लवकर तोडगा काढून तक्रारीचे निवारण करणे हा आहे. त्याअनुषंगाने अकलूज आगारात विभाग नियंत्रक विनोदकुमार भालेराव,विभागीय वाहतूक अधिकारी अजय पाटील व कामगार अधिकारी घाटगे या सोलापूर विभागीय कार्यालयातील अधिकाऱ्यांनी प्रत्यक्ष येऊन सकाळी १० ते दुपारी ५ या वेळेत प्रवासी व कामगार यांच्या अडी अडचणी समजून घेऊन त्यावर उपाय योजना करून अडचणी तत्काळ सोडविण्याबाबत आगार प्रशासनास आदेश दिले व त्याबाबत मार्गदर्शन केले.
या अभियानाच्या दिवशी प्रवासी तक्रार एक व कामगार तक्रारी पाच प्राप्त झाल्या असून तक्रारींचे निराकरण तत्काळ करण्यात आले. प्रवासी व कामगार यांच्या तक्रारी ऐकून घेण्यासाठी व त्यावर उपाय योजना करण्यासाठी विभागीय अधिकाऱ्यांसोबत आगारातील अधिकारी प्रमोद शिंदे आगार व्यवस्थापक,केतन सोनवलकर , स्थानक प्रमुख,पंकज सावंत आगार लेखाकार,विजय रंदवे, वाहतूक नियंत्रक हे उपस्थित होते.
