💢 अपुऱ्या शिक्षक संख्येमुळे पुरंदावडे जि प शाळेच्या पटसंख्या व गुणवत्तेवर परिणाम ♦️ माळशिरस पंचायत समिती कार्यालय समोर 15 ऑगस्ट पासून आमरण उपोषणाचा इशारा

💢 अपुऱ्या शिक्षक संख्येमुळे पुरंदावडे

जि.प. शाळेच्या पटसंख्या व गुणवत्तेवर परिणाम

♦️ माळशिरस पंचायत समिती कार्यालय समोर 15 ऑगस्ट पासून आमरण उपोषणाचा इशारा

Akluj Vaibhav News Network.

🔰 आकाश भाग्यवंत नायकुडे

मुंबई दिनांक 26/07/2024 :

अपुऱ्या शिक्षक संख्येमुळे पुरंदावडे जि प शाळेच्या पटसंख्या व गुणवत्तेवर अनिष्ट परिणाम होत आहे
शाळेत शिक्षकांची संख्या वाढवली नाही तर 15 ऑगस्ट 2024 पासून माळशिरस पंचायत समिती
कार्यालयासमोर आमरण उपोषण सुरू करणार असल्याचा ह.भ.प. मोहनानंद महाराज यांनी इशारा दिला आहे.
त्यांनी दिलेल्या निवेदनामध्ये नमूद केलेले आहे की, जिल्हा परिषद शाळा पुरंदवडे या शाळेने गेल्या काही वर्षात अनेक शिक्षक घडवले ,अनेक ऑफिसर घडवले, इंजिनियर घडवले .तशी पुरंदवडे गावची शाळेची गुणवत्ता अतिशय चांगली पुणे पंढरपूर रोडवर असणारी ही शाळा आदर्श शाळा म्हणून उदयास आली .या शाळेत अनेक चांगले पैलू चांगले विचारवंत अशी माणसं घडली. पण आज गेल्या तीन-चार वर्षांमध्ये या शाळेची गुणवत्ता , या शाळेचा दर्जा या शाळेची पटसंख्या अतिशय कमी का झाली याची कारणे शोधले असता निवळ गावामध्ये वातावरण चांगला असताना अगदी रोडवर शाळा असताना या शाळेमध्ये शिक्षकांची संख्या अत्यंत अल्प असल्याने दोन दोन, तीन तीन वर्ग एक शिक्षक चालवत असेल तर त्या विद्यार्थ्यांनी अभ्यास कसा करावा असा प्रश्न निर्माण होतो ?तसे पाहता शाळेमध्ये शिक्षक भरणे गरजेचे आहे गेल्या तीन वर्षांमध्ये नववी, दहावी शिकलेल्या मुली वर्ग चालवत होत्या हे किती चिंतेची बाब आहे शासनाच्या लक्षात आलं पाहिजे की लहान मुलं देशाची भावी फुल आहेत, देशाचे आधारस्तंभ आहेत, उद्याचा देश त्यांच्या हातात आहे, उद्याची संस्कृती, उद्याचं ध्येय, उद्याचा भारत घडवण्याचं काम या लहान मुलांमध्ये आहे. मग आपण आमच्या शाळेमध्ये जिल्हा परिषद शाळा पुरंदावडे तालुका माळशिरस या ठिकाणी शिक्षक भरणे विषयी मी मोहनानंद महाराज पुरंदावडेकर उर्फ मोहन ओवाळ गेल्या महिन्यामध्ये गटविकास अधिकारी, गटशिक्षण अधिकारी, जिल्हा परिषद प्राथमिक विभाग सोलापूर, जिल्हाशिक्षणधिकारी या सर्वांना पुरंदावडे गावी शिक्षक भरणे विषयी विनंती केली आहे लेखी अर्ज दिलेला आहे .आपणास एक महिन्याची मुदत दिली आहे एक महिन्याच्या आत जर शिक्षक नाही भरले तर मी 15 ऑगस्ट दिवशी पंचायत समिती कार्यालय माळशिरस या ठिकाणी आमरण उपोषण करणार आहे. कारण मी आपणास लेखी देऊन सुद्धा मला आपण त्याचे लेखी पत्र पाठवले नाही म्हणून मी 15 ऑगस्ट स्वातंत्र्य स्वातंत्र्यदिनी या लहान मुलांच्या भवितव्याकरिता लहान मुलांच्या शिक्षणाकरिता त्यांचे जीवन चांगले बनवण्याकरता आणि चांगल्या कामाकरता आमरण उपोषण करणार आहे. तरी त्वरित आपण मला लेखी खुलासा कराल अशी आशा बाळगतो. असेही शेवटी मोहनानंद महाराज पुरंदावडेकर यांनी निवेदनामध्ये नमूद केलेले आहे.