💢 सहकार महर्षि शंकरराव मोहिते-पाटील सहकारी साखर कारखान्यात मील रोलर पूजन संपन्न

🟧 गळीत हंगाम 2024-2025 मध्ये 10 लाख मे.टन.ऊस गाळपाचे उद्दीष्ट

Akluj Vaibhav News Network.

🔰 आकाश भाग्यवंत नायकुडे

मुंबई दिनांक 18/07/2024 :

शंकरनगर अकलूज (तालुका माळशिरस, जिल्हा सोलापूर, महाराष्ट्र राज्य) येथील सहकार महर्षि शंकरराव मोहिते-पाटील सहकारी साखर कारखान्यामध्ये गळीत हंगाम 2024-2025 करीता मील रोलरचे पूजन गुरूवार दि.18/07/2024 रोजी सकाळी 10:00 वाजता कारखान्याच्या संचालिका स्वरुपाराणी जयसिंह मोहिते-पाटील यांचे शुभहस्ते संपन्न झाले.
कारखान्याचे मार्गदर्शक संचालक व महाराष्ट्र राज्याचे माजी उपमुख्यमंत्री, विजयसिंह शंकरराव मोहिते-पाटील यांचे कुशल मार्गदर्शनाखाली व चेअरमन जयसिंह शंकरराव मोहिते-पाटील यांचे नेतृत्वाखाली कारखाना प्रगतीपथावर वाटचाल करीत आहे.
गळीत हंगाम 2024-2025 चालू करण्याचे दृष्टीने कारखाना व इतर उपपदार्थ प्रकल्पाकडील ओव्हर हॉलिंगची कामे प्रगतीपथावर असून शेती विभागामार्फत ऊस तोडणी वाहतूकीचे वाहन करार सुरू असून ते अंतीम टप्प्यात आले असलेची माहिती कार्यकारी संचालक राजेंद्र केरबा चौगुले यांनी दिली.
कारखान्याने गळीत हंगाम 2024-2025 मध्ये 10 लाख मे.टन. ऊस गाळप करणेचे उद्दीष्ट ठेवले आहे. त्यासाठी कारखाना कार्यक्षेत्रातील सर्व सभासद व बिगर सभासद यांनी आपला ऊस कारखान्यास गळीतास देऊन सहकार्य करावे असे आवाहन कारखान्याच्या संचालिका स्वरुपाराणी जयसिंह मोहिते-पाटील यांनी केले.
सदर कार्यक्रम प्रसंगी कारखान्याचे व्हाईस चेअरमन- शंकरराव माने-देशमुख तसेच संचालक-लक्ष्मण शिंदे, सतीश शेंडगे, नानासाहेब मुंडफणे, विजयकुमार पवार, विराज निंबाळकर, महादेव क्षिरसागर, अमरदिप काळकुटे, गोविंद पवार, जयदिप एकतपुरे, रामचंद्र ठवरे, संचालिका सुजाता शिंदे, तज्ञ संचालक रामचंद्रराव सावंत-पाटील, कार्यलक्षी संचालक- रणजित रणनवरे व शिवसृष्टी किल्ला व शिवछत्रपती मल्टिमेडीया लेजर शो कमिटीचे संचालक पांडूरंग एकतपुरे, बाळासाहेब माने-देशमुख, दत्तात्रय चव्हाण, विनायक केचे, राजेंद्र भोसले, धनंजय सावंत, नामदेव चव्हाण व सौ.हर्षाली निंबाळकर तसेच सर्व खातेप्रमुख, कामगार व युनियन प्रतिनिधी उपस्थित होते.