💢भटक्या कुत्र्यांच्या हल्यात झालेल्या पशुहानीची नुकसान भरपाई सरकारने द्यावी – संजय वाघमोडे 💢मिणचे शाखा शुभारंभ व मेंढपाळ मेळावा संपन्न.

💢भटक्या कुत्र्यांच्या हल्यात झालेल्या पशुहानीची नुकसान भरपाई सरकारने द्यावी – संजय वाघमोडे

💢 मिणचे शाखा शुभारंभ व मेंढपाळ मेळावा संपन्न.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 01/07/2024 :

जंगली प्राण्यांच्या हल्ल्यात एखाद्या जनावराचा मृत्यू झाला तर त्याची नुकसान भरपाई ही वनविभागाकडून दिली जाते परंतु भटक्या कुत्र्यांच्या हल्यात पाळीव जनावरारांचा मृत्यू झाला त्याची नुकसान भरपाई मिळत नाही. त्यामुळे पशुपालक शेळ्या मेंढपाळांना अर्थिक नुकसान सोसावे लागते. तरी याची जबाबदारी शासनाने स्विकारून नुकसान भरपाई द्यावी अशी मागणी यशवंत क्रांती संघटनेचे संस्थापक अध्यक्ष संजय वाघमोडे यांनी केली. ते मिणचे ता. हातकणंगले जि. कोल्हापूर येथे यशवंत क्रांती संघटनेच्या शाखा शुभारंभानिमित आयोजित मेंढपाळ मेळाव्यात बोलत होते.
पुढे बोलताना ते म्हणाले की वनविभागाकडूनही पशुपालकांच्यावर अन्याय करणारे जुलमी परिपत्रक काढण्यात आले आहे.वन्यप्राण्यांच्या हल्यात पाळीव जनावर मृत्यूमुखी पडले तर ते जनावर त्याच ठिकाणी ७ दिवस सीसीटीव्ही देखरेखी खाली ठेवून हल्ल्यातील श्वापद परत आल्याची खात्री करून मगच नुकसानग्रस्त पशुपालकांना नुकसान भरपाई देण्याचा नवीन नियम पशुपालकांच्या मुळावर उठला असून यामुळे ‘भीक नको पण कुत्रे आवर’ असे म्हणण्याची वेळ पशुपालकांवर आले आहे. जंगलात हरिण, सांबर, ससा यासारख्या प्राण्यांची संख्या कमी झाल्यामुळे व शेळ्या मेंढ्यांची सहजपणे मिळणारी शिकारीमुळे तरस, बिबट्या, लांडगे, कोल्हे यासारख्या जंगली हिस्र श्वापदांनी उसासारख्या पिकात आपले आश्रय स्थान निर्माण केले आहे. त्यामुळे पाळीव जनावरांवर वन्य श्वापदांच्या हल्ल्याचे प्रमाण वाढले यामध्ये एकाच वेळी अनेक जनावरे अशा वन्यप्राण्यांच्या हल्ल्यात मृत्युमुखी पडत असल्यामुळे पशुपालकांचे अतोनात नुकसान होत आहे. वन संरक्षण कायद्यानुसार वन्य श्वापदांच्या हल्ल्यात मृत अथवा जखमी झालेल्या पशुधनाची नुकसान भरपाई देणे वन विभागावर बंधनकारक असून अपवाद वगळता सदर नुकसान भरपाई देण्यासाठी अधिकाऱ्यांकडून करण्यात येणारी टाळाटाळ पशुपालकांसाठी नेहमीच अनुभवास येते. परंतु यातूनही यशवंत क्रांती संघटनेच्या माध्यमातून दीर्घकाळ पाठपुरावा करून काही पशुपालकांना नुकसान भरपाई मिळाल्याची उदाहरणे ही आहेत. परंतु आता वन विभागाने लागू केलेल्या नवीन नियमामुळे मदत मिळण्याची आशा संपत आली असून मदत सोडाच परंतु मृत जनावरं पाच दिवस गावठी कुत्री, घारी यापासून सुरक्षित ठेवण्यासाठी देखरेख करायची कुणी ? असा प्रश्न निर्माण झाला असून शेतकऱ्यांच्या शेतात अथवा गावाशेजारी अशी मृत जनावरे पाच दिवस ठेवल्यानंतर गावकरी व शेतकऱ्यांना सदरचा त्रास सहन होईल की पशुपालकांना शेतकरी व गावकऱ्यांच्या रोषाला सामोरे जावे लागेल ? असे अनेक प्रश्न निर्माण झाले आहेत. हल्ला केलेले श्वापद यादरम्यान त्याला दुसरी शिकार मिळाल्यास मृत जनावर ठेवलेल्या ठिकाणी परत फिरकलेच नाही तर नुकसान भरपाई रामभरोसे बनली आहे. तसेच मृत जनावराच्या वासाने कुत्री आली व खाताना भटकी कुत्री कॅमेऱ्यात दिसली तर नुकसान भरपाई मिळणे वरिष्ठ अधिकाऱ्यांच्या मर्जीवर अवलंबून राहणार असा नियम शासनाच्या लोककल्याणकारी धोरणाला हरताळ फासणारा असून पशुधनावर गुजरान करणाऱ्या सर्वसामान्य पशुपालकांचे आयुष्य उध्वस्त करणारा आहे. त्यामुळे सदरचा नियम रद्द करण्याची आग्रही मागणी त्यांनी केली. तसेच भटक्या कुत्र्यांच्या हल्यात मृत झालेल्या जनावरांच्या मालकाला नुकसान भरपाई देण्याबाबत शासनाने निर्णय घ्यावा. प्रशासनाने याबाबत योग्य निर्णय न घेतल्यास व्यापक आंदोलनाचा निर्धार यशवंत क्रांती संघटनेच्या माध्यमातून करण्यात येईल असा इशाराही त्यांनी दिला.
“आजच्या काळात संघटना चालवणे अवघड बनले असुन स्वतः पदरमोड करून परिस्थिती बेताची असुनही संजय वाघमोडे हे संघटना निस्वार्थीपणे चालवत आहेत आणि सर्वच समाजातील तळागाळातील सर्वसामान्य लोकांना न्याय देण्याचा प्रयत्न करत आहेत. त्यांचे कार्य कौतुकास्पद आहे”. असे जिल्हा परिषद चे माजी सभापती प्रविण यादव यांनी सांगून संघटनेच्या पुढील कार्यास शुभेच्छा दिल्या. संग्राम राजाराम वाकसे, अमोल आण्णाप्पा पवार, ओंकार मायाप्पा वाकसे, मारुती उर्फ पिंटू नाना वाकसे, तातोबा संतू वाकसे, संभाजी लक्ष्मण वाकसे, या नुतन पदाधिकाऱ्यांच्या निवडी करून मान्यवरांच्या हस्ते सत्कार करण्यात आला. कार्यक्रमाचे प्रास्ताविक व सुत्रसंचालन ग्रा. प. सदस्य भरत नाईक यांनी केले. कार्यक्रमास मिणचे गावचे सरपंच उपसरपंच सर्व संस्था पदाधिकारी, दादासो गावडे,अतुल धनगर, सोमाजी शेळके, तानाजी शेळके, धनाजी सिसाळ, कृष्णात शेळके, रामदास बंडगर, शुभम शेळके, सागर शेळके, कार्तिक शेळके, चंद्र अण्णा सिद्ध, कुमार गणपती सिद्ध, व किरण धोंडीराम गावडे, नागेश संभाजी सिद्ध, नरंदे, बु. वठार, खोची, हेर्ले शाखांचे सर्व पदाधिकारी मेंढपाळ बांधव ग्रामस्थ मोठ्या संख्येने उपस्थित होते.