🟣ग्रामिण भागातील मुलांना नाट्यकलेची गोडी लागणे गरजेचे आहे – शितलदेवी मोहिते-पाटील 🔵अकलूज येथे दि.14 जाने.ते दि.26 जाने.2024 या कालावधीत नाट्य व सांस्कृतिक महोत्सवाचे आयोजन

🟣ग्रामिण भागातील मुलांना नाट्यकलेची गोडी लागणे गरजेचे आहे – शितलदेवी मोहिते-पाटील

🔵अकलूज येथे दि.14 जाने.ते दि.26 जाने.2024 या कालावधीत नाट्य व सांस्कृतिक महोत्सवाचे आयोजन

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

🔰आकाश भाग्यवंत नायकुडे

अकलूज दिनांक 01/01/2023 :
देशाचे भावी आधार स्तंभ मोबाईलच्या अभासी दुनियेतुन बाहेर पडावेत.त्यांच्यामध्ये असणारे सुप्त गुण विकसित व्हावेत.आपला ग्रामिण भाग विविध कला कौशल्याने समृध्दआहे.त्या कलेचा वारसा पुढे अखंड चालत राहण्यसाठी ग्रामिण भागातील मुलांना नाट्यकलेची गोडी लागणे गरजेचे आहे.त्यासाठी लहान वयातच मुलांवर नाट्यकलेचे संस्कार करुन भविष्यात मोठे कलावंत निर्माण व्हावेत.तसेच अखिल भारतीय मराठी नाट्य परीषदेच्या शतकोत्सवी नाट्य सम्मेलना निमित्त अकलूज शाखेच्यावतीने आयोजीत नाट्य महोत्सव व सांस्कृतिक महोत्सव म्हणजेच नाटकांचा सुवर्ण काळ पुन्हा येण्याची सुरवात असल्याचे मत शितलदेवी मोहिते-पाटील यांनी व्यक्त केले.
अखिल भारतीय मराठी नाट्य परिषद, मुंबई, शाखा – अकलूज शाखेच्या वतीने १०० वे (शतकोत्सवी) नाटय संमेलन २०२४ निमित्त आयोजीत करण्यात आलेल्या विविध उपक्रमांच्या पार्श्वभूमीवर आयोजित पत्रकार परिषदेमध्ये अखिल भारतीय मराठी नाट्य परीषद मुंबई ,शाखा अकलूजच्या कार्याध्यक्षा शितलदेवी मोहिते-पाटील बोलत होत्या.यावेळी डाॕ.विश्वनाथ आवड, अभिनेता अजय तपकिरे, श्रीकांत राऊत, सुनिल कांबळे,अमोल खरात, श्रीकांत जाधव यांचेसह नाट्य परीषदेच्या अकलूज शाखेचे इतर सदस्य उपस्थित होते.
पुढे बोलताना शितलदेवी मोहिते-पाटील यांनी आजची युवा पिढी मोबाईलच्या आभासी दुनियेत वावरत असल्याने नाटकांसाठी कठीण काळ चालु असल्याची खंत व्यक्त केली.तसेच नाट्य परीषदेच्या माध्यमातुन ग्रामिण भागातील कलेला व्यासपिठ मिळवुन देण्याचे कार्य आ. रणजितसिंह मोहिते पाटील यांचे मार्गदर्शनाखाली आणि अखिल भारतीय मराठी नाट्य परीषद मुंबई ,शाखा अकलूजचे अध्यक्ष धैर्यशील मोहिते – पाटील यांचे अध्यक्षतेखाली विविध समित्या तयार करून अकलूज येथे दि.14 जाने.ते दि.26 जाने.2024 या कालावधीत नाट्य व सांस्कृतिक महोत्सवाचे आयोजन करण्यात आल्याचे सांगितले .
अ.भा.मराठी नाट्य परीषदेच्या वतीने शतकोत्सवी नाट्य संमेलना निमित्त पुणे, सोलापूर, बीड, नागपुर आणि रत्नागिरीसह संपुर्ण राज्यात विविध उपक्रमांचे आयोजन करण्यात आले आहे.

अकलूज येथे आयोजीत उपक्रमामध्ये दि.14 जानेवारी 2024 ते 20 जाने.2024 कालावधीमध्ये विजयसिंह मोहिते-पाटील क्रिडा संकुल हाॕल येथे जेष्ठ नाटय दिग्दर्शक संजय हळदीकर यांचे मार्गदर्शनाखाली बालनाट्य प्रशिक्षण कार्यशाळा, शिक्षक, प्राध्यापक आणि दिग्दर्शकांसाठी कार्याशाळेचे आयोजन करण्यात आले आहे.
दि. 21 ते 23 जानेवारी 2024 कालावधीत सोलापुर येथे विभागीय नाट्य संमेलन होणार असुन येथे जागर कार्यक्रमात सहभागी संघांची रंगीत तालीम होणार आहे. दि. 24 रोजी बालनाट्य, एकांकीका, एकपात्री, पखवाज जुगलबंदी, नाट्यपद व नाट्य प्रवेश सादरीकरण, दि. 25 रोजी मराठी जल्लोष तर दि. 26 जाने. 2024 रोजी अभिनेता प्रशांत दामले व अभिनेत्री वर्षा ऊसगावकर अभिनीत “सारखं काहीतरी होतयं” या नाटकाचे सादरीकरण होणार असुन नाट्य व सांस्कृतिक कार्यक्रम स.म.शंकरराव मोहिते-पाटील स्मृतीभवन येथे होणार असल्याचेही आयोजकांनी सांगितले .
यानिमित्ताने कठीण काळात अकलूजसह माळशिरस तालुक्यातील ज्यांनी नाटकांची परंपरा जोपासली अशा ज्येष्ठ कलाकारांबरोबर संपर्क साधुन आदरभाव व्यक्त करुन त्यांच्याही भावना समजुन घेण्याचा प्रयत्न होणार आहे.
यानिमित्ताने अकलूज नाटय चळवळीचा इतिहास आणि वाटचाल या स्मरणिका पुस्तकाचे प्रकाशन मान्यवरांच्या शुभहस्ते करण्यात येणार आहे.
प्रवेशासाठी प्रवेशिका मोफत असणार आहे. कार्यशाळांमध्ये आवाज, संवाद कौशल्य ,शरीर ठेवण, निरीक्षण शक्ती, आचरण, ऊच्चार स्पष्टता या तांत्रिक बाबींचेही प्रशिक्षण मिळणार आहे. सदर संमेलनासाठी चांगला प्रतिसाद मिळत असुन आणखी सहाभाग घेण्यासाठी व प्रवेशिकांसाठी 9822659201,7020853985,9975120093,9503773073 या क्रमांकावर संपर्क साधण्याचे अवाहन आयोजकांनी केले आहे.