💢भागवत कथेच्या श्रवणाने धुंदुकारीला मुक्ती मिळाली : अनंतशास्त्री मुळे 🟨श्रीमद् भागवत कथेची बद्रीनाथ येथे उत्साहात सांगता

💢भागवत कथेच्या श्रवणाने धुंदुकारीला मुक्ती मिळाली : अनंतशास्त्री मुळे

🟨श्रीमद् भागवत कथेची बद्रीनाथ येथे उत्साहात सांगता

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 भाग्यवंत लक्ष्मणराव नायकुडे, झेलम एक्सप्रेस मधून पहाटे 3:15 वा.

बुऱ्हानपूर दिनांक 15/06/2024 :

भागवत कथा ही कलीयुगात फल देणारी कथा आहे. पिशाच्य योनीला गेलेला धुंदीकारी हा भागवत कथेच्या श्रवणाने मोक्षप्राप्तीला गेला. ही कथा केवळ ऐकायची नाही तर ती आपल्या अंतकरणात रुजवा असे वेदमूर्ती भागवताचार्य अनंतशास्त्री मुळे यांनी सांगितले.
स्व.रत्नप्रभादेवी मोहिते-पाटील यांच्या जन्मशताब्दी वर्ष, स.म.शंकरराव मोहिते-पाटील सहकारी साखर कारखान्याचे चेअरमन जयसिंह मोहिते-पाटील यांच्या अमृत महोत्सवी वाढदिवस व अकलूज कृषी उत्पन्न बाजार समितीचे सभापती मदनसिंह मोहिते-पाटील यांच्या अमृत महोत्सवी वाटचालीनिमित्त देवभूमी बद्रीनाथ येथे भागवताचार्य अनंतशास्त्री मुळे यांच्या रसाळ वाणीतून दि.8 जून ते दि.14 जून रोजी रत्नाई भागवत कथा समिती, अकलूज यांच्यावतीने श्रीमद् भागवत ज्ञानयज्ञ कथेचे आयोजन केले होते.
या सप्ताहातात भागवत महात्म्य, गोकर्ण कथा, शुक परीक्षित संवाद, सती चरित्र, भक्त ध्रुव कथा, यासह अनेक अवतारासह त्यानंतर श्रीराम जन्म, श्रीकृष्ण जन्म, पुतनामावशीचा वध, कालिया मर्दन, इथपासून सुदामा चरित्र, उध्वव गीता ते श्रीकृष्ण गमन याचे अत्यंत रसाळ वाणीने त्यांनी कथन केले. आज दि.14 रोजी या भागवत कथेची सांगता करण्यात आली.
जयसिंह मोहिते-पाटील म्हणाले, आजपर्यंत अकलूज, शुकताल, द्वारका, वृंदावन, नैमिश अरण्य व पंढरपूर अशा 6 ठिकाणी या भागवत कथेचे आयोजन करण्यात आले होते. देवभूमी बद्रीनाथ येथे प्रथमच आम्ही या कथेचे आयोजन केले होते.
यावेळी सौ.सुलक्षणादेवी मोहिते-पाटील, सौ.सुमित्रा खानविलकर, कु.स्वरूपाराणी मोहिते-पाटील, सौ.ऋतुजादेवी मोहिते-पाटील, प्रदिप खराडे-पाटील, दिपक खराडे-पाटील, आशिष खराडे-पाटील यांच्यासह 110 महिला व पुरूषांनी उपस्थित राहून या कथेचा लाभ घेतला.