💢शेतकरी संघटना महासंघ, एनयूबीसी च्या वतीने 16 जूनला दिल्लीत राष्ट्रीय परिषद 💢एनयूबीसी चे संस्थापक व दिल्लीचे पहिले मुख्यमंत्री चौधरी ब्रह्मप्रकाश जी यांच्या जयंती निमित्त आयोजन

💢शेतकरी संघटना महासंघ, एनयूबीसी च्या वतीने 16 जूनला दिल्लीत राष्ट्रीय परिषद

💢एनयूबीसी चे संस्थापक व दिल्लीचे पहिले मुख्यमंत्री चौधरी ब्रह्मप्रकाशजी यांच्या जयंती निमित्त आयोजन

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

मुंबई दिनांक 12/06/2024 :
एनयूबीसी व शरदजोशी विचारमंच शेतकरी संघटना राष्ट्रीय महासंघ तसेच महा ऍग्रो ग्लोबल ऍग्रो व इतर 26 समविचारी संघटनांच्या वतीने दिल्ली येथे राष्ट्रीय परिषदेचे आयोजन करण्यात आले आहे, दिनांक 16 जून रोजी एनयूबीसी चे संस्थापक व दिल्लीचे पहिले मुख्यमंत्री चौधरी ब्रह्मप्रकाश जी यांची 126 वी जयंती आहे त्यानिमित्त राष्ट्रीय परिषदेचे आयोजन करण्यात आलेले आहे. परिषदेचे उद्घाटन माजी केंद्रीय कृषिमंत्री शरद पवार यांच्या हस्ते, एनयूबीसी चे वर्किंग प्रेसिडेंट सुवर्णकुमार यांच्या अध्यक्षतेखाली होणार आहे एनयूबीसी च्या पहिल्या नूतन महिला राष्ट्रीय अध्यक्ष एस गीता यांच्या नेतृत्वाखाली या परिषदेचे आयोजन करण्यात आलेले आहे.

राष्ट्रीय पिछडा वर्ग महासंघ तसेच शेतकरी संघटना महासंघ नवी दिल्ली महाराष्ट्र राज्य , ग्लोबल ऍग्रो फाउंडेशन व महा ऍग्रो च्या वतीने 16 जूनला एनयूबीसीचे संस्थापक अध्यक्ष दिल्लीचे प्रथम मुख्यमंत्री यांच्या 126 व्या जयंती निमित्ताने राष्ट्रीय परिषदेचे आयोजन करण्यात आल्याची माहिती

संघटनेचे राष्ट्रीय अध्यक्ष तथा निमंत्रक विठ्ठल राजे पवार यांनी आज पुणे येथे पत्रकारांनी बोलताना दिली यावेळी संघटनेचे महाराष्ट्र राज्य प्रसिद्धीप्रमुख भाग्यवंत ल. नायकुडे, जगन्नाथ कोरडे पाटील, दौलतराव गंगे, बाळासाहेब वर्पे, दिलीप वर्पे, प्रदेश युवक अध्यक्ष अंकुश काळे, गजानन भटकर, मारुती जाधव, परमेश्वर आप्पा पिसुरे, विठ्ठल लोखंडे, हिरामण बांदल, यशवंत बांगर, वंदना खांडेभराड, ॲड. मीना सोनवणे, एम परमेश्वरी व सौ. सुजाता, योगेश कदम, आधी पदाधिकारी उपस्थित होते.
देशभरामध्ये शेतकरी कष्टकरी कामगार व पिछडा वर्गाची समस्या प्रचंड मोठ्या प्रमाणात असून देशातील 80 कोटी लोकांना जगवणारा पिछडावर्ग अर्थात शेतकरी, कष्टकरी हा अत्यंत संकटात असणारा, त्यांची आर्थिक परिस्थिती अत्यंत खालावल्याने राज्यात व देशांमध्ये पिछडा वर्गाच्या आत्महत्या अधिक मोठ्या प्रमाणात होत आहेत. याला केंद्र आणि राज्य सरकारचे चुकीचे धोरण जबाबदार असल्याचे विठ्ठल राजे पवार यांनी सांगितले. लोकसभेच्या निवडणुका संपलेल्या असूनदेखील राजकीय पक्ष अजूनही निवडणुकीच्या धुंदीतून बाहेर आलेले नाहीत. देशांमध्ये खरिपाचा हंगाम सुरू झाला असताना पिछडा वर्ग शेतकरी आर्थिक समस्या मध्ये सापडला असून त्यांना पीक कर्ज मिळत नाही किंवा मिळाले तर पीक कर्जातून बेकायदेशीरपणे कर्जाचे हप्ते कापून घेतले जातात. दुधाचे दर अत्यंत खाली गेले असून देशभरामध्ये जवळपास साडेतीन ते चार हजार कोटी रुपयांची एफआरपी अद्यापही थकीत आहे. असून महाराष्ट्र राज्यामध्ये साडेसातशे कोटी रुपये एफआरपी बाकी आहे. तसेच दुधाचे दर खाली गेल्याने दूध दर पाडून दररोज दूध उत्पादक शेतकऱ्यांची 25 कोटी रुपयांची लूट होत असून याच्यामध्ये राजकीय वरदहस्त असल्याची माहिती देत याबाबत संघटनेचे अध्यक्ष विठ्ठल राजे पवार यांनी संताप व्यक्त केला आहे.
शेतकरी व देशभरातील पिछडावर्ग यांच्या मोठ्या प्रमाणात समस्या असून त्या राष्ट्रीय परिषदेमध्ये मांडून त्या केंद्र सरकारकडे दिल्या जातील.
यावेळी शेतकरी व पिछडावर्ग यांच्या असलेल्या समस्या परिषदेमध्ये मांडून त्याचे निवेदन व मागण्या केंद्र सरकारला देण्यात येणार असल्याची माहिती संघटनेचे अध्यक्ष व राष्ट्रीय निमंत्रक तसेच ए न्यू बी सी चे वेस्टर्न भारताचे अध्यक्ष विठ्ठल राजे पवार यांनी दिली.