“द लाईट : ए जर्नी विदिन” आठ मार्च पासून प्रदर्शित होणार

“द लाईट : ए जर्नी विदिन”
आठ मार्च पासून प्रदर्शित होणार

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

आकाश भाग्यवंत नायकुडे

अकलूज दिनांक 05/03/2024 : ज्यांनी आपल्या जीवनात महिलांचे सशक्तिकरण आणि अध्यात्माद्वारे मानवी मूल्यांबाबत जागरूकता निर्माण करून समाजात शांतता व सौहार्द प्रस्थापित करण्याचे ध्येय ठेवले, असे ब्रह्माकुमारी संस्थेचे संस्थापक पिताश्री ब्रह्मा बाबा यांच्या वास्तविक जीवनातील घटनांवर आधारित “द लाईट : ए जर्नी विदिन” हा चित्रपट अकलूज येथील श्रीराम सिनेमागृहात दिनांक 8 ते 12 मार्च 2024 रोजी सकाळी 10 ते 11:30 या दरम्यान प्रसिद्ध प्रदर्शित करण्यात येणार आहे. मनुष्य आत्म्यात सकारात्मक परिवर्तन घडवून आणणारा हा सिनेमा प्रेरणादायी असून तो सर्वांसाठी खुला म्हणजे मोफत ठेवण्यात आलेला आहे. अशी माहिती ब्रह्माकुमारीज सेंटर, “शिवालय” संग्रामनगर अकलूज शाखेच्या संचालिका बी.के. शिवरात्री बहेनजी यांनी दिली.
गॉडलीवूड व्हिडिओ निर्मित असलेल्या या चित्रपटाची कथा बी.के. जगदीश चंदर यांनी लिहिलेल्या “एक अद्भुत जीवन कहाणी” या पुस्तकातून घेतली गेली आहे. एक श्रीमंत आणि प्रसिद्ध हिरे व्यापारी असलेल्या दादा लेखराज कृपलानी (पिताश्री ब्रह्मा) यांनी आपले आरामदायक जीवन त्यागून राज योगाच्या मार्गावर वाटचाल केली. अध्यात्माच्या या नवीन मार्गावर जात असताना त्यांनी अनेक आव्हाने आणि अडथळ्यांना सामोरे जावे लागले. शौर्याने आणि धेर्याने प्रतिकूल परिस्थितीचा सामना करताना त्यांनी सर्व शक्तिमान परमपिता परमात्मा “द लाईट” कडून सतत मार्गदर्शन आणि सामर्थ्य मिळाले. दादा लेखराज यांनी नश्वर देहाचा त्याग केल्यानंतर त्यांचे अध्यात्मिक ज्ञानाच्या प्रसाराचे कार्य ईश्वरीय प्रेरणेने आजही प्रजापिता ब्रह्मकुमारीज ईश्वरीय विश्व विद्यालयाच्या वतीने जगभरात चालू आहे.
अशी अद्भुत प्रेरणादायी कथा जी तुमची आंतरिक जीवन जागृत करते आणि जीवनाचा मार्ग प्रकाशित करते. यासाठी थ्री डी मध्ये असलेला हा चित्रपट सर्वांनी सिनेमागृहात येऊन पहावा, असे आवाहन बी.के. शिवरात्री भहेनजी यांनी केले आहे.हा चित्रपट पाहण्यासाठी बुकिंग करण्यासाठी संपर्क नंबर याप्रमाणे आहेत. मोबाईल नंबर 97 62 65 90 58 आणि 98 81 63 84 69 या मोबाईल नंबर वर संपर्क साधावा असेही प्रसिद्धीस दिलेल्या पत्रकात नमूद केलेले आहे.