🟨धनगर समाजासाठी स्वतंत्र महामंडळ स्थापन करावे – संजय वाघमोडे     🟪करनुर येथे यशवंत क्रांती संघटना शाखा शुभारंभ उत्साहात.

🟨धनगर समाजासाठी स्वतंत्र महामंडळ स्थापन करावे – संजय वाघमोडे

🟪करनुर येथे यशवंत क्रांती संघटना शाखा शुभारंभ उत्साहात.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰आकाश भाग्यवंत नायकुडे.

मुंबई दिनांक 29/05/2024 :
धनगर समाजासाठी स्वतंत्र महामंडळाची स्थापना करून समाजातील तरुणांना कोणताही व्यवसाय करण्यासाठी बिनव्याजी २५ लाखापर्यंत कर्ज महामंडळाकडून देण्यात यावे. अशी मागणी यशवंत क्रांती संघटनेचे संस्थापक अध्यक्ष संजय वाघमोडे यांनी केली. ते करनुर ता. कागल येथे यशवंत क्रांती संघटना शाखा शुभारंभ व रक्तदान शिबीरानिमित्त आयोजित करण्यात आलेल्या कार्यक्रमात बोलत होते. यावेळी संघटनेचे जिल्हाध्यक्ष आप्पाजी मेटकर,जिल्हा उपाध्यक्ष अमोल मेटकर, जिल्हा सरचिटणीस राम कोळेकर,कागल तालुका अध्यक्ष आनंदा धनगर सौ. मंजिरी पाटील सरपंच करनुर, मा.सरपंच लक्ष्मण भंडारी, शिवाजी माळकर, हातकणंगले शाखाध्यक्ष रवि ठोंबरे, यांनीही आपले मनोगत व्यक्त केले.

संजय वाघमोडे बोलताना पुढे म्हणाले की धनगर समाज हा मूळ आदिवासी धनगर समाज असल्याने तो मोठ्या संख्येने जंगलात राहत आहे. त्यांचे संसार जंगलातील जांभळे करवंदे वाळलेल्या झाडाच्या फांद्या किंवा औषधी वनस्पती गोळा करून तो दूर चालत जाऊन शहरात विकून ते संसार चालवत असतात किंवा शेळ्या मेंढ्याचे पालन करणे हाच मुख्य व्यवसाय आहे. परंतु सरकारने कुराडबंदी, लाकूडबंदी, वनहद्द बंदी, यासारख्या सरकारी जुलमी कायद्याचा आधार घेऊन त्यांच्या मूलभूत अधिकारावर गदा आणून त्यांचे जगणे मुश्किल केले आहे. शेळ्या मेंढ्या चारण्यासाठी गायरान अतिक्रमणा मुळे शिल्लक नाही व खाजगी जमीन लागवडीखाली आल्याने शेळ्या मेंढ्या चारण्यासाठी चराई क्षेत्र उपलब्ध नसल्याने मेंढपाळ आपल्या शेळ्या मेंढ्या विकुन एमआयडीसीत कामाला जाऊ लागल्याने शेळ्या मेंढ्या ची संख्या झपाट्याने कमी होत आहे. हा व्यवसाय टिकवून ठेवण्यासाठी सरकारने प्रयत्न करणे आवश्यक आहे. तसेच मेंढपाळानी आपल्या मेंढ्यांचे लसीकरण पावसाळ्यापूर्वी करून घेणे गरजेचे आहे.यावेळी शाखासंपर्क प्रमुख रामा सिध्दू धनगर, शाखाध्यक्ष बाळासो सोमा धनगर, शाखा उपाध्यक्ष मिथुन बिरसिध्द धनगर, सेक्रेटरी सावंता शिवाजी धनगर, खजिनदार सागर बाळू धनगर संघटकपदी भागोजी सिध्दू धनगर, यांच्या निवड करण्यात येऊन मान्यवरांच्या हस्ते निवड पत्र देऊन सत्कार करण्यात आला.
कार्यक्रमाचे प्रास्ताविक सतिष धनगर ग्रा. स. यांनी केले तर आभार तानाजी धनगर यांनी मानले कार्यक्रमास सदस्य कृष्णात सिध्दू धनगर, बाळासो मायाप्पा धनगर, लक्ष्मण नागू भंडारे, गणपती अवनाप्पा धनगर,सतिश भिकाजी धनगर,बाळू बिरु धनगर, सतिश नवलाप्पा धनगर, संजय गणपती धनगर, हालसिध्द धुळाप्पा धनगर,बिरसिध्द यशवंत धनगर,सुरेश आण्णाप्पा धनगर, सुरज धनगर, संजय कोळेकर, दादासो गावडे, अतुल धनगर, उत्तम तांदळे, तसेच समस्त धनगर समाज मेंढपाळ कोंगनोळी, कागल शेंडूर परिसरातील व करनुर ग्रामस्थ मोठ्या संख्येने उपस्थित होते.