लक्ष्मण विठोबा आसबे यांचे अल्पशा आजाराने निधन
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
अकलूज दिनांक 12/05/2024 : संग्रामनगर येथील रहिवासी आणि अकलूज विविध कार्यकारी सहकारी सोसायटीचे चेअरमन लक्ष्मण विठोबा आसबे (वय 86 वर्षे) यांचे रविवार दिनांक 12 मी 2024 रोजी रात्री सव्वा नऊ वाजण्याच्या सुमारास अल्पशा आजाराने राहते घरी निधन झाले. त्यांचे पश्चात पत्नी, दोन मुले, एक मुलगी, सुना, नातवंडे, असा परिवार आहे.
मोहिते पाटील परिवाराशी अत्यंत घनिष्ठ संबंध असणारे, धार्मिक वृत्तीचे स्व. लक्ष्मण विठोबा आसबे यांनी राजकीय, सामाजिक, धार्मिक, कला, क्रीडा इत्यादी विविध क्षेत्रात उल्लेखनीय कार्य केलेले आहे. अकलाई स्मशान भूमीमध्ये त्यांचे पार्थिवावर अंतिम दाह संस्कार करण्यात आले. तत्पूर्वी मोहिते पाटील परिवाराच्या वतीने सहकार महर्षि शंकरराव मोहिते पाटील सहकारी साखर कारखान्याचे चेअरमन जयसिंह मोहिते-पाटील यांचे सह अनेक मान्यवरांनी स्वर्गीय लक्ष्मण (तात्या) आसबे यांच्या पार्थिवावर पुष्पमाला अर्पण करून श्रद्धांजली वाहिली. मंगळवार दिनांक 14 मे रोजी सकाळी 7:30 वा. तिसऱ्याचा (सावडण्याचा) विधी होईल.
