🟣सोलापूरच्या कांदा व्यापाऱ्याकडून धुळ्याच्या महिला शेतकऱ्यांची आर्थिक फसवणूक 💢शरद जोशी विचारमंच शेतकरी संघटनेने केली तक्रार

🟣सोलापूरच्या कांदा व्यापाऱ्याकडून धुळ्याच्या महिला शेतकऱ्यांची आर्थिक फसवणूक

💢शरद जोशी विचारमंच शेतकरी संघटनेने केली तक्रार

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰 आकाश भाग्यवंत नायकुडे

अकलूज दिनांक 07/04/2024 :

सोलापूर कृषी उत्पन्न बाजार समिती मधील व्यापारी सकतैन म शाकीर बागवान याने धुळ्याच्या महिला शेतकऱ्याची केली १.५८ लाखाची आर्थिक फसवणूक केल्याची तक्रार शरद जोशी विचारमंच शेतकरी संघटनेने राज्याचे पणन संचालक श्री रसाळ, सोलापूर डी डी आर, दोन्ही बाजार समितीचे सचिव, जिल्हाधिकारी सोलापूर, व राज्याचे प्रधान सचिव सहकार पणन यांच्याकडे केल्याची माहिती संघटनेचे अध्यक्ष तथा राष्ट्रीय निमंत्रक विठ्ठल राजे पवार यांनी सांगितली.

महिला शेतकरी यांचे बचत खात्यावर ४८ तासाच्या आत १.५८ लाख रुपये सव्याज जमा करावेत व संबंधित व्यापारी शाकीर बागवान यांच्यावर कठोर कारवाई करणे संदर्भात सूचनाही दिलेल्या आहेत.

बागवान याने सोलापूर बाजार समितीचे गेटवर देशमुख यांची गाडी अडवून तुम्हाला सोळा रुपये पेक्षा अधिकचा भाव देतो असे सांगून गाडी ताब्यात घेतली गोड बोलून आणि बिल मात्र काही चौदा रुपये केले आणि काही बिल तेरा रुपयांनी करून शेतकऱ्याची सुमारे ३० हजार रुपयांहून अधिकची आर्थिक फसवणूक व मानसीक नुकसान देखील केलेली आहे अशी लेखी तक्रार संघटनेने केलेली आहे, शाकीर बागवान यांच्यावर तात्काळ गुन्हे दाखल करून त्यांचा गाळा ताब्यात घेऊन कठोर कारवाई करावी असे ही संघटनेने म्हटले आहे. धुळे येथील कांदा उत्पादक महिला शेतकरी भाग्यश्री दत्ता देशमुख व सत्यजित अंबादास देशमुख यांची सोलापूर येथील कांदा भाजीपाला कमीशन एजंट व्यापारी सकतैन म शाकीर बागवान गाळा नंबर 180 सिद्धेश्वर मार्केट यार्ड सोलापूर याने शारीरिक मानसिक व आर्थिक फसवणूक केलेनने त्याच्यावर पणन, सहकार कायद्यान्वये तसेच भारतीय दंड संहिता कलम 420 , 34 आदी अन्वये गुन्हा दाखल करून गाळा जप्त करावा व महिला शेतकरी यांना व्याजासह 1.58 लाख 24 तासाच्या आत बचत खात्यावर जमा करा अशा आशयाचा पत्रव्यवहार संघटनेच्या वतीने राज्याचे पणन संचालक यांच्याकडे करण्यात आलेला असून त्या संदर्भात सोलापूर बाजार समितीच्या दोन्ही सचिवांना भ्रमणध्वनी वरून सूचना देण्यात आल्याची माहिती संघटनेचे अध्यक्ष तथा राष्ट्रीय निमंत्रक विठ्ठल राजे पवार यांनी पत्रकारांना दिलेल्या प्रेस नोट मध्ये म्हटले आहे.
सोलापूर कृषी उत्पन्न बाजार समितीमध्ये सातत्याने उत्पादक शेतकऱ्यांची आर्थिक फसवणूक केली जाते त्यामध्ये वजन काटे, भाव एक आणि बिल दुसऱ्या दराने करणे, अशा स्वरूपाच्या आर्थिक फसवणूक झालेले अनेक शेतकरी आहेत, त्याची कोट्यावधी रुपयांच्या फसवणूक झालेल्या आहे, शरदजोशी विचारमंच शेतकरी संघटनेने त्या वेळी बाबत सातत्याने आवाज उठवत शेतकऱ्यांना त्यांची फसवणूक झालेली आर्थिक रक्कम मिळवून देण्यामध्ये संघटनेचे सातत्याने प्रयत्न केले आहेत.
फसवणुकीचे प्रकार पुणे सोलापूर धुळे जळगाव नाशिक व हिंगोली बाजार समितीमध्ये मोठ्या प्रमाणात मध्ये होतात. बाजार समितीमध्ये शेतकऱ्यांची आर्थिक फसवणूक राज्यात सातत्याने होते आहेत, ज्या शेतकऱ्यांची बाजार समितीमध्ये आर्थिक फसवणूक झालेली आहे त्या शेतकऱ्यांनी शरदजोशी विचारमंच शेतकरी संघटनेच्या त्या त्या जिल्ह्याच्या अध्यक्षांकडे लेखी स्वरुपात तक्रार करावी असे आवाहन संघटनेचे राष्ट्रीय अध्यक्ष विठ्ठल राजे पवार यांनी केली आहे.