कोणी कोणाचे बोट धरायचे…..❗

कोणी कोणाचे
बोट धरायचे…..❗

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

अकलूज दिनांक 03/04/2024 :

कशाला सांगता
रोज रोज मला
कोण
कुठे जाणार

एवढेच सांगा
कोण कुठे जाऊन
नेमके
काय दिवे लावणार

इथली घाण तिथे
तिथली इथे
कुठेही गेला तरी
दुसरे काय करणार

तेच ते लोक
त्यांची तीच ती नावे
तेच ते चेहेरे
दाखवा ना काही नवे

तुम्हाला हवे तेच
तेवढेच आणि तसे
मी का बघायचे
निरर्थक हे असे

सवयीचा झाला आहे
गुलाम फक्त ऐकणारा,
बघणारा,गुलाम अजून
कोणाचा तरी हे दाखवणारा

सारेच कसे
मुळापासून
उखडून फेकण्याची
वेळ आली आहे

सारेच कसे
हवे तसे
करण्याची वेळ
आली आहे

प्रश्न फक्त
इतकाच आहे
कोणी करायचे
कसे करायचे

विचार करत
बसू नका,एवढेच ठरवा
त्यासाठी,कोणी कोणाचे
बोट धरायचे

✍️श्रीपाद भालचंद्र जोशी

🔰 संकलन : आकाश भाग्यवंत नायकुडे