💢 नवीन वर्तमानपत्र नोंदणीची प्रक्रिया ठरतेय अडथळ्यांची शर्यत 🟪 महा डिजिटल मीडिया असोसिएशन झाली आक्रमक

💢 नवीन वर्तमानपत्र नोंदणीची प्रक्रिया ठरतेय अडथळ्यांची शर्यत

🟪 महा डिजिटल मीडिया असोसिएशन झाली आक्रमक

अकलूज वैभव न्यूज नेटवर्क
आकाश भाग्यवंत नायकुडे
मुंबई दिनांक 24 डिसेंबर 2024 :
मार्च महिन्यापासून प्रेस सेवा पोर्टल लॉन्च झाले. नवीन कायद्यामध्ये फक्त 60 दिवसामध्ये वर्तमानपत्र नोंदणी होईल अशी तरतूद आहे. मात्र अजूनही प्रेस सेवा पोर्टलवर नोंदण्या होत नाहीत. नवीन वर्तमानपत्र नोंदणीची प्रक्रिया ठरतेय अडथळ्यांची शर्यत अशी अवस्था निर्माण झाली आहे. यासंदर्भात महा डिजिटल मीडिया असोसिएशनचे संस्थापक एडवोकेट अद्वैत चव्हाण यांनी एक ऑनलाईन जून मीटिंग चे आयोजन केले होते. राज्यभरातून बहुसंख्य पत्रकारांनी मीटिंगमध्ये सहभाग नोंदविला. या ऑनलाईन मीटिंगमध्ये एडवोकेट अद्वैत चव्हाण यांनी म्हटले की, “पी आर जी आय ची हेल्पलाइन सेवा सुद्धा अतिशय तकलादू आहे. महाराष्ट्रामध्ये अनेक जिल्हाधिकारी, उपजिल्हाधिकारी, उपविभागीय अधिकारी यांना नवीन कायद्याबद्दल माहितीच नाही. हा सर्व प्रकार चीड आणणारा असून यावर मार्ग काढण्यासाठी आज रात्री या झूम मीटिंग चे आयोजन केले आहे”.

मीटिंगमध्ये खालील मुद्द्यावर चर्चा झाली
1. प्रेस सेवा पोर्टल कडून वर्तमानपत्र नोंदणीला होणारा विलंब.
2. प्रेस सेवा पोर्टल कडून प्रॉपर उत्तरे मिळत नाहीत.
3. प्रेस सेवा पोर्टल कडून हेल्पलाइन ला कॉल केल्यास उडवा उडवी चे आणि तात्पुरते उत्तरे दिली जातात.
4. कायद्यामधील तरतुदी आणि प्रत्यक्ष कामकाज यामध्ये खूप जास्त फरक आहे.
5. पी आर जी आय कार्यालयातील बेजबाबदार आणि दिरंगाई करणाऱ्या अधिकाऱ्यांना वठणीवर आणण्यासाठी महा डिजिटल मीडिया असोसिएशनच्या वतीने उद्या परत एकदा मीटिंगचे आयोजन
6. ज्यांचे अर्ज भरले गेले आहेत असे पत्रकार मित्र पी आर जी आय कार्यालयाला विहित नमुन्यातील पत्र पाठवणे.
7. पी आर जीआय कार्यालयाला पाठवलेले पत्र महामहीम राष्ट्रपती पंतप्रधान कार्यालय आणि उच्च पदस्थ अधिकारी यांना सुद्धा पाठवण्या बाबत चर्चा
8. सर्व बाबीचा आढावा प्रत्येक दोन दिवसाला घेणे
9. उद्या दिनांक 25 डिसेंबर रोजी रात्री साडेआठ नऊ वाजता परत एकदा या विषयावर मीटिंग घेऊन आपल्या परिसरातील पत्रकारांना सुद्धा या मीटिंगसाठी उपस्थित राहण्यासाठी अवगत करणे इत्यादी मुद्द्यांवर चर्चा झाली.