घरफोडी व मोटरसायकल चोरी इत्यादी गुन्हे घडू नयेत म्हणून दक्षता घ्यावी – पी.आय. नारायण पवार
घरफोडी व मोटरसायकल चोरी इत्यादी गुन्हे घडू नयेत म्हणून दक्षता घ्यावी – पी.आय. नारायण पवार
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
माळशिरस प्रतिनिधी दिनांक 28/03/2024 :
शाळेच्या उन्हाळी सुट्ट्या, लग्न सराई, गावाकडील यात्रा, निवडणूक व इतर कारणामुळे गावी जाणार आहेत. उन्हाळी सुट्टी मुळे पर्यटनासाठीही अनेक जण बाहेर जात आहेत प्रत्येक वर्षीच याच कालावधीमध्ये मोटारसायकल चोरी व घरफोडीच्या घटनेमध्ये वाढ होत असते. चोरट्यांची बंद घरांवर पाळत असते. घरफोडी व मोटरसायकल चोरी इत्यादी गुन्हे घडू नयेत म्हणून दक्षता घ्यावी, पोलिसांनाही सहकार्य करावे असे आवाहन माळशिरस पोलीस ठाण्याचे पोलीस निरीक्षक नारायण पवार यांनी केले आहे.
यासाठी गावी जाताना नागरिकांनी आपल्या शेजारील नागरिकांना याबाबत कल्पना द्यावी व आपल्या घराकडे लक्ष देण्यास सांगावे. रात्रीच्या वेळी नागरिकांनी झोपताना आपण ज्या ठिकाणी आपले मौल्यवान वस्तू दागिने ठेवलेले आहेत त्या ठिकाणी झोपावे. बाहेरून जरी कोणीच आवाज दिला तरी खिडकीतून त्याबाबत कानोसा घ्यावा व लगेच दरवाजा उघडू नये .जर आपल्या गावात ग्राम सुरक्षा दल असेल तर त्यांच्याशी संपर्क साधावा आणि ते आल्यानंतरच घराचा दरवाजा उघडावा जर ग्राम सुरक्षा दल आपल्या गावामध्ये नसेल तर शेजारी नागरिकांना सतर्क करावे तसेच जर गुन्हेगार आले असतील तर आपण तात्काळ फोन करून आजूबाजूच्या लोकांना व आपल्या वस्तीवरील लोकांना याबाबत माहिती देऊन सतर्क करावे. तसेच याबाबत पोलीस पाटलांनी देखील काळजी घेणे गरजेचे आहे. पोलीस पाटील ग्राम सुरक्षा दल व माळशिरस पोलीस गुन्हे घडू नयेत .यासाठी गस्त करतात पेट्रोलिंग करतात तसेच कुठल्याही नागरिकांना काही मदत पाहिजे. असेल तर त्यांनी 112 या नंबर वर संपर्क साधू शकतात .जर आपण बाहेरगावी जाणार असाल तर शेजारील आपल्या राहणाऱ्यांना कल्पना द्यावी तसेच आपल्याकडे दाग दागिने पैसे जास्त असतील तर बँकेमध्ये ठेवावेत .तसेच मोटर सायकल बाबत देखील काळजी घेणे गरजेचे आहे शक्यतो मोटरसायकलला हँडल लॉक लावावे तसेच व्हील लॉक देखील मोटरसायकलला गरजेचे आहे असेही यावेळी पोलीस निरीक्षक पवार यांनी सांगितले. त्याबरोबर जनावर चोरी व इलेक्ट्रिकल मोटार चोरी, अवजार अवजार चोरी अशा अनेक घटना घडत असतात. यासाठी शेतकऱ्यांनी दारे धरताना शेजारील आसपासच्या लोकांच्या बरोबर संपर्कात राहावे . तसेच जर कोणी संशयित आढळून आल्यास तात्काळ पोलिसांची संपर्क साधावा. पोलिसांच्या संपर्कात राहावे असे आवाहन माळशिरस पोलीस स्टेशनचे कर्तव्यदक्ष पोलीस निरीक्षक व त्यांच्या सर्व सहकारी यांच्या वतीने नागरिकांना करण्यात आले आहे.
