सहकार महर्षि अभियांत्रिकी महाविद्यालयात वेब डेव्हलपमेंट अँड वेब होस्टींगवर कार्यशाळा व सामंजस्य करार संपन्न
सहकार महर्षि अभियांत्रिकी महाविद्यालयात वेब डेव्हलपमेंट अँड वेब होस्टींगवर कार्यशाळा व सामंजस्य करार संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64
🔰आकाश भाग्यवंत नायकुडे
अकलूज दिनांक 18/03/2024 :
येथील सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर -अकलूज या अभियांत्रिकी महाविद्यालयामधील कॉम्प्युटर पदविका विभागामार्फत वेब डेव्हलपमेंट अँड वेब होस्टींग या विषयावर दोन दिवशीय कार्यशाळा संपन्न झाल्याची माहिती पदविका कॉम्प्युटर विभागाचे विभाग प्रमुख प्राध्यापक गौरव फडे यांनी दिली.
कार्यक्रमाचे प्रास्ताविक प्रा. रविंद्र गोडसे यांनी केले.
या कार्यशाळेमध्ये विद्यार्थ्यांना मार्गदर्शन देण्यासाठी फॉरराईस सॉफ्टवेअर सोल्युशन प्रायव्हेट लिमिटेड पुणे या कंपनीमधील फूल स्टॅक डेव्हलपर आकाश जाधव हे उपस्थित होते. त्यांनी विद्यार्थ्यांना पीएचपी या विषयांमधून वेबसाईट डेव्हलपमेंट कशी करायची आणि ती होस्टिंग कशी करायची व डेटाबेस कनेक्टिव्हिटी याबद्दल सविस्तर माहिती दिली , तसेच अंतिम वर्षातील विद्यार्थ्यांना त्यांच्या प्रोजेक्ट विषयी मोलाचे मार्गदर्शन केले.
त्यानंतर फॉरराईस सॉफ्टवेअर सोल्युशन प्रायव्हेट लिमिटेड, पुणे या कंपनीचे डायरेक्टर सुनील देवकुळे व महाविद्यालयाचे प्राचार्य डॉ. प्रवीण ढवळे यांच्या मार्गदर्शनाखाली फॉरराईस सॉफ्टवेअर सोल्युशन प्रायव्हेट लिमिटेड, पुणे व महाविद्यालय यांच्यामध्ये सामंजस्य करार करण्यात आला .
या सामंजस्य करारामार्फत विद्यार्थ्यांना कंपनीमार्फत इंडस्ट्रीयल ट्रेनिंग , इंडस्ट्रीयल लेक्चर्स , इंटरशिप इत्यादी गोष्टींचा फायदा होणार आहे. या सामंजस्य करारा मधून कॉम्प्युटर डिप्लोमा विभागातील विद्यार्थ्यांना भविष्यामध्ये याचा फायदा होईल. अशी माहिती कॉम्प्युटर डिप्लोमाचे विभाग प्रमुख प्रा. गौरव फडे यांनी दिली .दोन दिवशीय कार्यशाळा यशस्वीपणे पार पाडण्यासाठी कार्यक्रमाचे समन्वयक म्हणून प्रा. शेख वसीम यांनी काम पाहिले.
