💢शंकरनगर येथे महाशिवरात्री यात्रा महोत्सव उत्साहात साजरा.. 💢विविध स्पर्धेतील विजेत्यांचा बक्षीस देऊन सन्मान…

💢शंकरनगर येथे महाशिवरात्री यात्रा महोत्सव उत्साहात साजरा..

💢विविध स्पर्धेतील विजेत्यांचा बक्षीस देऊन सन्मान…

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰आकाश भाग्यवंत नायकुडे

अकलूज दिनांक 08/03/2024 :
येथील महाशिवरात्री यात्रा महोत्सव समिती चॅरिटेबल ट्रस्ट शंकरनगर यांच्यावतीने आयोजित केलेल्या महाशिवरात्री यात्रेनिमित्त शंकरनगरच्या शिवपार्वती मंदिरात पहाटेची महापूजा आमदार रणजितसिंह मोहिते पाटील व सौ सत्यप्रभादेवी मोहिते पाटील यांच्या हस्ते झाली. यावेळी विश्वतेजसिंह मोहिते पाटील उपस्थित होते.
तर महर्षि जिमखाना व महर्षि प्रशाला यांच्या वतीने दिवसभरात ५०० किलो खिचडी व केळीचे वाटप करण्यात आले. समितीचे अध्यक्ष जयसिंह मोहिते पाटील, सौ.सुलक्षणादेवी मोहिते पाटील, सहकार महर्षि कारखान्याच्या संचालिका कु. स्वरूपाराणी मोहिते पाटील आणि मोहिते पाटील परिवारातील सदस्य, समितीचे सदस्य व परिसरातील विविध संस्थांचे आजी-माजी संचालक, भाविक यांनीही दिवसभरात शिवपार्वतीच्या दर्शनाचा लाभ घेतला.
🟡महाशिवरात्री यात्रा महोत्सव समितीच्या वतीने दिनांक ३ ते९ या कालावधीमध्ये आयोजित केलेल्या महाशिवरात्रीनिमित्त जनावरांचा भव्य बाजार, कृषी व औद्योगिक प्रदर्शन, पीक स्पर्धा ,दुग्ध स्पर्धा आयोजित केल्या होत्या.
जनावरांच्या बाजारात ८८२ जनावरे व ११४० शेळ्या मेंढ्या सहभागी झाल्या. यापैकी ३८२ जनावरांची व ५३० शेळ्या मेंढ्यांची विक्री झाली असल्याचे समितीचे जनरल सेक्रेटरी राजेंद्र चौगुले यांनी सांगितले. यावेळी सेक्रेटरी अभयसिंह माने देशमुख उपस्थित होते.
🟢शेती पीक प्रदर्शनात भाजीपाला, उभी पिके, फुले, औषधी वनस्पती व फळे या प्रकारात प्रथम तीन क्रमांक काढण्यात आले. विजेत्यांना समितीचे अध्यक्ष जयसिंह मोहिते पाटील, कार्याध्यक्ष मदनसिंह मोहिते पाटील, कु. स्वरूपाराणी मोहिते पाटील यांच्या हस्ते रोख बक्षीसे व प्रमाणपत्र देऊन गौरविण्यात आले. शेतीचा प्रकार व त्यातील प्रथम क्रमांक खालील प्रमाणे– भाजीपाला गटात दुधी भोपळा प्रथम पार्थराज एकतपुरे शंकरनगर, कांदा समर्थ पिसे माळेवाडी, टोमॅटो,भेंडी,हि.मिरची दुर्वा माने चाकोरे, शेवगा मैथली माने चाकोरे, फ्लॉवर अभीर शिवरकर शे. हवेली, दोडका रोहन एकतपुरे धवलनगर, वांगी संग्राम गाडे विझोरी, ढोबळी मिरची रणजीत देशमुख पिलीव, घेवडा आर्यन नाळे शंकरनगर, काकडी अक्षय एकतपुरे धवलनगर, गाजर जानवी फुले माळेवाडी, मुळा गौरव एकतपुरे अकलूज, कारले संजय एकतपुरे शंकरनगर, गवार आर्यन नाळे शंकरनगर, कोथिंबीर प्रणव एकतपुरे, पुदिना पार्थराज एकतपुरे शंकरनगर, कढीपत्ता ऋतुजा एकतपुरे शंकरनगर, चवळी व पावटा विठ्ठल माने गिरझणी, वाल घेवडा,तोंडले सार्थक एकतपुरे धवलनगर, मुळा शेंग,मेथी,चूका ऋतुजा एकतपुरे शंकरनगर, लिंबू विनोद जाधव शंकरनगर, चाकवत, शेपू रोहित एकतपुरे, पालक शिवम माने शंकरनगर, वाटाणा शंभुराज घाडगे,शंकरनगर, बटाटा आप्पासो मगर,म.निमगाव, रताळे ईश्वरी एकतपुरे धवलनगर, बीट वैभव एकतपुरे शंकरनगर, तांदूळसा सचिन गाडे विझोरी. उभी पिके या प्रकारात चुका बी विठ्ठल माने गिरझणी, कांदा गोट रोहन फुले माळेवाडी, जवस हर्षदा चव्हाण गिरझणी, लसूण अमीर शितोळे गिरझणी, कांदा वरूनराज एकतपुरे चौंडेश्वरवाडी, शिवतेज पिसे यशवंतनगर, मका अमीर शितोळे गिरझणी, तीळ शंभुराजे घाडगे यशवंतनगर, सोयाबीन विठ्ठल माने गिरझणी, सूर्यफूल शंभूराज घाडगे यशवंतनगर, बाजरी श्रीराज घाडगे यशवंतनगर, गहू विक्रम देशमुख चौंडेशरवाडी, ज्वारी निलेश वाघ वटपळी, हरभरा कैलास पोरे पिसेवाडी, अमोल एकतपुरे, भुईमूग विठ्ठल माने, गिरझणी, श्रेयश निंबाळकर गिरझणी, मोहरी नितीन नलवडे महर्षीनगर, ऊस हनुमंतराव माने देशमुख चौंडेश्वरवाडी.
🟠औषधी वनस्पती प्रकारात हळद प्रथम नागराज निकम गिरझणी, अर्जुन साल से.म. कारखाना बगीचा.
फळे प्रकारात नारळ सहकार महर्षी कारखाना, फणस समरजीत माने शंकरनगर, पपेलो प्रथम स्वरूपाराणी मोहिते पाटील, केळी सहकार महर्षी कारखाना, द्राक्षे अजिनाथ माळी वकीलवस्ती, सुधीर भोसले उंबरे वे, अंजीर पुष्कराज घाडगे घाडगेवस्ती, पेरू संजय कदम, सुपारी सिद्धार्थ राऊत शंकरनगर, पपई रोहन बोडके बागेवाडी, आंबा हनुमंत देशमुख पिलीव, गोडचिंच विजय जाधव, दुर्वा माने, चिकू श्रीशा निंबाळकर तांदुळवाडी, रामफळ दूर्वा माने चाकोरे, काजू विजय गणेश मंडळ, डाळिंब शिवांजली मोहिते वेळापूर, मोसंबी ऋतुजा देशमुख शंकरनगर, सिताफळ पुष्पराज घाडगे घाडगेवस्ती, हनुमान फळ कुंडलिक माळी शेटफळ, बोर हनुमंत देशमुख पिलीव, कवट सुनील माने गिरझणी.
🔵विवीध फुले प्रकारात चाफा,मोगरा प्रथम प्रतीक्षा मगर निमगाव, वेलवेट नितीन नलावडे, जास्वंदी हर्षदा इनामदार यशवंतनगर, गुलछडी कारखाना बगीचा, गलांडा अंजली माने नवचारी, कागडा अनिकेत पांढरे यशवंतनगर, अबोली समृद्धी एकतपुरे, बिजली सचिन जाधव यशवंतनगर, तुळजापुरी सचिन जाधव नवचारी, गुलाब ऋत्विक माने संग्रामनगर, आर्यन पिसे यशवंतनगर, झेंडू रोहित एकतपुरे, बर्ड ऑफ पाराडाईज सत्यशील मोहिते पाटील यशवंतनगर. हे विजेते ठरले.
🔴तर जातीवंत जनावरांच्या विविध प्रकारातही प्रथम तीन क्रमांकास बक्षीसे देण्यात आली.