🟣 वृत्तपत्र विक्रेते महेश कुलकर्णी यांचा मुलगा श्रेयश झाला वकील 🔰 वडीलांच्या कष्टाला अखेर यश मिळाले

🟣 वृत्तपत्र विक्रेते महेश कुलकर्णी यांचा मुलगा श्रेयश झाला वकील

🔰 वडीलांच्या कष्टाला अखेर यश मिळाले

अकलूज वैभव न्यूज नेटवर्क
वृत्त एकसत्ता न्यूज
संकलन : भाग्यवंत ल.नायकुडे, अकलूज.
(दुर्गापूरा, जयपूर येथील थ्री स्टार हॉटेल “SHEERHA” सूट नं. 202 मधून रात्री 11:35 वा.)
दिनांक 15/06/2025 :
अकलूज येथील वृत्तपत्र विक्रेते महेश कुलकर्णी यांच्या मुलाने वकिलीच्या परीक्षेत उज्वल यश मिळवले.त्यामुळे आयष्यभराच्या मेहनतीला यश मिळाले असल्याची प्रतिक्रिया महेश कुलकर्णी यांनी व्यक्त केली.
महेश कुलकर्णी यांचा जन्म सर्वसामान्य कुटुंबातील असल्यामुळे परिस्थितीशी सतत झगडत राहिले पण कधी हार मानली नाही.जिद्द चिकाटी आणि प्रामाणिकपणा व आई-वडिलांचे संस्कार याची शिदोरी बरोबर घेऊन वयाच्या १७ व्या वर्षांपासून आजतागायत सुमारे ३६ वर्षापासून महेश कुलकर्णी यांनी अकलूज शहरात वृत्तपत्र विक्रीचा व्यवसाय करत आहेत. सुरवातीच्या काळात तर सायकलीला पिशवी अडकवून घरोघरी वृत्तपत्रे पोहोचण्याचे काम केले तसेच चौकामध्ये बसून वृत्तपत्राच्या विक्रीचा व्यवसाय करत आले आहेत. वृत्तपत्र विक्रीतून मिळणाऱ्या तुटपुंज्या कमाईतून जिद्दीने त्यांनी आपल्या मुलीचे लग्न केले.मुलाने बीसीएस चे शिक्षण पूर्ण झाल्यानंतर वडीलांकडे वकील होण्याची इच्छा व्यक्त केली.घरची परिस्थिती प्रतिकूल असतानाही महेश व त्यांच्या कुटुंबीयांनी अपार कष्ट करून मुलाला आज वकील केले आहे. त्यांच्या कष्टाला व जिद्दीला सगळीकडून कौतुकाची थाप मिळत आहे.त्यांच्या पत्नी मनिषा कुलकर्णी यांनी अंगणवाडीत सेविका पदावर काम करून संसाराला हातभार लावला आहे.
श्रेयश महेश कुलकर्णी हे वकील झाल्याबद्दल त्यांच्यावर सर्वच स्तरातून अभिनंदनाचा वर्षाव होत आहे. नॅशनल युनियन बॅकवर्ड एससी एसटी अँड मायनॉरिटी महासंघ दिल्ली अर्थात एन. यु. बी. सी. चे महाराष्ट्र राज्य उपाध्यक्ष आणि शरद जोशी विचार मंच शेतकरी संघटना महासंघ चे प्रदेश संपर्क व प्रसिद्धीप्रमुख सेवाजेष्ठ पत्रकार भाग्यवंत लक्ष्मणराव नायकुडे यांनी कुलकर्णी यांचे जयपूर येथील कॉन्फरन्स हॉल मधून अभिनंदन केले.