🟪रेल्वे मागणी विजयदादांची…श्रेय मात्र आयत्या बिळात नागोबा 🐍

🟪 रेल्वे मागणी विजयदादांची…  श्रेय मात्र आयत्या बिळात नागोबाच 🐍

(भाग ;२)

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 08/02/2024 :२०१४ पूर्वी रणजितसिंह निंबाळकर यांचे नाव गाव सुद्धा सोलापूर सातारा जिल्ह्यातील राजकारणात नव्हते. त्यांनी आता पंढरपुर फलटण रेल्वे मार्ग मी मार्गी लावला म्हणून स्वतः काढलेले प्रगती पुस्तकेत भूलथापा टाकलेल्या आहेत. ज्वारी मोहिते-पाटीलाची ,पीठ मोहिते-पाटलांचे
चूल मोहिते-पाटलांची तवा मोहिते-पाटलांचा अन् त्यावर पोळ्या भाजतेत.निंबाळकर… त्यामुळे मतदारसंघातील जनतेसमोर सत्य मांडणे गरजेचे आहे.
दक्षिण भारताची काशी म्हणुन ओळख असलेल्या पंढरपुर शहरातील समस्त वारकरी संप्रदायाचे आराध्य दैवत विठ्ठल रुक्मीणी मातेच्या दर्शनास पश्चिम महाराष्ट्रासह कोकणातील विठ्ठल भक्तांना पंढरपुरात येण्यासाठी स्वातंत्र्यपुर्व काळात १९१२ साली लोणंद ते पंढरपुर हा १४५ कि.मी.रेल्वेचा लोहमार्ग ब्रिटीश कालीन प्रस्तावित करण्यात आला होता.
१९८९ ते १९९२ या काळात विजयसिंह मोहिते पाटील हे महाराष्ट्र राज्या शासनातील परीवहन मंत्री असताना मुंबई-कोकण रेल्वे मार्गाचे काम सुरु केले. या रेल्वे मार्गासाठी महाराष्ट्र शासनाने २० कोटी रु.चा निधी दिला होता. त्यावेळेस विजयदादांनी लोणंद पंढरपुर रेल्वे मार्गाचे काम सुरु होणार असेल तर राज्य शासन निधी उपलब्ध करुन देऊ असे केंद्र शासनाला सुचित केले होते.
स्वातंत्र्यानंतर १०५ वर्षे राजकीय इच्छाशक्ती अभावी रखडलेला १०५ कि.मी रेल्वे मार्ग मार्गी लावण्यासाठी विजयसिंह मोहिते पाटील व रणजितसिंह मोहिते पाटील यांना केंद्रात खासदार होण्याची संधी मिळताच रेल्वेचा पाठपुरावा करुन प्रश्न मार्गी लावला असुन त्याचे फलित १०५ वर्षानंतर पंतप्रधान नरेंद्र मोदी यांच्या नेतृत्वाखालील भाजपाच्या केंद्र सरकारने २०१७ साली अर्थसंकल्पात या रेल्वे मार्गा करीता अर्थसंकल्पात १ हजार १४९ कोटीची मान्यता दिली.
ब्रिटिश काळात लोणंद ते फलटण ३६ कि.मी पुढे पंढरपुर १०९ कि.मी.असा १४५ कि.मी.चा रेल्वे लोहमार्ग प्रस्तावित करण्यात आला. या लोहमार्गासाठी १९२६ सालात सातारा व सोलापूर जिल्ह्य़ातील ३४७ हेक्टर जमीन अधिग्रहण करण्यात आली. त्यानंतर लोणंद ते फलटण या ३६ कि.मी.लांबीच्या रेल्वे लोहमार्गाचे काम पुर्ण झाले असुन त्यापुढील काम रखडले गेले होते.
सन २००९ साली रणजितसिंह मोहिते पाटील हे राज्यसभा सदस्य झाल्यावर त्यांनी २००९ ते २०१२ या आपल्या खासदार कार्यकाळात तत्कालीन रेल्वेमंत्री ममता बॅनर्जी यांच्याकडे लोणंद ते पंढरपुर या प्रस्तावित रेल्वे मार्गातील फलटण ते पंढरपुर या उर्वरीत लोहमार्ग पुर्ण होण्यासाठी निवेदने देऊन पाठपुरवा केला.
त्यानंतर सन २०१४ साली माजी उपमुख्यमंत्री विजयसिंह मोहिते पाटील हे लोकसभेचे खासदार झाल्यावर त्यांनी फलटण-ते पंढरपुरपर्यत रेल्वेगाडी सुरु प्रयत्न सुरु केला. त्यांच्या प्रयत्न व पाठपुराव्याला यश येऊन तत्कालीन रेल्वेमंत्री सुरेश प्रभु हे सहकार महर्षि शंकरराव मोहिते-पाटील यांच्या जन्मशताब्दी निमित्ताने २०१९ साली अकलुजला आल्यावर त्यांनी कार्यक्रमात या लोहमार्ग पुर्ण करण्याची ग्वाही देऊन त्यासाठी अर्थसंकल्पात ११० कोटी निधीची तरतुद करीत फलटण ते पंढरपुर रेल्वे कामाचा कराड येथुन शुभारंभ केला.
त्या कार्यक्रमात रेल्वेमंत्री सुरेश प्रभु यांनी विजयसिंह मोहिते-पाटील यांना दादा तुम्ही लोक कल्याणकारी कामासाठी माझ्या कार्यालयापर्यत आलात पण यापुढे तुम्ही कार्यालयात न येता मला फक्त फोनवर काम सांगा असा शब्द देताना विजयदादांच्याबदल आदर युक्त भावना व्यक्त केली हिच विजयसिंह मोहिते-पाटील यांच्या पाठपुराव्याच्या यशाला दिलेली पोच पावती होती.
१९१२ साली इंग्रज कालीन प्रस्तावित असलेल्या लोणंद पंढरपुर हा १४५ कि.मी.चा रेल्वे मार्ग २०१७ साली मार्गी लागण्यास सुरवात झाली असुन यातील लोणंद ते फलटण हा ४० कि.मी.रेल्वेमार्ग झाला आहे.तर उर्वरित फलटण ते पंढरपुर हा १०५ कि.मी रेल्वे मार्गाचा प्रश्न १०५ वर्षानंतर सोडविण्यात खासदार मोहिते-पाटीलांचे मोठे योगदान आहे.