रावबहाद्दूर गट (बिजवडी) शाळेत प्रजासत्ताक दिनानिमित्त देशभक्तीपर गीतांचे सादरीकरण
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 28/01/2024 :
सोलापूर जिल्ह्याच्या माळशिरस तालुक्यातील रावबहाद्दूर गट (बिजवडी) शाळेत प्रजासत्ताक दिनानिमित्त देशभक्तीपर गीतांचे सादरीकरण करण्यात आले. प्रमुख पाहुण्या म्हणून बिजवडी ग्रामपंचायतच्या उपसरपंच वर्षां मदनेतर अध्यक्षस्थानी शाळा व्यवस्थापन समितीच्या अध्यक्षा सौ. आशा भजनावळे उपस्थित होत्या.
डौलाने फडकतो तिरंगा,
मना मनास देतो स्फूर्ती,
साऱ्या विश्वात निनादत राहो
प्रिय भारतभूची कीर्ती!
अशा महान भारत देशाचा ७५वा प्रजासत्ताक दिन रावबहाद्दूर गट (बिजवडी) शाळेत मोठ्या उत्साहात साजरा करण्यात आला. मान्यवरांच्या हस्ते ध्वजारोहण करण्यात आले.
बिजवडी तंटामुक्त समितीचे अध्यक्ष मनोज शिंदे यांच्या मार्गदर्शनाखाली कार्यक्रम आयोजित केला गेला. शाळेचे शिक्षक अजमीर फकीर यांनी प्रास्ताविक केले. त्यामध्ये शाळेची माहिती त्यांनी दिली. विद्यार्थ्यांनी भाषणे सादर केली. विद्यार्थ्यांच्या कलागुणांना वाव देण्यासाठी विविध गुणदर्शन कार्यक्रम शाळेने आयोजित केला. यामधून विद्यार्थ्यांनी देशभक्तीपर गीते, लावणी नृत्य, फिल्मी गीते, बालगीते,कविता सादर करून उपस्थितांची मने जिंकली. उपस्थितांनीही भरभरून बक्षीस देऊन विद्यार्थ्यांचे कौतुक केले .निपुण भारत अंतर्गत माता पालक गटप्रमुखांचा सत्कार करण्यात आला. गटप्रमुखांनी आपले मनोगत व्यक्त केले.
शाळेचे मुख्याध्यापक श्रीकांत राऊत यांनी शाळेसाठी पाच खुर्च्या भेट दिल्या. विविध दानशूर व्यक्तींनी विद्यार्थ्यांसाठी खाऊ दिला. अशाप्रकारे जवळ जवळ ९०००/- रुपये शैक्षणिक उठाव आज शाळेने मिळविला.
सदर कार्यक्रमासाठी सौ. स्वाती जाधव, दिपाली लोखंडे, इब्राहिम नदाफ, अन्वर नदाफ, अतुल भजनावळे, अर्चना चव्हाण, मरीबा लोखंडे, गणेश जगताप,राजेंद्र शिंदे , राजेंद्र चव्हाण, अंगणवाडी सेविका सारिका चव्हाण, गिरीजा गेजगे असे बहुसंख्येने शिक्षणप्रेमी नागरिक उपस्थित होते. सदरच्या कार्यक्रमासाठी बिजवडी गावच्या सरपंच सौ. पूजाताई शिंदे तसेच सर्व ग्रामपंचायत सदस्य यांचे सहकार्य लाभले. कार्यक्रमाचे सूत्रसंचालन अजमीर फकीर यांनी केले, तर आभार श्रीकांत राऊत यांनी मानले.
