तरसदृश्य वन्यप्राण्यांच्या हल्ल्यात १७ बकरी ठार, ४ गंभीर जखमी
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 19/01/2024 :
निमशिरगाव ता. शिरोळ येथे तरससदृश्य वन्य प्राण्यांच्या हल्ल्यात मेंढपाळ नारायण आप्पा गावडे यांची १७ बकरी (मेंढरांची कोकरे) ठार, ४ गंभीर जखमी तर 2 बेपत्ता झाली आहेत. या घटनेमुळे मेंढपाळ नारायण गावडे यांचे एक लाख रुपयाचे आर्थिक नुकसान झाले आहे.
याबाबत सविस्तर माहिती अशी मेंढपाळ नारायण आप्पा गावडे रा. निमशिरगाव यांच्या मेंढरांचा तळ येथीलच शेतकरी अनिल आदगोंडा पाटील यांच्या (गट नं ४७) शेतात आठवड्यापासुन खतासाठी बसायला आहे. बुधवार दिनांक १७/१/२०२४ रोजी रात्री सुमारे १२ ते १ वाजण्याच्या सुमारास अचानक तरसदृश्य वन्य प्राण्यांनी हल्ला केला.
हल्ल्याची माहिती समजताच यशवंत क्रांती संघटनेचे संस्थापक अध्यक्ष संजय वाघमोडे व शिरोळ तालुकाध्यक्ष दादासो गावडे यांचे समक्ष, वनपाल संजय कांबळे, वनरक्षक अरुण खामकर व त्यांच्या सहकाऱ्यांनी घटनेचा पंचनामा केला. पशुवैद्यकीय अधिकारी डॉ. वैभव शिंदे, निमशिरगावचे डॉ. बन्ने यांनी मृत बकऱ्यांचे शवविच्छेदन केले. वनरक्षक पडियार, हरिबा जाधव, लहू भंडारी, अमोल कांबळे, रामचंद्र दुधाळे, मेंढपाळ सचिन धुळगडे, आप्पा गावडे, नागेश गावडे, आनंदा गावडे, काशिनाथ हराळे, मारुती धुळगडे, बटू गावडे, पिंटू गावडे, खंडू धुळगडे, यशवंत क्रांती संघटनेचे पदाधिकारी व मेंढपाळ मोठ्या संख्येने उपस्थित होते.
