🟣दि.17 रोजी पुण्यात संयुक्त राष्ट्रीय परिषदेचे आयोजन 🟢शेतकरी संघटनेच्या संयुक्त राष्ट्रीय परिषदेमध्ये मनोज जरांगे पाटील सहभागी होणार.

Chief Editor16/01/2024Last Updated: 16/01/2024

168 1 minute read

🟣दि.17 रोजी पुण्यात संयुक्त राष्ट्रीय परिषदेचे आयोजन

🟢शेतकरी संघटनेच्या संयुक्त राष्ट्रीय परिषदेमध्ये मनोज जरांगे पाटील सहभागी होणार.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 16/01/2024 : ग्लोबल ऍग्रो फाउंडेशन ट्रस्ट, शरद जोशी विचारमंच शेतकरी संघटना, एनयूबीसी व शेतकरी संघर्ष समिती यांच्या संयुक्त विद्यमाने उद्या (दि.17)पुण्यात संयुक्त राष्ट्रीय परिषद आयोजित केली आहे. पुण्यामध्ये शेतकरी संघटनांच्या वतीने आयोजित केलेल्या राष्ट्रीय संयुक्त परिषदेचे अध्यक्षस्थान एनबीसी कमिशनचे दिल्ली गव्हर्नमेंटचे चेअरमन जगदीश यादव हे भूषविणार आहेत. परिषदेचे उद्घाटन प्रसिद्ध साहित्यिक श्रीपाल सबनीस यांच्या हस्ते होणार आहे. परिषदेचे आयोजन संघटनेचे राष्ट्रीय अध्यक्ष तथा शेतकरी संघर्ष समिती समन्वय समितीचे सदस्य विठ्ठलराजे पवार यांनी केले असल्याची माहिती पत्रकार परिषदेत देण्यात आली. पुणे येथील कोरेगाव पार्क मधील मौलाना अबुल कलाम आझाद, पुणे महानगरपालिकेचे सभागृहांमध्ये सकाळी 11.30 ते चार वाजेपर्यंत परिषदेचे आयोजन केलेले असून या परिषदेमध्ये संघर्ष योद्धा मनोज पाटील जरांगे यांना शरद जोशी यांच्या नावाने दिला जाणारा राष्ट्ररत्न योद्धा शेतकरी पुरस्कार nobc आयोगाचे चेअरमन जगदीश यादव यांच्या हस्ते प्रदान करण्यात येणार आहे .यावेळी परिषदेचे उद्घाटक डॉक्टर श्रीपाल सबनीस, एन ओबीसीच्या राष्ट्रीय सिक्रेटरी जनरल एस गीता यांचे सह सोळा राज्यातील संघटनांचे पदाधिकारी या परिषदेला उपस्थित राहणार आहेत.

संघटनेच्या वतीने दिले जाणारे पुणे रत्न पुरस्कारामध्ये इंजिनियर राजेंद्र कुंजीर मराठा सेवा संघाचे तर संभाजी ब्रिगेडचे सतीश काळे, सहकार क्षेत्रातील आर.एस. नाईक, अनंत निकम अहमदनगर जिल्ह्यातील जिल्हा बँकेच्या संचालिका अनुराधा नागवडे उच्च न्यायालयाचे विधीज्ञ अजय गजानन तल्हार कृषिरत्न यांचे सह पंधरा लोकांना विविध पुरस्काराने सन्मानित करण्यात येणार असल्याची माहिती संघटनेचे अध्यक्ष आयोजक विठ्ठलराजे पवार यांनी यावेळी दिली या पत्रकार परिषदेमध्ये जनरल सेक्रेटरी एस गीता, संघटनेचे उत्तर भारताचे अध्यक्ष आशिष कारखानीस. संघटनेचे पुणे जिल्हा अध्यक्ष संतोष पाचांगणे, जिल्हा समितीचे सदस्य बाळासाहेब वर्पे, युवक अध्यक्ष रवी राणा पवार, मराठवाड्याचे अध्यक्ष राहुल घोडके पाटील, जालना जिल्ह्याचे अध्यक्ष योगेश कदम, प्रसिद्धीप्रमुख प्रदीप दिव्य वीर पत्रकार परिषदेला उपस्थित होते.