“श्री शंकर” चे कार्यकारी संचालक स्वरूप देशमुख यांना चिनीमंडी द्वारे “उत्कृष्ट व्यवस्थापनाचा “पुरस्कार जाहीर

“श्री शंकर” चे कार्यकारी संचालक स्वरूप देशमुख यांना चिनीमंडी द्वारे “उत्कृष्ट व्यवस्थापनाचा “पुरस्कार जाहीर

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 10/01/2024 : सोलापूर जिल्ह्याच्या माळशिरस तालुक्यातील श्री शंकर सहकारी साखर कारखान्याचे कार्यकारी संचालक स्वरूप देशमुख यांना साखर आणि संबंधित उद्योगांसाठी आघाडीचे ऑनलाइन प्लॅटफॉर्म चिनीमंडी द्वारे “उत्कृष्ट व्यवस्थापनाचा ” कार्यकारी संचालकांचा पुरस्कार जाहीर करण्यात आला आहे. हा पुरस्कार शुगर अँड इथेनॉल इंटरनॅशनल अवॉर्ड्स (SEIA) – 2024 चा एक भाग आहे. SEIA पुरस्कार साखर उद्योगातील नाविन्य, सातत्य आणि तंत्रज्ञान स्विकृतीसाठी ओळखला जातो आणि साखर ऊद्योगातील दिग्गज आणि उद्योगातील शिर्ष नेत्यांच्या जागतिक कामगिरी आणि उत्कृष्टतेचा सन्मान करतो.
या पुरस्काराचे वितरण 1 फेब्रुवारी 2024 रोजी नवी दिल्ली येथे “शाश्वतता – जागतिक साखर उद्योगातील आव्हाने आणि संधी या विषयावरील “तिसऱ्या आंतरराष्ट्रीय परिषद आणि प्रदर्शनात होणार आहे.
हा पुरस्कार मिळाल्याबद्दल श्री शंकर सहकारी चे कार्यकारी संचालक स्वरूप देशमुख यांचा श्री शंकर सह साखर कारखान्याचे कर्मचारी यांचे वतीने सन्मान करण्यात आला.
या वेळी माळशिरस पंचायत समितीचे माजी उपसभापती अर्जुनसिंह मोहिते – पाटील, संचालक सुनिल माने, संचालक नंदन दाते, कार्यकारी संचालक अभिजित डुबल, शेतकी अधिकारी आंनदराव गायकवाड, प्रभाकर गायकवाड व कारखान्याचे कर्मचारी उपस्थित होते.