शिवशक्ती भक्त बलभीम नाना भोसले यांचे निधन
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 07/01/2024 : शिवशक्ती भक्ती मार्गातील संचारवाणी द्वारे “सहावे काशीस्थान” म्हणून ओळखल्या जाणाऱ्या तांबवे (तालुका माळशिरस, जिल्हा सोलापूर) येथील शिवशक्ती भक्त बलभीम नाना भोसले (वय 74 वर्षे) यांचे रविवार दिनांक 7 जानेवारी 2024 रोजी सकाळी दहा वाजण्याच्या सुमारास निधन झाले. गत अनेक दिवसांपासून त्यांचे वर औषध उपचार इलाज सुरू होते. त्यांचे पश्चात पत्नी, दोन मुले, चार मुली, सून, नातवंडे असा परिवार आहे.
वज्राई तांबवे गावामध्ये श्री सोरटी सोमेश्वर भक्ती मार्गाचा पाया रचून सर्वत्र लौकिक केला. कै.बलभीम नाना भोसले यांचा तिसऱ्याचा विधी मंगळवार दिनांक 9 जानेवारी 2024 रोजी सकाळी आठ वाजता तांबवे (तालुका माळशिरस) येथील वैकुंठ स्मशानभूमीत होणार आहे.
💐भावपूर्ण श्रद्धांजली💐
कै.बलभीम नाना भोसले
“शिवशक्ती भक्ती मार्गाद्वारे आम्ही करीत असलेल्या अध्यात्मिक क्षेत्रातील गेल्या पन्नास वर्षातील आमचे अत्यंत निकटचे सहकारी एक नंबर भक्त बलभीम तात्यांच्या अकाली निधनामुळे शिवशक्ती भक्ती मार्गात फार मोठी उणीव निर्माण झाली आहे. श्री सोमेश्वर विनवण्यांचे पहिले रचनाकार, आणि गायक म्हणून ते सर्व दूर परिचित होते. “सत्यमालूबाईची कहाणी ऐका सारे जण” श्री सोमेश्वर करंजेच्या मालूबाई ची अजरामर अशी कहाणी रचना कै. बलभीम तात्या यांनी केली. त्या कहाणीचा सर्वत्र विशेष बोलबाला होत आहे. अनेक ठिकाणी या कहाणीचे गायन, श्रवण श्रद्धेने केले जात आहे.सर्व शिवशक्ती भक्ती मार्गातील अर्थात सोमेश्वर भक्त भाविकांच्या वतीने त्यांना भावपूर्ण श्रद्धांजली अर्पण करीत आहे” – भाग्यवंत लक्ष्मणराव नायकुडे, प्रचारक
