ग्रामपंचायत संग्रामनगर तर्फे आयुष्यमान भारत कार्ड साठी शिबिराचे आयोजन
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 22/12/2023 :
संग्रामनगर ग्रामपंचायत संग्रामनगर च्या वतीने आयुष्यमान भारत कार्ड काढण्यासाठी कॅम्पचे आयोजन करण्यात आलेले आहे. दिनांक 22 डिसेंबर 2023 रोजी श्री जयसिंह मोहिते पाटील विद्यालय संग्रामनगर येथे संपन्न झालेल्या शिबिरामध्ये शंभरहून अधिक नागरिकांनी आयुष्यमान भारत कार्ड योजनेअंतर्गत लाभ घेतला. आज 23 डिसेंबर 2023 रोजी सकाळी 10 ते सायंकाळी 5:00 वाजेपर्यंत आयुष्यमान भारत कार्ड काढण्याकरिता संग्रामनगर ग्रामपंचायत येथे पाचव्या शिबिराचे आयोजन करण्यात आले आहे.
ज्यांना रेशन कार्ड वरील धान्य मिळत आहे व त्या रेशन कार्ड मधील ज्यांची नावे ऑनलाईन आहेत,तसेच ज्यांचे आधार कार्ड मोबाईल नंबरशी लिंक केलेले आहे अशा पात्र लाभार्थींना आयुष्यमान भारत कार्ड मिळू शकते. तरी ज्यांना आयुष्यमान भारत कार्ड काढावयाचे आहे त्यांनी रेशन कार्ड आधार कार्ड आणि आधार कार्ड ज्या मोबाईल नंबरची लिंक आहे तो मोबाईल घेऊन निर्धारित केलेल्या वेळेमध्ये उपस्थित राहून आयुष्य भारत कार्ड बनविण्यासाठी आवश्यक ती प्रक्रिया पूर्ण करून घ्यावी असे आवाहन करण्यात आले आहे.
संग्रामनगर ग्रामपंचायतचे ग्रामविकास अधिकारी सुधाकर मुंगुसकर यांच्या मार्गदर्शनाखाली ग्रामपंचायत कर्मचारी वर्ग, डॉक्टर, आरोग्य सेविका, आशा वर्कर यांच्यासह संगणक ऑपरेटर हे गोल्डन कार्ड शिबिरासाठी परिश्रम घेत आहेत.
आज दिनांक 22 डिसेंबर रोजी संपन्न झालेल्या आयुष्यमान भारत कार्ड शिबिरामध्ये डॉ. सायली चंदनशिवे, आरोग्य सेविका विश्रांती पाटील, आरोग्य सेवक (MPW) सुमित कोळवले, भैय्या पोपट वडतीले, गणेश भीमराव सुतार, प्रसाद बाळू कांबळे, अमन सलीम तांबोळी, अमोल जिजाबा पवार, अनिता नानासाहेब मोहिते, राजश्री संतोष इंगळे, स्वाती महादेव निंबाळकर, विजया बाळासाहेब गवसने, सविता दत्तात्रेय मोधळे (सर्व अशा स्वयंसेविका) इत्यादींनी परिश्रम घेतले.
