मेंढीचराई पास देणेबाबत वन कार्यालयात बैठक संपन्न
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.
अकलूज दिनांक 20/12/2023 :
वनविभाग कोल्हापूर यांच्यावतीने मेंढी चराई परवाना बाबत वन संरक्षक कार्यालयात बैठक घेण्यात आली. सदर बैठकीस वीस गावचे सरपंच व मेंढपाळ प्रतिनिधी उपस्थित होते. सदर बैठकीत जी. गुरुप्रसाद उपवनसंरक्षक कोल्हापूर यांनी मार्गदर्शन केले. तसेच मेंढी चराई परवाना बाबत माहिती दिली. लोकांनी त्यांच्या समस्या मांडल्या. उपवनसंरक्षक कोल्हापूर यांनी स्थानिक लोकांना प्राधान्याने परवाना दिला जाईल. एखाद्या गावात मेंढपाळ नसतील तर लगतच्या गावातील लोकांना मेंढी चराई परवाना देण्यात येईल असे सांगितले. तसेच संबंधित गावच्या ग्रामपंचायतींना नोटीसद्वारे कळविण्यात आले असून मेंढी चराईबाबतचे अर्ज बैठकीच्या ठिकाणी उपलब्ध करून देण्यात आले. सदर अर्ज व्यवस्थित रित्या भरून वनविभागाचे वनपरिक्षेत्र कार्यालय करवीर विभाग कोल्हापूर येथे जमा करण्यास सांगितलेले आहे.
यशवंत क्रांती संघटनेच्या वतीने संजय वाघमोडे यांनी कोल्हापूर जिल्हात मेंढ्यांची संख्या तीन लाखांपेक्षा जास्त असल्याने चराई जमाबंदीस वनक्षेत्र वाढविण्यात येऊन जिल्ह्यातील सर्व तालुक्यातील वनक्षेत्राचा समावेश मेंढीचराई जमाबंदी अहवालात करण्यात यावा अशी मागणी केली.सदर बैठकीस कोल्हापूर वनविभागाचे उपवनसंरक्षक जी. गुरुप्रसाद तसेच करवीर परिक्षेत्र अधिकारी रमेश कांबळे , साताप्पा जाधव वनपाल नरंदे, शैलेश शेवडे वनपाल करवीर, संजय कांबळे वनपाल हातकणंगले, तसेच यशवंत क्रांती संघटनेचे संस्थापक अध्यक्ष संजय वाघमोडे,जिल्हा संघटक पिंटू गावडे, शिरोळ तालुका अध्यक्ष दादासो गावडे, कुंभोजचे उपसरपंच अजित देव मोरे, सचिन भानुसे, मेंढपाळ तसेच वीस गावचे सरपंच ग्रामपंचायत सदस्य प्रतिनिधी मोठ्या संख्येने उपस्थित होते.
