🟩 मनाची शुद्धता

🟩 मनाची शुद्धता

अकलूज वैभव न्यूज नेटवर्क
संकलक :आकाश भाग्यवंत नायकुडे
मुंबई दिनांक 31/7/2025 :
प्रत्येकाच्यात “प्रामाणिकपणा” असावा असे प्रत्येकाला वाटते. आपल्याशी समोरच्याने प्रामाणिकपणे वागावे, आपल्याला फसवू नये, आपल्याला दगा-फटका करू नये असे प्रत्येकाला वाटते.
अगदी दैनंदिन जीवनातील साध्या-सुध्या गोष्टी सुद्धा कोणी मुद्दाम होऊन बिघडवण्याचा प्रयत्न करत असतील तर आपल्याला त्या नक्कीच त्रासदायक होतात. कधी कधी त्या आपल्याला नकोशा वाटतात.
हिच गोष्ट लक्षात ठेवून आपणसुद्धा इतरांशी प्रामाणिकपणे वागणे ही आपली जबाबदारी आहे. घरात, समाजात, राजकारणात, व्यवहारात, आजकाल जी फसवणूक चालू आहे ती थांबवायची असेल तर आपण प्रत्येकाने प्रामाणिकपणाची कास धरली पाहिजे.
आजचा संकल्प
खरे बोलणे, खऱ्याने वागणे, सचोटीने व्यवहार करणे अशाप्रकारचे नितीयुक्त वर्तन करण्यासाठी आपल्यातील प्रामाणिकपणा जिवंत ठेवू व आपल्या भोवतीचे वातावरण बदलण्याचा प्रयत्न करू._

🟩 सौ. स्नेहलता स. जगताप

####################