🟣तरंगफळ येथे जागतिक अपंग दिनानिमित्त विविध कार्यक्रम संपन्न        🟣 स्व. राजमाता रत्नप्रभादेवी मोहिते पाटील बहुउद्देशीय अपंग संस्था तरंगफळ चा स्तुत्य उपक्रम.

🟣तरंगफळ येथे जागतिक अपंग दिनानिमित्त विविध कार्यक्रम संपन्न

🟣 स्व. राजमाता रत्नप्रभादेवी मोहिते पाटील बहुउद्देशीय अपंग संस्था तरंगफळ चा स्तुत्य उपक्रम.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharastra State, India.
Mo. 9860959764.

अकलूज दिनांक 03/12/2023 :
स्व. राजमाता रत्नप्रभादेवी मोहिते पाटील बहुउद्देशीय अपंग संस्था तरंगफळ (तालुका माळशिरस जिल्हा सोलापूर) या सामाजिक उपक्रमशील संस्थेच्या वतीने जागतिक अपंग सहायता दिन तरंगफळ येथे साजरा करण्यात आला. तरंगफळ येथील तीर्थक्षेत्र श्री भैरवनाथ मंदिर आवारात उभारण्यात आलेल्या भव्य सभा मंडपामध्ये रविवार दिनांक 3 ऑक्टोबर रोजी सकाळी आयोजित केलेल्या कार्यक्रमात प्रारंभीच सहकार महर्षि कै.शंकरराव मोहिते पाटील आणि कै. श्रीमती रत्नप्रभादेवी मोहिते पाटील यांच्या प्रतिमेचे पूजन कार्यक्रमाचे प्रमुख पाहुणे माळशिरस पोलीस ठाण्याचे पोलीस निरीक्षक राजेंद्र रंगनाथ टाकणे यांच्या हस्ते करण्यात आले.

तरंगफळ ग्रामपंचायत सरपंच पद्मिनी नारायण तरंगे, उपसरपंच पांडुरंग मारुती कांबळे, पोलीस निरीक्षक राजेंद्र रंगनाथ टाकणे, शिवामृत दूध संघाचे संचालक हरिभाऊ गोरखनाथ मगर, शिवामृत दूध संघाचे संचालक व माणकी ग्रामपंचायत माजी सरपंच संग्राम रणवरे, माळशिरस तालुका मराठी पत्रकार संघाचे संस्थापक अध्यक्ष भाग्यवंत लक्ष्मणराव नायकुडे (संस्थापक संपादक साप्ताहिक अकलूज वैभव, पाक्षिक वृत्त एकसत्ता, akluj vaibhav.in), अपंग संस्थेचे संस्थापक अध्यक्ष व कार्यक्रमाचे आयोजक गोरख मारुती जानकर, इत्यादी मान्यवरांच्या हस्ते दीप प्रज्वलनाने कार्यक्रमाचे उद्घाटन झाले. जागतिक दिव्यांग (अपंग) दिनानिमित्त प्राथमिक शाळेतील सर्व मुला मुलींना खाऊ आणि शैक्षणिक साहित्याचे वाटप उपस्थित मान्यवरांच्या हस्ते करण्यात आले. तरंगफळ ग्रामपंचायत च्या दिव्यांग निधीमधून(पाच टक्के)

प्रातिनिधीक स्वरूपात तुकाराम दादासो कांबळे आणि चिंगाबाई अज्ञान साळवे यांना निधीचा धनादेश प्रमुख पाहुण्यांच्या हस्ते देण्यात आला. कार्यक्रमात दिव्यांग प्रतिनिधी जगूबाई गेंड यांचा सरपंच पद्मिनी नारायण तरंगे यांच्या हस्ते सन्मान करण्यात आला. दुर्गा माता पुरस्कार प्राप्त सौ. जगूबाई मारुती जानकर (सर्व जेष्ठ सदस्य तरंगफळ ग्रामपंचायत) यांचा समस्त तरंगफळ ग्रामस्थ, आणि राजमाता रत्नप्रभादेवी मोहिते-पाटील बहुउद्देशीय अपंग संस्था तरंगफळ यांच्यावतीने पोलीस निरीक्षक राजेंद्र टाकणे यांच्या हस्ते नागरी सन्मान करण्यात आला.

याचबरोबर अपंग संस्थेच्या वतीने पोस्ट खात्याच्या माध्यमातून आधार कार्ड मधील दुरुस्तीबाबत मोफत शिबिर घेण्यात आले. या शिबिराचा बहुसंख्य नागरिकांना फायदा झाला. यासाठी आवश्यक असणारे ग्रामपंचायतीचे दाखले सुट्टीचा दिवस असून ही जनहिताच्या दृष्टीने सरपंच, उपसरपंच, सदस्य आणि ग्रामविकास अधिकारी यांनी तात्काळ उपलब्ध करून दिले. याप्रसंगी पोस्टल सहाय्यक प्रकाश मजगे यांनी पोस्ट खात्याद्वारे राबविण्यात येत असलेल्या आणि उपयोगी ठरणाऱ्या योजनेबद्दल माहिती सांगून वर्षातून एकदाच पैसे भरून त्याद्वारे मिळणाऱ्या फायद्याबद्दल सविस्तर माहिती सांगून नागरिकांना प्रेरित केले.

माजी सरपंच सुजीत तरंगे यांनी प्रस्ताविक केले.
गेल्या 21 वर्षापासून संस्थेचे संस्थापक अध्यक्ष गोरख मारुती जानकर हे संस्थेच्या माध्यमातून समाज हितोपयोगी विविध उपक्रम राबवित आले आहेत.
प्रमुख पाहुण्यांचे आगमन होताच हलगीच्या कडकडाटात, फटाक्याच्या आतिषबाजीत मिरवणूक काढण्यात आली. मिरवणुकीने जाऊन तरंगफळ ग्रामपंचायत च्या कार्यालया च्या प्रांगणात उभारण्यात आलेल्या लोकशाहीर अण्णाभाऊ साठे यांच्या स्मारक स्थळी असलेल्या पुतळ्यास प्रमुख पाहुण्यांच्या हस्ते पुष्पहार घालून अभिवादन करण्यात आले.

उपस्थित मान्यवरांच्या स्वागत सत्कारा नंतर हरिभाऊ मगर, पो.नि. राजेंद्र टाकणे यांनी आपले मनोगत व्यक्त करताना अपंग संस्थेचे संस्थापक अध्यक्ष गोरख जानकर यांच्या कार्यकर्तृत्वाचा गुणगौरव केला.
या कार्यक्रमास माजी सरपंच नारायण तरंगे, सागर बोडरे, सदस्य विलास तरंगे, मुख्याध्यापक विरकर, मुलाणी, सूत्रसंचालक व तरंगफळ ग्रामपंचायत चे ग्रामविकास अधिकारी संतोष पाणसरे, ज्ञानदेव जानकर, शशिकांत साळवे, भागवत तरंगे, सहदेव तरंगे, केशव तरंगे, शिवाजी वाघमोडे, पराडे, अभिजीत निंबाळकर इत्यादी मान्यवरांसह संजय देशमुख, एल्.डी.वाघमोडे, निनाद पाटील, विलासनंद विठ्ठल गायकवाड, श्रीमंत बनकर, पिनू दोशी, सौ. शोभा तानाजी वाघमोडे, तानाजी वाघमोडे इत्यादी पत्रकार उपस्थित होते.