🟣 “कामाच्या ठिकाणी सुरक्षितता म्हणून हेल्मेटची आवश्यकता”: रणजितसिंह शिंदे 🟠 विठ्ठलराव शिंदे कारखान्याच्या 1400 कामगारांना हेल्मेट वाटप

🟣 “कामाच्या ठिकाणी सुरक्षितता म्हणून हेल्मेटची आवश्यकता”: रणजितसिंह शिंदे

🟠 विठ्ठलराव शिंदे कारखान्याच्या 1400 कामगारांना हेल्मेट वाटप

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharastra State, India.
Mo. 9860959764.

🔰 आकाश भाग्यवंत नायकुडे

अकलूज दिनांक 13/11/2023 : कारखान्याचे प्रगतीमध्ये कामगार हा महत्वाचा केंद्रबिंदू आहे. कामगारांची सुरक्षितता ही अत्यंत महत्वाची आहे. कामाच्या ठिकाणी सुरक्षितता महत्वाची असून हेल्मेट ही एक आवश्यकता आहे. हेल्मेट हे कामगारांना पडणाऱ्या वस्तु, विजेचे धोके आणि इतर धोक्यापासून संरक्षण करण्यासाठी फायदेशीर आहे. असे मत कारखान्याचे संचालक व सोलापूर जिल्हा दूध संघाचे चेअरमन रणजितसिंह शिंदे यांनी व्यक्त केले.सोलापूर जिल्ह्यातील नामांकित विठ्ठलराव शिंदे सहकारी साखर कारखान्याचे पिंपळनेर युनिट नं.1 व करकंब युनिट नं 2 कडील सन 2023-24 चा गळीत हंगाम सुरु झालेला असून कारखान्यातील 1400 कामगारांना दिपावली सणाच्या मुर्हतावर सुरक्षिततेच्या दृष्टीने आ.बबनराव शिंदे यांचे मार्गदर्शनाखाली कारखान्याचे संचालक व सोलापूर जिल्हा दूध संघाचे चेअरमन रणजितसिंह शिंदे यांचे शुभहस्ते हेल्मेट वाटप करणेत आले.
कामाचे ठिकाणी हेल्मेट वापर सक्तीचे आहे. कामगारांना वेळोवेळी सुरक्षितते संदर्भात तज्ञांचे मार्गदर्शन देण्यात येत आहे. कारखान्यामार्फत कामगारांसाठी एल.आय.सी. ग्रुप ग्रॅज्युईटी स्किम, कामगार पतसंस्था, कामगार कल्याण मंडळामार्फत कामगारांच्या पाल्यांना शालेय शिष्यवृत्ती, मयत कामगारांचे कुटुंबियांना आर्थिक मदत असे अनेक उपक्रम कारखान्याचे माध्यमातून राबविले जात आहेत. अशी माहिती कार्यकारी संचालक एस.एन.डिग्रजे यांनी सांगितली.या प्रसंगी कारखान्याचे संचालक लाला मोरे, अनिल विर, केन मॅनेजर एस.पी. थिटे, डिस्टिलरी मॅनेजर पी.व्ही.बागल, चिफ इंजिनिअर एस.डी.कैचे, चिफ केमिस्ट ए.के. जगताप, सुरक्षा अधिकारी जगताप यांचे मान्यवर उपस्थित होते.