🟠 “ओंकार” चांदापुरी युनिट एक मध्ये पहिल्या साखर पोत्यांचे पुजन

🟣 पहिला हप्ता प्रति टन 2700/- रुपये जाहीर

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Sholapur. Maharashtra State, India.
Mo. 9860959764.

अकलूज दिनांक 8/11/2023 : सोलापूर जिल्ह्यातील चांदापुरी (तालुका माळशिरस) येथील ओंकार साखर काखाना प्रा.लि.चांदापुरी युनिट एक मध्ये यंदाच्या गळीत हंगामातील उत्पादीत साखरेच्या पहिल्या पाच पोत्यांचे पुजन नुकतेच संपन्न झाले. कारखाना कार्यस्थळी ओंकार साखर कारखाना परिवाराचे

संचालक प्रशांत बोत्रे पाटील यांच्या हस्ते हा सोहळा संपन्न झाला. या वेळी बोलताना बोत्रे पाटील म्हणाले की, ओंकार साखर परिवाराचे चेअरमन बाबुराव दादासाहेब बोत्रे पाटील यांच्या मार्गदर्शनाखाली उप पदार्थ निर्मिती प्रकल्प, कारखान्याच्या गाळप क्षमतेत वाढ, इथेनॉल व वीज प्रकल्प, कंपोस्ट खत, पेट्रोल पंप यांची कामे अंतिम टप्प्यात आहेत. शेतकऱ्यांचे हिताला नेहमीच प्रधान्य दिले. ऊसाचा पहिला हप्ता २७०० रूपये जाहीर करून शेतकऱ्यांना व कामगारांना दिवाळी साठी मोफत साखरेचे वाटप करण्यात आले. तरी परिसरातील ऊस उत्पादक शेतकऱ्यांनी आपला ऊस या कारखान्याला गाळपा साठी घालावा असे आवाहन प्रशांत बोत्रे पाटील यांनी केले. यावेळी चांदापुरी ग्रामपंचायत सरपंच जयवंत सुळ, जनरल मॅनेजर भिमराव वाघमोडे, ऊस उत्पादक शेतकरी रामभाऊ मगर, चीफ इंजिनिअर तानाजीराव देवकते, डिस्टिलरी मॅनेजर पी.डी. पाटील, केन मॅनेजर शरद देवकर, सुरक्षाआधिकारी मोहन घोडके, धनाजी पवार, धन्यकुमार जमदाडे, रमेश आवताडे, विजय जगदाळे, गणेश शितोळे यासह शेतकरी, ऊस तोडणी मुकादम ऊस पुरवठा वाहतूकदार, आधिकारी, कर्मचारी उपस्थित होते.