🟣”शेतकरी पांडवांनी कंबर कसली आहे, आपण सेनापतीची भूमिका बजवावी” 🟢शरद पवार यांना विठ्ठल राजे पवार यांचे साकडे

🟣”शेतकरी पांडवांनी कंबर कसली आहे, आपण सेनापतीची भूमिका बजवावी”

🟢शरद पवार यांना विठ्ठल राजे पवार यांचे साकडे

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 98 60 95 97 64

🔰आकाश भाग्यवंत नायकुडे

अकलूज दिनांक 18/03/2024 :
“कौरवांच्या विरुद्ध युद्ध तर करावेच लागेल,त्यासाठी शेतकरी पांडवांनी कंबर कसली आहे, आपण सेनापतीची भूमिका बजवावी” असे साकडे शरद जोशी विचार मंच शेतकरी संघटनेचे राष्ट्रीय अध्यक्ष व राष्ट्रीय पिछडा वर्ग अनुसूचित जाती जनजाती एवम अल्पसंख्यांक महासंघाचे महाराष्ट्र प्रदेश अध्यक्ष विठ्ठल राजे पवार यांनी भारताचे कृषिमंत्री आणि देशातील शेतकऱ्यांचे नेते शरद पवार यांना घातले. मांजरी पुणे येथे शेतकरी संघटनांचे प्रतिनिधी यांच्यासह भेट घेऊन सविस्तर चर्चा करून आपले परखड विचार व्यक्त केले. चर्चेमध्ये बोलताना ते पुढे म्हणाले की, सर्वसामान्य शेतकरी कष्टकरी कामगार आणि गृहिणी देखील संकटात आहेत…आमचा देश कृषीप्रधान आहे हो. परंतु आजही आम्ही गुलामीत आहोत. काँग्रेस असेल किंवा आणि कुठल्याही पक्ष असेल त्यांच्या गुलामीने आजपर्यंत मला आणि माझ्या अनुयायांना परेशान केलं याचं शेवटी उत्तर शोधावं लागेल आणि त्यासाठी आम्ही वाटेल ती किंमत मोजायला तयार आहोत. परंतु या देशातला शेतकरी सुखी झाला तरच राज्य आणि देश सुखी होईल अन्यथा अन्नसुरक्षा धोक्यात आली तर या देशाला फार मोठी किंमत मोजावी लागेल. “या देशाला आणि राज्याला वाचवण्यासाठी पुन्हा तुम्ही या वयात जी भूमिका घेतलेली आहे ती रास्त आणि बरोबर आहे. राज्य व देशभरातील शेतकऱ्यांच्या विचाराच्या व हिताचा निर्णय घेणाऱ्या शेतकरी संघटना आपल्या सोबत राहतील.आम्ही आणि आम्ही काम करत असलेली शेतकरी संघटनेची राजकीय भूमिका नाही. संघटना राजकीय भूमिकेशी सहमत नाही. परंतु जे पक्ष शेतकऱ्यांची बाजू व न्याय देण्याच्या साठी प्रयत्न करतील त्यांच्यासोबत राहून योग्य वेळी योग्य निर्णय घेऊन शेतकऱ्यांसाठी जे झगडत आहेत जे कष्ट करतायेत त्यांच्या पाठीशी आम्ही शंभर टक्के उभे राहू असे त्यांनी सांगितले.

राज्यातला शेतकरी कष्टकरी आणि कामगार सर्व परेशान आहेत आणि त्यासोबत राज्यातले सर्व विरोधी पक्ष देखील परेशान आहेत याचे औषध राज्य आणि देशातील फक्त शेतकऱ्यांकडे आहे कारण त्यांची संख्या 50% आहे. यावेळेस तुम्हाला शेतकऱ्यांच्या हितासाठी अशी दवा शोधावा लागेल की शेतकऱ्याचं सरसकट संपूर्ण कर्ज-विज बील मुक्त करावे लागेल. त्याला दुसऱ्या विलाज नाही. कारण राज्य आणि देशाची अन्नसुरक्षा सावित्री आणि हे सर्वात महत्त्वाचे असून त्यासोबतच सर्वात महत्त्वाचा घटक आणि देशाची अर्थव्यवस्था शाब्दिक ठेवणारा शेतकरी जगला वाचला तर देश आणि राज्य आणि देश वाचेल. ही माझी आणि शरद जोशी विचारमंच शेतकरी संघटनेची भूमिका आहे, संघटनेची कोणत्याही राजकीय भूमिका नाहीत! मी आपल्याकडे शेतकऱ्यांचे महत्त्वपूर्ण विषय घेऊन आलेलो आहे कुठली आमदारकी खासदारकी किंवा सत्ता मागणं हे आमच्या शरद जोशी विचारमंच शेतकरी संघटनेचे काम नाही! मात्र सत्ता बदलणं हे आमच्या शेतकऱ्यांचे काम आहे त्यासाठी आपण शेतकरी कष्टकरी कामगार यांचेसाठी राज्य, राष्ट्रीय आणि आंतरराष्ट्रीय स्तरावर काम करणारी एकमेव शेतकरी संघटना आहे आणि सध्या माझ्याकडे आहे .यावेळी शरद जोशी विचारमंच शेतकरी संघटनेचे पदाधिकारी पुणे जिल्हा अध्यक्ष बाळासाहेब वर्पे, विठ्ठल पाटील लोखंडे, दिलीप वर्पे, गुलाबराव लोखंडे, हिरामण बांदल, नामदेव गायकवाड, शेतकरी, पदाधिकारी उपस्थित होते.
पुणे जिल्ह्याचा राज्य आणि राष्ट्रीय पातळीवरील शेतकऱ्यांना न्याय मिळावा यासाठी मी आपल्याकडे काही महत्त्वाचे प्रश्न घेऊन आलोय याची उकलन होऊन शेतकऱ्यांना न्याय मिळावा एवढीच अपेक्षा आहे. असेही शेवटी शरद जोशी विचार मंच शेतकरी संघटना महासंघ नवी दिल्ली महाराष्ट्र राज्याचे अध्यक्ष तथा राष्ट्रीय निमंत्रक विठ्ठल राजे पवार यांनी सांगितले.