सहकार महर्षी अभियांत्रिकी महाविद्यालयामध्ये “ब्रेस्ट कॅन्सर अवेरनेस” या विषयावर परिसंवाद संपन्न

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

अकलूज दिनांक 2/11/2023 : येथील सहकार महर्षि शंकरराव मोहिते-पाटील इन्स्टिटयूट ऑफ टेक्नॉलॉजी अँड रिसर्च,शंकरनगर -अकलूज या अभियांत्रिकी महाविद्यालयामध्ये दि.३१/१०/२०२३ रोजी स्तन कर्करोग जागरूकता या विषयावर परिसंवाद संपन्न झाला.

कार्यक्रमाची सुरुवात काकासाहेब व आक्कासाहेब यांच्या प्रतिमा पूजनाने झाली. त्यानंतर कार्यक्रमासाठी व्याख्याता म्हणून लाभलेल्या विजयसिंह मोहिते पाटील कॉलेज ऑफ नर्सिंग, अकलूज च्या प्राध्यापिका गौरी वाघमारे, सुप्रिया चिंतामणी व सनमबी शेख यांचा सत्कार करण्यात आला. यानंतर प्रा . गौरी वाघमारे यांनी पाॅवर पॉइंट प्रेझेंटेशन द्वारे विद्यार्थिनींना स्तनांचा कर्करोग होण्याची संभाव्य लक्षणे, कर्करोगास कारणीभूत घटक, शारीरिक आहार, पर्यावरण, जीवनशैली या बद्दल माहिती व त्यासाठी खबरदारीचे उपाय सुचवले.
यानंतर प्रा. सुप्रिया चिंतामणी यांनी कर्करोगाचे निदान करण्याच्या पद्धती व स्तनांचा कर्करोग यावर होणाऱ्या उपचार पद्धती जसे की कीमोथेरेपी, रेडिएशन थेरेपी याबद्दल माहिती दिली तसेच त्यांनी विद्यार्थिनींना स्वतःमध्ये व समाजामध्ये याबद्दल जागरूकता निर्माण करण्याची विनंती केली.
यानंतर प्राध्यापिका सनमबी शेख यांनी ब्रेस्ट सेल्फ एक्झामिनेशन कसे करायचे याबद्दल प्रात्यक्षिक दिले.
कार्यक्रमाचे आभार प्रदर्शन विजयसिंह मोहिते पाटील कॉलेज ऑफ नर्सिंग च्या प्रा. राणी शेंडगे यांनी केले.
कार्यक्रमास महाविद्यालयातील सर्व विद्यार्थिनी व महिला शिक्षिका उपस्थित होत्या.
कार्यक्रम यशस्वीपणे पार पाडण्यासाठी कार्यक्रमाचे समन्वयक म्हणून प्रा.सुजाता रिसवडकर व प्रा. प्रगती पाटील यांनी काम पाहिले.