🟣 “केंद्र व राज्य सरकार बरोबर मिसळून आपणास काम करायचे असते”:- अझर पटेल 🟢हेस वेल्फेयर फांऊडेशन कार्यकारीणी बैठकीत पद नियुक्ती पत्र प्रदान

🟣 “केंद्र व राज्य सरकार बरोबर मिसळून आपणास काम करायचे असते”:- अझर पटेल

🟢हेस वेल्फेयर फांऊडेशन कार्यकारीणी बैठकीत पद नियुक्ती पत्र प्रदान

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras District Solapur Maharashtra State, India.
Mo. 9860959764.

अकलूज दिनांक 31/10/2023 : “केंद्र सरकार व राज्य सरकार यांच्याशी मिळून मिसळून आपल्या हेस फाउंडेशन ला काम करायचे असते”असे मत राष्ट्रीय सचिव अझर पटेल यांनी प्रतिपादन केले. सोमवार दिनांक 30 ऑक्टोबर रोजी सांगोला येथे दुपारी तीन वाजता झालेल्या हेस फौंडेशनच्या जिल्हा कार्यकारिणी च्या बैठकीमध्ये मार्गदर्शन करताना ते बोलत होते.
हेस फाउंडेशनचे संस्थापक राष्ट्रीय अध्यक्ष एल, एस. बेदी यांच्या मार्गदर्शनाखाली, राष्ट्रीय सरचिटणीस अझर पटेल व राष्ट्रीय प्रचारक बापूराव ढगे पाटील यांच्या प्रमुख उपस्थितीत हेस फाउंडेशनच्या सोलापूर जिल्हा कार्यकारिणीची बैठक सांगोला येथे संपन्न झाली. सोमवार दिनांक 30 ऑक्टोबर 2023 रोजी दुपारी तीन वाजता सांगोल्यातील सदानंद हॉल येथे संपन्न झालेल्या कार्यकारणीच्या बैठकीस फाउंडेशनचे कायदेशीर सल्लागार ॲड. लक्ष्मण बेडेकर, महिला शाखेच्या राज्य उपाध्यक्ष विद्या नानासा हक्के , मुंबई विभाग अध्यक्ष सौ. शुभदा सुनील विचारे, अकलूज वैभव, वृत्त एकसत्ता, aklujvaibhav.in चे संस्थापक संपादक भाग्यवंत लक्ष्मणराव नायकुडे उपस्थित होते. राष्ट्रीय प्रचारक बापूराव ढगे पाटील यांनी प्रास्ताविकाद्वारे फाउंडेशन च्या ध्येय, उद्देश आणि कामकाजाचा सविस्तर आढावा घेतला.”आपणाला या फाउंडेशनच्या माध्यमातून काय काम करायचे त्याचबरोबर आपली संघटना नीती आयोग भारत सरकारशी संलग्न आहे”असे यावेळी ढगे पाटील यांनी सांगितले.

“लोकशाहीचा चौथा स्तंभ साप्ताहिक अकलूज वैभव आणि पाक्षिक वृत्त एकसत्ता या प्रिंट मीडिया आणि akluj vaibhav.in या डिजिटल मीडियाच्या माध्यमातून हेस वेल्फेअर फाउंडेशनच्या प्रत्येक विधायक, विकासाभिमुख कार्यामध्ये आपणा सर्वांसमवेत असेल” अशी ग्वाही दोन्ही मीडियाचे संस्थापक संपादक भाग्यवंत लक्ष्मणराव नायकुडे यांनी याप्रसंगी आपले मनोगत व्यक्त करताना दिली.

सोलापूर जिल्हा महिला आघाडीच्या जिल्हाध्यक्ष शशिकला शिवाजी कस्पटे यांनी या मिटींगचे अध्यक्षस्थान भूषविले.

या जिल्हा कार्यकारिणीच्या बैठकीमध्ये नवनियुक्त पदाधिकारी यांना पद नियुक्तीचे पत्र देऊन त्यांचा सन्मान करण्यात आला.
फाउंडेशनचे जिल्हाध्यक्ष विलासनंद विठ्ठल गायकवाड, जिल्हा महिला अध्यक्ष शशिकला शिवाजी कसपटे, सोलापूर जिल्हा युवक अध्यक्ष श्रीनिवास पवार,जिल्हा कार्याध्यक्ष शोभा राजेश गायकवाड, जिल्हा सचिव मार्था असादे, यांच्या नेतृत्वाखाली सोलापूर जिल्हा उपाध्यक्ष पदी भारत शामराव चौगुले, सांगोला तालुकाध्यक्षपदी प्रविण भानुदास कोळेकर, सांगोला तालुका महिला अध्यक्ष सविता दत्तात्रय लेंडवे, मोहोळ तालुका अध्यक्ष किशोर मार्तंड, उत्तर सोलापूर तालुकाध्यक्ष मयुर पांडुरंग गोरे, उपाध्यक्ष सोमनाथ संजय मोहोळकर, सचिव श्रीरंग दगडू चटके, मधुकर मारूती कांबळे, चंद्रकांत मनोहर अधाटे यांची निवड झाल्याबद्दल सोलापूर जिल्हा कार्यकारिणीच्या वतीने हार्दिक अभिनंदन करण्यात आले. आभार विलासनंद विठ्ठल गायकवाड यांनी मानले.