सदाशिवराव माने विद्यालयामध्ये ‘भोंडला’ उत्साहात साजरा.
Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.
अकलूज दिनांक 20/10/2023 :
शिक्षण प्रसारक मंडळ अकलूजच्या सदाशिवराव माने विद्यालयात ‘भोंडला’ हा पारंपारिक खेळ मोठ्या उत्साहात साजरा करण्यात आला. पश्चिम महाराष्ट्रात प्रचलित असलेला स्त्रियांचा हा सामुदायिक खेळ आहे. नवरात्रीचे नऊ दिवस व दसऱ्याच्या दिवशी हा खेळ खेळला जातो.
विद्यालयामध्ये मैदानाच्या मध्यभागी हत्तीची मूर्ती मांडून त्याची पूजा अकलूज ग्रामपंचायत च्या माजी सदस्या सौ. शितलदेवी सतिशराव माने-पाटील यांच्या हस्ते करण्यात आली. यावेळी माता-पालक संघाच्या उपाध्यक्षा वैशाली पताळे, स्वप्नाली कदम, रुपाली दबडे, कल्पना कांबळे, सिद्धी माने-पाटील, मुख्याध्यापक अमोल फुले, उपमुख्याध्यापक दत्तात्रय घंटे, पर्यवेक्षक व सर्व महिला शिक्षिका उपस्थित होत्या.
मुलींनी हत्तीभोवती फेर धरला व स्नेहा शिंदे, पवार व वाद्यवृंदातील विद्यार्थिनींनी पारंपारिक गाणी म्हणत या खेळाचा आनंद लुटला. मुलींनी घरून येताना खिरापत आणली होती ती सर्वांना वाटली व त्याचसोबत खिरापत ओळखण्याचा मनोरंजक खेळ खेळण्यात आला. कार्यक्रमाचे प्रास्ताविक व सूत्रसंचालन अंजली सावंत यांनी केले तर सुनीता ठोंबरे यांनी आभार मानले.
