🟣 “या गळीत हंगामात दहा लाख मे.टनाचे उद्दिष्ट ठेवले असून कायम व डेली बेसिस कामगारांना अनुक्रमे ८.३३ व ११ टक्के बोनस देण्यात येणार” – जयसिंह मोहिते पाटील

🟣 “यागळीत हंगामात दहा लाख मे.टनाचे उद्दिष्ट ठेवले असून कायम व डेली बेसिस कामगारांना अनुक्रमे ८.३३ व ११ टक्के बोनस देण्यात येणार” – जयसिंह मोहिते पाटील

• 🔵 “सहकार महर्षि” कारखान्याचा बॉयलर अग्नी प्रदिपन समारंभ उत्साहात संपन्न

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras District Solapur Maharashtra State, India.
Mo. 9860959764.

🔰 आकाश भाग्यवंत नायकुडे

मुंबई दिनांक 16/10/2023 : “कारखान्याने या गळीत हंगामात दहा लाख मे.टन ऊस गाळपाचे उद्दिष्ट ठेवले असून कायम व हंगामी कामगारांना 8:33 टक्के व कंत्राटी (डेली बेसिस) कामगारांना ११ टक्के बोनस देण्यात येणार” असे चेअरमन जयसिंह शंकरराव मोहिते पाटील यांनी घोषित केले.
सोलापूर जिल्ह्यातील शंकरनगर – अकलूज येथील सहकार महर्षि शंकरराव मोहिते पाटील सहकारी साखर कारखान्याचा 62 वा बॉयलर अग्नी प्रदिपन समारंभ चेअरमन जयसिंह शंकरराव मोहिते पाटील व सौ.सुलक्षणादेवी जयसिंह मोहिते-पाटील यांच्या हस्ते संपन्न झाला. याप्रसंगी ते व्यासपीठावरून बोलत होते.

बॉयलर अग्नी प्रदीपन पूर्व अग्नी प्रज्वलित केल्यानंतर  आरती करताना टिपलेले छायाचित्र.

(दोन्ही छायाचित्रे : अकलूज वैभव न्यूज नेटवर्क)

सोमवार दिनांक 16 ऑक्टोबर रोजी सकाळी दहावाजता संपन्न झालेल्या बॉयलर अग्नीप्रदीपन समारंभास कारखान्याचे मार्गदर्शक संचालक, माजी उपमुख्यमंत्री विजयसिंह शंकरराव मोहिते-पाटील, आमदार रणजितसिंह विजयसिंह मोहिते-पाटील, धैर्यशिल राजसिंह मोहिते-पाटील, कु.स्वरूपराणी जयसिंह मोहिते-पाटील, अर्जुनसिंह मदनसिंह मोहिते-पाटील, कारखान्याचे व्हाईस चेअरमन शंकरराव रामचंद्र माने देशमुख यांच्यासह आजी माजी संचालकांसह, कार्यकारी संचालक राजेंद्र चौगुले, सभासद व शेतकरी, कारखान्याचे सर्व विभाग प्रमुख, अधिकारी, कर्मचारी उपस्थित होते. बॉयलर अग्नी प्रदीपन समारंभ निमित्त कारखाना कार्यस्थळी सकाळी 8:45 वा.कारखान्याचे संचालक नानासाहेब सुदाम मुंडफणे आणि सौ सिंधूबाई नानासाहेब मुंडफणे या उभयतांच्या हस्ते श्री सत्यनारायण महापूजा करण्यात आली.

“पावसाने ओढ दिल्याने ऊस लागवड अत्यंत कमी झाली असून कृष्णा भीमा स्थिरीकरणारोबरच नीरा कालव्यास समांतर जलवाहिनी होणे गरजेचे असून त्यासाठी आमदार रणजितसिंह मोहिते-पाटील यांनी प्रयत्न करावेत”. असे पुढे बोलताना जयसिंह मोहिते-पाटील यांनी म्हटले.

यावेळी कार्यकारी संचालक राजेंद्र चौगुले यांनी गत गळीत हंगामाचा आढावा घेतला. त्यामध्ये गतशीजन मध्ये केलेली कामे व त्यापासून झालेला फायदा तसेच चालू सीजन करता केलेली कामे व त्यापासून होणारा फायदा याबाबत सविस्तर माहिती सांगितली. गत हंगामामध्ये 10 लाख 56 हजार 780 मे.टन ऊस गाळप होऊन 10 लाख 42 हजार 560 क्विंटल साखरेचे उत्पादन झाले.साखर उतारा बी हेवी सहित 11.15% असा होता. को जनरेशन विभागात 10 कोटी 29 लाख 21 हजार 782 युनिट वीज निर्मिती झाली. तर 6 कोटी 8 लाख 86 हजार 117 युनिट वीज विक्री झाली. डिश टीव्ही उत्पादन विभागात 1 कोटी 95 लाख 96 हजार 104 लिटर रेक्टिफाइड स्पिरीट तर एक कोटी 85 लाख 117 लिटर इथेनॉल निर्मिती झाली. ऍसिटिक ऍसिड उत्पादन विभागाने 421 मे‌. टन.ग्लॅसिएल ऍसिटिक ऍसिड तर 954 मे. टन. ॲसिटॉल्डीहाईड चे उत्पादन घेतले. तसेच गत सिजनमध्ये सेंट्रीफ्युगल सेक्शन कडे झिरो लिक फ्लॅप व्हॉल्व्ह बसविल्याने साखरेची प्रत सुधारणेस तसेच डिस्टिलरी विभागाकडे मोलासेस साठवण्यासाठी नवीन 5000 मे. टन क्षमतेची टाकीची उभारणी केल्याने प्रोडक्शन वाढविणेस मदत झाली.तर यावर्षी ८ हजार मे.टन साठवण क्षमतेची एक टाकी तयार करीत असल्या मुळे डिस्टलरीकडील उत्पादकता वाढणार आहे. सहवीज निर्मिती प्रकल्प विभागाकडे (को – जनरेशन विभागाकडे) 140 टनी बॉयलरचे ट्रॅव्हलिंग ग्रेडचे काम केल्याने त्याचाही बॉयलर इफिशिअन्सी(कार्यक्षमता) सुधारण्यासाठी फायदा झाला आहे. यावर्षी मिल व शुगर विभागाकडे मॅग्नेट बसविल्याने उसाबरोबर येणारे फॉरेन मटेरियल म्हणजे लोखंडी बार, अँगल इत्यादी वेगळे झाल्याने मिल कडे काही धोका होणार नाही तसेच साखरेमध्ये येणारे लोखंडाचे कण गंज इत्यादी बाहेर काढण्यास मदत होणार आहे. तसेच को – जन 50 त्यांनी बॉयलरचे ट्रॅव्हलिंग ग्रेडचे काम केल्याने त्याचा नक्कीच फायदा होणार आहे. गतवर्षी प्रति मेट्रिक टन रक्कम रुपये 2,583/- प्रमाणे सभासद व ऊस पुरवठादार यांचे खातेवरती जमा करण्यात आलेली आहे. कारखान्याने गेली दोन वर्षे शंभर टक्के एफआरपी जिल्ह्यात सर्वप्रथम दिली असून उत्पादकांनी आपला ऊस या कारखान्यास देऊन सहकार्य करावे असे आवाहन कार्यकारी संचालक राजेंद्र चौगुले यांनी केले.

फोटोओळी : “सहकार महर्षि” साखर कारखान्याच्या ६२ व्या बॉयलर अग्नीप्ररदिपन समारंभ प्रसंगी चेअरमन जयसिंह मोहिते-पाटील, सौ. सुलक्षणादेवी मोहिते-पाटील, कु.स्वरूपराणी मोहिते-पाटील, शंकरराव माने देशमुख, राजेंद्र चौगुले व मान्यवर.
(छायाचित्र : शिवकिर्ती फोटो अकलूज).