🟣 “शहीद निवृत्ती जाधव यांचे कार्य सर्व पिढीसाठी प्रेरणादायी आहे”: पी.एस.आय.स्वाती सुरवसे 🟠शहीद निवृत्ती जाधव यांचा चौदावा स्मृतिदिनी विविध उपक्रमांनी साजरा

🟣 “शहीद निवृत्ती जाधव यांचे कार्य सर्व पिढीसाठी प्रेरणादायी आहे”: पी.एस.आय.स्वाती सुरवसे

🟠शहीद निवृत्ती जाधव यांचा चौदावा स्मृतिदिनी विविध उपक्रमांनी साजरा

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

अकलूज दिनांक 06/10/2023 :
“शहीद निवृत्ती जाधव यांचे कार्य सर्व पिढीसाठी प्रेरणादायी आहे, त्यांचे नाव कायमस्वरूपी अमर राहणार आहे”. असे मत अकलूज पोलीस स्टेशनच्या पी.एस.आय. स्वाती सुरवसे यांनी श्रीपूर येथे व्यक्त केले. श्रीपूर तालुका माळशिरस येथील शहीद इन्स्पेक्टर निवृत्ती जाधव यांचा चौदावा स्मृतिदिन विविध उपक्रमांनी त्यांच्या स्मारक स्थळी साजरा करण्यात आला. यावेळी प्रमुख पाहुणे म्हणून त्या बोलत होत्या.

सकाळी स्मारक स्थळापासून श्रीपूर मधून शहीद जवान ज्योत रॅली काढण्यात आली.त्यामध्ये विद्यार्थी, ग्रामस्थ सहभागी झाले होते.शहीद जवान ज्योत रॅली वीरपत्नीने बांधलेल्या स्मारक स्थळी आल्यानंतर शहीद निवृत्ती जाधव यांना सामुदायिकपणे सलामी देण्यात आली. त्यानंतर उपस्थित मान्यवरांनी शहीद जाधव यांच्या पुतळ्याचे पूजन करून श्रद्धांजली अर्पण केली.

स्मारक परिसरामध्ये वृक्षारोपणा नंतर पुरस्कार वितरण, विद्यार्थ्यांना खाऊ वाटप करण्यात आले. पोलीस प्रशासनामध्ये विशेष कामगिरी केल्याबद्दल अकलूज पोलीस स्टेशनच्या सहाय्यक पोलीस निरीक्षक स्वाती सुरवसे यांना शहीद निवृत्ती जाधव स्मृती गौरव पुरस्कार शहीद निवृत्ती जाधव प्रतिष्ठान व बहुउद्देशीय संस्थेच्या अध्यक्षा वीरपत्नी सुरेखा निवृत्ती जाधव यांच्या शुभहस्ते देण्यात आला.

नवनाथ अधटराव यांनी शहीद निवृत्ती जाधव यांच्या कार्याचा आढावा मनोगता मधून सांगितला. या कार्यक्रमासाठी नगराध्यक्ष लक्ष्मी चव्हाण, अकलूज पोलीस स्टेशनच्या पी.एस.आय. स्वाती सुरवसे, ए.एस.आय. बाळासाहेब पानसरे, नगरसेविका तेजश्री लाटे, नगरसेविका जोस्ना सावंत-पाटील, नगरसेविका शारदाताई पाटील, जनरल मॅनेजर दिनकर बेंबळकर, गटनेते नगरसेवक राहुल रेडे, शिवाजी रेडे, पैलवान अशोक चव्हाण, नामदेव पाटील, मौला पठाण, चेअरमन राजेंद्र वाळेकर, विक्रम लाटे, मेजर नागनाथ हाके, चंद्रशेखर विद्यालय व नारायण काका आगाशे कनिष्ठ महाविद्यालयाचे प्राचार्य पांडुरंग बनसोडे, नवनाथ अधटराव,सिताराम गुरव, सुनील गवळी, मुख्याध्यापिका सुरेखा अनिल जाधव, भागवत पारसे, शिक्षक पालक संघाचे उपाध्यक्ष दत्तात्रय दोरगे, सचिव बाळासाहेब भोसले, बाळासाहेब कामते, नागनाथ वाघमारे, माधव साठे, हेमंत पाटील, गणेश कचरे, पांडुरंग चव्हाण, अरविंद साठे आदी मान्यवर उपस्थित होते.
कार्यक्रम यशस्वी करण्यासाठी धर्मेश जाधव, प्रेरणा जाधव, वीरपत्नी सुरेखा जाधव, रवींद्र नाईकनवरे, सारिका नाईकनवरे, सविता नाईकनवरे, कांचन देवडकर, अनिल शिंदे, स्वाती पारसे, दत्ता नाईकनवरे, शहीद निवृत्ती जाधव प्रतिष्ठान व बहुउद्देशीय संस्थेच्या सर्व कार्यकर्त्यांनी परिश्रम घेतले. सूत्रसंचालन सुषमा जाधव यांनी केले तर आभार सचिव सारिका नाईकनवरे यांनी मानले.