🟣 “पुढच्या वर्षी उसाच्या कमतरतेमुळे साखर कारखान्यांची परिस्थिती बिकट असणार आहे” : राजेंद्र गिरमे 🔵 दि सासवड माळी शुगर फॅक्टरी लि. माळीनगरचा 90 वा बॉयलर अग्नी प्रदीपन सोहळा संपन्न.

🟣 “पुढच्या वर्षी उसाच्या कमतरतेमुळे साखर कारखान्यांची परिस्थिती बिकट असणार आहे” : राजेंद्र गिरमे

🔵 दि सासवड माळी शुगर फॅक्टरी लि. माळीनगरचा 90 वा बॉयलर अग्नी प्रदीपन सोहळा संपन्न.

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra State, India.
Mo. 9860959764.

अकलूज दिनांक 21/10/2023 : आपल्या दि सासवड माळी शुगर फॅक्टरी ला इंदापूर, पंढरपूर व माढा या तालुक्यातून जास्तीत जास्त ऊस उपलब्ध होत असतो तिथे मात्र वीस टक्केच ऊस लागण झाली आहे. जमिनीतील पाण्याची पातळी खोलवर गेलेली आहे त्यामुळे पाण्याची पातळी खोलवर गेल्यामुळे पाण्याची परिस्थिती खूप वाईट असणार आहे. पुढच्या वर्षी उसाच्या कमतरतेमुळे साखर कारखान्यांची परिस्थिती बिकट असणार आहे. त्यामुळे पुढच्या वर्षी उसाचे गाळप कमी होईल आणि साखर कारखाने किती दिवस चालतील हे सांगणे कठीण आहे. असे चिंतायुक्त मत कारखान्याचे चेअरमन राजेंद्र गोपाळराव गिरमे यांनी व्यक्त केले.

शनिवार दिनांक 21/10/2023 रोजी सकाळी 10:30 वा.दि सासवड माळी शुगर फॅक्टरी लिमिटेड माळीनगर कारखान्याच्या 90 व्या गाळप हंगामातील बॉयलर अग्नी प्रदीपन समारंभ शुगरकेन सोसायटीचे व्हाईस चेअरमन कपिल विजयराव भोंगळे व त्यांच्या पत्नी स्नेहल भोंगळे यांच्या हस्ते संपन्न झाला. यावेळी ते बोलत होते.
याप्रसंगी कारखान्याचे चेअरमन राजेंद्र गिरमे, मॅनेजिंग डायरेक्टर सतीश गिरमे, नूतन होलटाईम डायरेक्टर परेश राऊत, संचालक मोहन लांडे, विशाल जाधव, नीलकंठ भोंगळे, निखिल कुदळे, शुगरकेनचे चेअरमन अमोल ताम्हाणे, संचालक जयवंत चौरे, सासवड माळी एज्युकेशन सोसायटीचे विश्वस्त चंद्रकांत जगताप, व्हाईस चेअरमन नितीन इनामके, सचिव प्रकाश गिरमे, संचालक अजय गिरमे, डॉ. अविनाश जाधव, रत्नदीप बोरावके, कल्पेश पांढरे, दिलीप इनामके, इत्यादींसह ऊस उत्पादक सभासद, कारखान्याचे अधिकारी, कर्मचारी आणि मान्यवर ग्रामस्थ उपस्थित होते.
पुढे बोलताना ते म्हणाले की, राज्यातील साखर कारखाने एक नोव्हेंबरला सुरू करण्याचा निर्णय राज्य शासनाच्या मंत्री समितीने जाहीर केला आहे. परंतु माळीनगर साखर कारखान्याच्या यंत्रांची सर्व कामे पूर्ण झालेली असल्याने साखर कारखाना लवकर सुरू करू शकतो. कारखान्यातील सर्व कामे कामगार व अधिकारी वर्गाने अत्यंत कमी काळात चांगली केलेली आहेत. यावर्षी उसाची खूपच टंचाई आहे. महाराष्ट्रात अनेक ठिकाणी उन्हाळ्यामुळे आणि आत्ता पाणीटंचाईमुळे उसाचे उत्पादन जवळपास 20 टक्क्याने कमी झालेले आहे. पुढच्या वर्षी महाराष्ट्रा बरोबर देशातील उसाची परिस्थिती खूप बिकट राहणार आहे. यापूर्वी रब्बी हंगामासाठी एक आवर्तन मिळत होते. परंतु शासनाच्या मंत्रिमंडळाने यावर्षी पाण्याची दोन आवर्तने देण्याचे जाहीर केले असल्याचेही श्री गिरमे यांनी याप्रसंगी सांगितले.