आ.रणजितसिंह मोहिते-पाटील यांचा प्रयत्नातून भिमा नदीवरील चांदज ते टणू पूल होणार
Akluj Vaibhav News Network.
Chief Editor Bhagywant Laxmanrao Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 26/9/2023 :
भिमा नदीवरील सोलापूर जिल्ह्यातील माढा तालुक्यातील चांदज व पुणे जिल्ह्यातील इंदापूर तालुक्यातील टणू या गावांना जोडणाऱ्या पुल बांधकामास नाबार्डच्या माध्यमातून निधी उपलब्ध व्हावा याकरिता
उपमुख्यमंत्री देवेंद्र फडणवीस यांच्याकडे आ.रणजितसिंह मोहिते-पाटील यांनी मागणी केली होती.या मागणीची उपमुख्यमंत्री देवेंद्र फडणवीस यांनी तात्काळ दखल घेत २५ कोटी रूपयांचा निधी उपलब्ध करून दिला आहे.
माढा तालुक्यातील चांदज, व इंदापूर तालुक्यातील टणू या दोन गावांच्या मधून भिमा नदी वाहते, त्यामुळे माढा तालुक्यातील कोंढार भागातील आढेगांव, वडोली, रांझणी, टाकळी नागोर्ली तसेच इंदापूर तालुक्यातील नरसिंहपूर, टणू, पिंपरी बु., गिरवी या गावातील नागरिकांना जाणे येणेसाठी सुमारे १० किमी चा वळसा घालावा लागत होता आता या नवीन पुलामुळे या भागातील नागरिकांचा मोठा प्रश्न आ.रणजितसिंह मोहिते-पाटील यांनी उपमुख्यमंत्री देवेंद्र फडणवीस यांच्या माध्यमातून सोडवला आहे.
भिमा नदीकाठच्या गावामध्ये ऊसाचे क्षेत्र व फळबागाचे क्षेत्र मोठ्या प्रमाणावर आहे. तसेच येथील शाळकरी मुलांना जाणे येणेसाठी नागरिकांना दळणवळण सोईचे होणार आहे.यासाठी करणे सोयीचे होण्याच्या दृष्टीने भिमा नदीवर पूल बांधणे गरजेचे होते
या ठिकाणी पूलाचे बांधकाम होणार असल्याने माढा व इंदापूर हे दोन तालुके जोडले जाऊन, दळणवळण सुरळीत होऊन जनतेची गैरसोय दूर होण्यास मदत होणार आहे मोठी दळणवळणाची समस्या सुटणार असल्याने या भागातील जनतेच्या वतीने आ.रणजितसिंह मोहिते-पाटील यांचे आभार व्यक्त केले जात आहेत.
