🟦शेतकऱ्यांचे जीवनमान उंचवायचे असेल मंत्री नेते बदलावे लागतील : विठ्ठल पवार राजे. 🟩शेतमालाला बेस रेट कायदा लागू करा, “एफआरपी कायदा रद्द करा, शरद जोशी विचारमंच शेतकरी संघटनेचे अध्यक्ष आणि टीमचे मराठवाड्यामध्ये जंगी स्वागत

🟦शेतकऱ्यांचे जीवनमान उंचवायचे असेल मंत्री नेते बदलावे लागतील : विठ्ठल पवार राजे.

🟩शेतमालाला बेस रेट कायदा लागू करा, “एफआरपी कायदा रद्द करा, शरद जोशी विचारमंच शेतकरी संघटनेचे अध्यक्ष आणि टीमचे मराठवाड्यामध्ये जंगी स्वागत

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras District Solapur Maharashtra State, India.
Mo. 9860959764.

जालना प्रतिनिधी दिनांक 17/9/2023 : शेतकऱ्यांचे जीवनमान उंचवायचे असेल मंत्री नेते बदलावे लागतील. महाराष्ट्रातील शेतकऱ्यांचे न्याय हक्का साठी शरद जोशींचे आशीर्वाद पाठीशी आहेत. राज्यातील शेतकऱ्यांना सरसकट कर्ज, वीजबिल मुक्ती, शेत मालाला रास्त किमान बेसरेट विक्री किंमत मिळावी यासाठी राज्य सरकारने, “कृषी किंमत न्यायाधीकरणाची स्थापना 2024 च्या अगोदर करावी.शेतकऱ्यांच्या हितासाठी सरकारने तात्काळ निर्णय घ्यावा. या न्याय हक्कासाठी शरद जोशी विचारमंच शेतकरी संघटना देशभर लढा उभारेल आणि शेतकऱ्यांना न्याय हक्क मिळवून देईल.असे परखड विचार विठ्ठल पवार राजे यांनी जालना येथे जाहीरपणे व्यक्त केले.

राज्यातील शेतकऱ्यांना द्राक्ष, दूध ऊस, भरड धान्य, कांदा, मका, सोयाबीन, कोरडवाहू शेतकऱ्यांचे शेतमालाला बेस रेट किंमत जाहीर करा, तसेच पशुधन वाचवण्यासाठी दावणीला चारा आणि पाणी योजना सुरू करावी, राज्यात दुष्काळ जाहीर करावा, शेतकऱ्यांच्या विविध प्रश्नांविषयी राज्यभर शेतकरी संवाद यात्रा, आसूड मोर्चा काढून सरकारचे लक्ष वेधून शेतकऱ्यांच्या न्याय हक्काची मागणी करत आहे. श्रद्धेय शरद जोशी साहेबांचे विचार आचार आणि त्यांनी दिलेली शिकवण शेतकऱ्यांच्या हितासाठी राबवत, तळागाळातल्या अल्पभूधारक, अत्यल्पभूधारक, कोरडवाहू शेतकऱ्यांच्या पर्यंत नेऊन त्यांना भारतातील अन्य नागरिकांप्रमाणे सुखाने आणि सन्मानाने जगण्याचा अधिकार मिळवून देईल तेव्हाच खरी शरद जोशींना श्रद्धांजली होईल असे आवाहन करीत विठ्ठल पवार राजे यांनी केले. मराठवाड्याला शेतकरी कष्टकरी, कामगार यांच्या साठीचे निवेदन जालना कलेक्टर व जालना पोलिसांना दिले.
जालना शहराचे डी वाय एस पी यांनी 15 सप्टेंबर रोजी होणाऱ्या मोर्चा दरम्यान विठ्ठल पवार राजे यांना चर्चेसाठी बोलावले होते, त्यावेळी पोलिसांना शेतकऱ्यांच्या विविध मागण्यां विषयीची त्यांनी माहिती दिली. या बैठकीनंतर शेतकऱ्यांच्या मागण्याविषयी पत्रकारांना दिलेल्या मुलाखतीत सरकार कडे कलेल्या विविध मागण्यांचे निवेदन सादर केले आहे. यावेळी जालना शहराचे डी वाय एस पी यांना संघटनेची शेत शिवार, संगणकाची गाणी, 100 वर्ष निरोगी रहा या विशेष स्मरणिका व संघटनेची मार्गदर्शक घटना पुस्तिका संच देऊन त्यांचे स्वागत केले.
शरद जोशी विचारमंच शेतकरी संघटना सरकारकडे कोणताही हप्ता मागत नाही! तर शेतकऱ्यांच्या घामाचे दाम मागत आहे, शेतकऱ्यांच्या कापूस, सोयाबीन, द्राक्ष, फळबाग, केळी, शेतमालाच्या लुटितील फरकाची रक्कम तसेच, गेल्या सहा वर्षातील ऊस उत्पादक शेतकऱ्यांचे उर्वरित थकित ऊस बिल 15% टक्के सह 31 सप्टेंबर पर्यंत द्या, “एफ आर पी चा कायदा समुद्रातून बुडवा, हजारो कोटींची ऊस व दुधातील लूट वापसी करा, सरकार हो जागी व्हा. भारताचा जीडीपी पाच ट्रिलियन मध्ये वाढवायचा असेल तर, प्रथम शेतकऱ्यांना सुखान्याने सन्मानाने शेतकरी सुखी झाला पाहिजे, तरच देशाचा जीडीपी 5 ट्रिलीयन पर्यंत जाऊ शकतो हे लक्षात ठेवा असे म्हणत श्रद्धेय युगपुरुष शरद जोशी यांच्या शेतकऱ्यांच्या विविध मागण्यांविषयी, संघटना सरकारकडे प्रलंबित असलेल्या मागण्यांची आठवण राजे पवार यांनी यावेळी करून दिली, ते म्हणाले की राज्यातील भ्रष्टाचारी आमदार, खासदार, मंत्री, नेते बदलले तरच शेतकऱ्यांचे जीवनमान उंचावेल, बदलेल. त्यासाठी शेतकरी, कष्टकरी, कामगार, युवकांना आता एकत्र येण्याची ही संधी मिळालेली आहे. याचा शेतकऱ्यांना निश्चित फायदा होईल. असेही त्यांनी यावेळी म्हटले.

🟨संघटनेने राज्यातील शेतकऱ्यांच्या हितासाठीच पूर्ण केलेले कार्य
महाराष्ट्र राज्यातील शेतकऱ्यांच्या कृषी पंपाचे वीज कनेक्शन यापुढे खंडित करू नये, शेतीला सलग वीज पुरवठा करावा आणि शेतकऱ्याचे कृषी पंपाचे वीज बिल कितीही असले तरी कृषी पंपाचा विद्युत करून खंडित करू नये असा स्पष्ट आदेश महाराष्ट्र राज्य अन्न आयोग व महाराष्ट्र राज्याच्या उच्च न्यायालयाने दिलेला आहे. त्याबाबत राज्य सरकारने शासन निर्णय काढून जाहीर करावे.
2. राज्यातील दूध उत्पादक शेतकऱ्यांना किमान उत्पादन खर्च भरून निघेल इतका गायीच्या दुधाला 48 रुपये आणि म्हैशीच्या दुधाला 58 रुपये प्रति लिटर दर मिळावा या मुंबई उच्च न्यायालयाच्या आदेशाप्रमाणे राज्य सरकारने शासन निर्णय जाहीर करून त्याची अंमलबजावणी करावी.
3. राज्यातील ऊस उत्पादक शेतकऱ्यांच्या ऊस किमतीवर लावलेल्या इन्कम टॅक्स ला शरद जोशी विचारमन शेतकरी संघटनेने 01/04/ 2013 ला स्थगिती मिळवलेली आहे. त्यामुळे राज्यातील साखर कारखान्यांचे हजारो कोटी रुपये चा फायदा झालेला आहे. त्याचा लाभ राज्यातील शेतकऱ्यांना मिळाला पाहिजे तसा अध्यादेश केंद्र आणि राज्य सरकारने जाहीर करावा.
4. राज्यातील गारपीटग्रस्त शेतकऱ्यांचे वतीने मुंबई उच्च न्यायालयामध्ये 42000 हजार कोटी रुपयाची जनहित याचिका दाखल करून राज्यातील शेतकऱ्यांना हजारो कोटी रुपये नुकसान भरपाई मिळवून दिली. या कामाचा संघटनेला राष्ट्र अभिमान आहे. संघटनेने मिळवलेले सर्व अध्यादेश हे श्रद्धेय युगपुरुष शरद जोशी यांच्या चरणी संघटनेने समर्पित केलेले आहेत.
5. राज्यातील शेतकऱ्यांना रास्त व किफायतशीर मूल्य बेस रेट उसाची किंमत मिळावी म्हणून साखरेला बेसरेट 3100 रुपये मिळवून दिला, (आता साखरेला किमान 3800 ते 4000 रुपये प्रतिक्विंटल बेसरेट दर जाहीर करण्याची मागणी.) हा अध्यादेश देखील शेतकरी संघटनेने मिळवून दाखवलेला आहे. त्याची अंमलबजावणी राज्य व केंद्र सरकारने तंतोतंत करण्याचे आदेश लागू करावे. तसेच केंद्र सरकारने उसाचा दर बेस रेट 3626/- रूपये प्रति टन जाहीर करावा आणि त्यावर 50 टक्के नफा केंद्र सरकारने जाहीर केलेल्या धोरणाप्रमाणे शेतकऱ्यांना किमान पाच हजार रुपये प्रति टन ऊसाला दर मिळू शकतो याची राज्य व केंद्र सरकारने अंमलबजावणी करावी.
🔵मागील काही आंदोलनातून शरद जोशी विचारमंच शेतकरी संघटनेने विठ्ठल पवार राजे यांच्या नेतृत्वाखाली प्रचंड आसूड मोर्चे आंदोलने उगारून मिळवलेल्या पंचसूत्री विशेष मागण्या मुंबई उच्च न्यायालय व राज्य अन्न आयोगाकडून शेतकऱ्यांना मिळवून दिलेले आहेत म्हणून राज्य सरकारने “शरद जोशी विचारमंच शेतकरी संघटनेला महाराष्ट्र भूषण संघटना,, म्हणून घोषित करावे अशी मागणी यावेळी संघटनेने केली आहे.
विठ्ठल पवार राजे आणि टीम यांनी गुरुवारी मराठवाड्यामध्ये प्रवेश केल्या नंतर जालना चौफुली आणि शासकीय विश्रामगृहामध्ये शरद जोशी विचार मंच शेतकरी संघटना मराठवाड्याच्या वतीने त्यांचे जंगी स्वागत करण्यात आले. यावेळी संघटनेचे अनिल भांडवलकर पुणे शहर जिल्हा उपाध्यक्ष, दिपक फाळके पश्चिम महाराष्ट्र अध्यक्ष, बाळासाहेब वरपे पाटील पुणे जिल्हा उपाध्यक्ष, मराठवाडा विभागाचे युवक अध्यक्ष राहुल घोडके पाटील, जालना शहर तालुक्याचे अध्यक्ष योगेश कदम व योगेश काळे त्यांची सर्व टीम इत्यादी मोठ्या संख्येने उपस्थित होते.