🟢शेतकरी संघर्ष समितीच्या आंदोलनाला युवक शेतकऱ्यांचा प्रचंड पाठिंबा… 🟡”शेतकऱ्यांना न्याय मिळण्यासाठी राज्यभर बेमुदत संपाचा लढा उभारणार विठ्ठल पवार राजे सदस्य प्रदेश समन्वयक समिती

🟢शेतकरी संघर्ष समितीच्या आंदोलनाला युवक शेतकऱ्यांचा प्रचंड पाठिंबा…

🟡”शेतकऱ्यांना न्याय मिळण्यासाठी राज्यभर बेमुदत संपाचा लढा उभारणार विठ्ठल पवार राजे सदस्य प्रदेश समन्वयक समिती

Akluj Vaibhav News Network.
Chief Editor Bhagywant Laxmanrao Naykude.
Akluj, Taluka Malshiras, District Solapur. Maharashtra state, India.
Mo. 9860959764.

अकलूज दिनांक 09/01/2024 :
शेतकरी संघटनांनी पुकारलेलं शेतमाल विक्री बंद बेमुदत आंदोलन शेतकरी हितासाठी आहे त्याला राज्यातील सर्व युवकांनी पाठिंबा देऊन बेमुदत बंद आंदोलनामध्ये मोठ्या संख्येने सहभागी व्हावे असे आव्हान शेतकरी संघर्ष समितीच्या वतीने करण्यात आले होते. आठ जानेवारीपासून सुरू झालेल्या आंदोलनाला राज्यातील युवक युवती महिला शेतकरी कष्टकरी शेतकऱ्यांनी मोठा पाठिंबा दिल्याचे मत संघटनेचे प्रदेश समन्वयक विठ्ठल पवार राजे यांनी व्यक्त केले. ते पुणे कृषी उत्पन्न बाजार समिती येथे पत्रकारांशी बोलत होते . दिनांक ८ जानेवारी रोजी पुणे कृषी उत्पन्न बाजार समिती पुणे, जिल्हाधिकारी पुणे , महाराष्ट्र राज्याचे मुख्यमंत्री व पणन संचालक महाराष्ट्र राज्य, राज्याचे पोलिसांना संघटनेच्या वतीने शेतकरी बेमुदत संपत सुरू असल्याचे पुन्हा निवेदन देण्यात आले. पुणे कृषी उत्पन्न बाजार समिती कार्यालयात आले असता ते पत्रकारांशी बोलत होते.

यावेळी विदर्भाचे प्रमुख समन्वयक धनंजय काकडे यांनी राज्यातील सर्व शेतकऱ्यांनी बंद ठेवावा असे आवाहन विदर्भ खानदेश विभागात मध्ये केल्याची माहिती दिली. विदर्भ खानदेश मधून शेतकऱ्यांनी शेतमाल बाजाराकडे पाठवू नये असे आवाहन केले.
शेतकऱ्यांनी आपल्याला न्याय मागण्यासाठी आता सर्व ताकतीने एकजूट करावी व शेतकरी संघर्ष समितीच्या आंदोलनामध्ये सहभागी होऊन आपल्या कष्टाची किंमत मिळावी यासाठी शेतमालाला बेसलेट मिळालाच पाहिजे अशी ठाम भूमिका घेत सहभागी व्हावे. असे आवाहन दीपक पगार सदस्य शेतकरी संघर्ष समिती यांनी केले.
दौंड येथून शेतकरी संघर्ष समितीचे भानुदास शिंदे यांनी युवक वर्ग आणि खास करून ग्रामीण भागातील शेतकऱ्यांना आवाहन केले की शेतकरी संघर्ष समितीने शेतकऱ्याच्या हितासाठी आंदोलन पुकारलेले असून या आंदोलनामध्ये सर्व शेतकऱ्यांनी पूर्णपणे सहभागी व्हावे दूध व इतर शेतमाल बाजारात पाठवू नये व संपत सहभागी व्हावे असे आवाहन त्यांनी केले.
यावेळी भ्रमणध्वनीवरून संपर्क साधला असता संघर्ष समितीचे सदस्य नाना बच्छाव यांनी शेतकरी संघटनांनी एकत्र येत पुकारलेल्या बेमुदत शेतमाल विक्री बंद आंदोलनामध्ये सर्व शक्तीने सहभागी व्हावे व कोणत्याही शेतमाल बाजारात पाठवू नये असे आवाहन करत शेतमालाला बेस रेट विक्री किंमत मिळणे ही शेतकऱ्यांची हक्काची मागणी आहे त्याला शेतकऱ्यांनी पाठिंबा द्यावा असे म्हटले आहे.
राजे पवार पुढे म्हणाले की शेतकऱ्यांच्या हक्काची मागणी ही राज्य अन्न आयोगाने दिलेला आदेश ,कृषी किंमत न्यायधीकरणाची स्थापना करण्यात यावी, दूध दर व शेतमाला विषयी बेस रेट दराबाबत मुंबई उच्च न्यायालयाने दिलेल्या आदेशाचे पालन राज्य सरकार करत नाही. त्यामुळे शेतकऱ्यांच्या शेतमालाला भाव मिळत नाही. शेतकऱ्यांच्या शेतमालाला बेस रेट सरकारने जाहीर केल्यास सरकारची व बाजार समितीचे कोणतेही नुकसान होणार नाही तर ग्राहकाला देखील रास्त दारांमध्ये शेतमाल मिळेल त्यामुळे सरकारने शेतकऱ्यांची मागणी तत्काळ मागणी करावी अन्यथा अकरा जानेवारीपासून आंदोलन तीव्र करण्यात येईल असा इशारा संघर्ष समितीचे प्रदेश समन्वयक विठ्ठल राजे पवार यांनी केला आहे.