रत्नत्रय पतसंस्थेची अन्य जिल्ह्यांमध्ये शाखा विस्तार वाढीच्या दृष्टीने वाटचाल सुरू : संस्थापक अनंतलाल दोशी

Chief Editor17/09/2023Last Updated: 17/09/2023

311 2 minutes read

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 16/9/2023 : रत्नत्रय पतसंस्थेची अन्य जिल्ह्यांमध्ये शाखा विस्तार वाढीच्या दृष्टीने वाटचाल सुरू झालेली आहे असे सांगून सभासदांना पंधरा टक्के लाभांश संस्थापक अनंतलाल रतनचंद दोशी यांनी व्यासपीठावरून जाहीर केला. रत्नत्रय पतसंस्थेच्या एकोणिसाव्या वार्षिक सर्वसाधारण सभेच्या अध्यक्षस्थानावरून ते बोलत होते. सोलापूर जिल्ह्यातील सदाशिवनगर (तालुका माळशिरस) येथील रत्नत्रय पतसंस्थेची 19 वी वार्षिक सर्वसाधारण सभा शनिवार दिनांक 16 रोजी अत्यंत खेळीमेळीच्या वातावरणात पार पडली. विषय पत्रिकेवरील सर्व विषय सर्व संमतीने मंजूर झाले. स्थापनेपासूनच सातत्याने “अ” वर्गात असलेल्या रत्नत्रय पतसंस्थेने 15 टक्के लाभांश देण्याची परंपरा याही वर्षी कायम ठेवली आहे. त्यामुळे सभासदांमध्ये आनंदमय उत्साहाचे वातावरण पसरले आहे.
सभेच्या आरंभीच भगवान महावीरांच्या व तालुक्याचे भाग्यविधाते सहकार महर्षि शंकरराव मोहिते पाटील व राजमाता रत्नप्रभादेवी मोहिते पाटील यांच्या प्रतिमेचे पूजन उपस्थित मान्यवरांच्या हस्ते करण्यात आले. पुढे बोलताना दोशी म्हणाले की या पतसंस्थेची स्थापना परिसरातील छोटे व्यवसायिकांना सुलभ रीतीने कर्ज मिळावे, त्यांची उन्नती व्हावी या उद्देशाने करण्यात आली असून या संस्थेच्या प्रगतीस सर्व सभासद, ठेवीदार, संचालक व कर्मचारी वर्ग यांचा मोठा सहभाग असून ही पतसंस्था सगळ्यांना चांगली सेवा देत आहे. आर्थिक व्यवहाराबरोबरच ही संस्था अनेक विधायक सामाजिक कार्य ही करत आहे.

सभेचे प्रास्ताविक संस्थेचे कर्तव्यदक्ष संचालक प्रमोद अनंतलाल दोशी यांनी केले. संस्थेची स्थापना 2004 झाली असून संस्थेमार्फत सभासदांसाठी भारतात कुठेही आरटीजीएस व एनएफटी ची सोय करण्यात आलेले आहे. डी डी काढण्याची सोय, लाईट बिल भरण्याची सोय, क्यू आर कोड पेमेंट सॊय , पिग्मी व आर डी तसेच लखपती मासिक ठेव, अशा विविध सेवा चालू केलेल्या आहेत. तसेच सर्व कर्जदारांची पिग्मी ची रक्कम दर महिना अखेर ला कर्ज खात्यामध्ये जमा करण्याची सॊय, अशा विविध सेवा संस्थेमार्फत सभासदांना देण्यात येत आहेत असे त्यांनी सांगितले.
वार्षिक सभेचा अहवाल वाचन संस्थेचे चेअरमन विरकुमार अनंतलाल दोशी यांनी केले. त्यांनी संस्थेच्या प्रगतीचा आलेख सभासदांना वाचून दाखवला. 31 मार्च 2023 अखेर संस्थेकडे 20 कोटींच्या ठेवी असून कर्जवाटप 16 कोटी रुपये आहे तसेच संस्थेचे गुंतवणूक 8 कोटी ५१ लाख रुपये इतकी आहे. संस्थेचे एकूण वसूल भांडवल 43 लाख 95 हजार रुपये इतके आहे. तसेच संस्थेचे एकूण उत्पन्न 2 कोटी 26 लाख रुपये असून खर्च 2 कोटी रुपये झाला असून वार्षिक उलाढाल 117 कोटी 06 लाख रुपये इतकी आहे. संस्थेला चालू वर्षी 26 लाख 55 हजार रुपये नफा झाला असल्याचे त्यांनी यावेळी सांगितले. संस्थेला या वर्षी ऑडिट वर्ग “अ” मिळाला असून सर्व सभासदांना संस्था 15% लाभांश देणार असल्याचेही त्यांनी सांगितले. संस्थेचे सभासद पंकजकुमार पानसरे यांनीही आपले मनोगत व्यक्त केले व संस्था सभासदांना देत असलेल्या सेवा व कार्या बद्दल कौतुक केले. तसेच सभासदांना 15% लाभांश दिल्याबद्दल आभार मानले. सभेपुढील विषय वाचन संस्थेचे सचिव ज्ञानेश राऊत यांनी केले. संस्थेचे तेरीज ताळेबंद नफा तोटा व अंदाजपत्रक यावेळी त्यांनी सभासदांसमोर वाचून दाखवले.

सालाबाद प्रमाणे याही वर्षी वेळेवर येणाऱ्या सभासदांना लकी ड्रॉ द्वारे बक्षिसे काढण्यात आली. यामध्ये प्रथम क्रमांक सुनील गांधी, द्वितीय क्रमांक श्रीकृष्ण पाटील व तृतीय क्रमांक अभिजीत गुरव यांना अनुक्रमे बक्षिसे लागली.
यावेळी संस्थेचे चेअरमन विरकुमार अनंतलाल दोशी, व्हा. चेअरमन डॉ. श्रीनिवास गांधी, संचालक प्रमोद दोशी , संजय गांधी, अजय गांधी, रामदास गोपने, सोमनाथ राऊत, अरुण धाईजे, सौ.अनघा गांधी, सौ.अनिता दोशी, जगदीश राजमाने, विलास साळुंखे व सचिव ज्ञानेश राऊत यांचे सह मोठ्या संख्येने सभासद व पत्रकार बंधू उपस्थित होते. कार्यक्रमाचे सूत्रसंचालन सचिव ज्ञानेश राऊत यांनी केले तर आभार प्रदर्शन जगदीश राजमाने यांनी मानले सदर कार्यक्रम पार पाडण्यासाठी संस्थेचे कर्मचारी व पिग्मी एजंट यांनी परिश्रम घेतले.वार्षिक सर्व साधारण सभेनंतर सर्व उपस्थितांना स्वादिष्ट भोजनाची सोय यावर्षी संस्थेमार्फत करण्यात आली.