कविता विश्व……✍️
- राजकारण..
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.
अकलूज दिनांक 02/07/2023 :
राजकारण..
आधी पहाटे-मग सायंकाळी,
आता निवडली दुपार..
अशा अवकाळी शपथविधीने,
उरली-सुरली गेली पार !
कुणालाच नसतो थांगपत्ता,
उघडते जेव्हा राजभवन..
पुरोगामी असणाऱ्या राज्यात
लोकशाहीचेच सुरु हवन!
कोण खुले-कोण कोमजे,
बघा यांचा चेहरा..
सह्याद्रीचे सिंह ठरतात,
दिल्लीश्वरांचा मोहरा !
चर्चा सुरू आणण्याची,
समान नागरी कायदा..
कोण सत्तेत-कोण विरोधक,
नेत्यांचा समान फायदा !
सामान्यांनाच नितीनियम,
नेत्यांनी कुठेही वाकावं..
मतदार ठरतात मेंढरं,
कुणीही येऊन हाकावं !
मूल्याधिष्ठित राजनिष्ठांचे,
रचले जात आहे सरण..
कळत नाही-वळत नाही,
असेच असते का राजकारण ?
राजेंद्र काळे
बुलडाणा ९८२२५९३९२३
