आपला जिल्हा कृषी/साखर कारखाना ताज्या घडामोडी महाराष्ट्र

🔴श्री शंकर सहकारी साखर कारखान्याच्या अडचणींचा काळ संपला : अर्जुनसिंह मोहिते पाटील 🔵कारखान्याचे 5500 मे. टन प्रति दिवस क्षमतेच्या विस्तारीकरणाचे काम जुलै महिन्यापासून चालू होणार

Chief Editor20/06/2023Last Updated: 20/06/2023

377 1 minute read

🔴श्री शंकर सहकारी साखर कारखान्याच्या अडचणींचा काळ संपला : अर्जुनसिंह मोहिते पाटील
🔵कारखान्याचे 5500 मे. टन प्रति दिवस क्षमतेच्या विस्तारीकरणाचे काम जुलै महिन्यापासून चालू होणार

Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras, District Solapur. Maharashtra State, India.
Mo. 9860959764.

अकलूज दिनांक 20/6/2023 : श्री शंकर सहकारी साखर कारखान्याच्या अडचणींचा काळ संपला असून चेअरमन आमदार रणजितसिंह मोहिते पाटील यांचे मार्गदर्शनाखाली कारखान्याचे 5500 मे. टन प्रति दिवस क्षमतेच्या विस्तारीकरणाचे काम जुलै महिन्यापासून चालू होणार आहे. सन 2024-25 गळीत हंगामामध्ये विस्तारीकरण काम पूर्ण होणार आहे.अशी माहिती माळशिरस पंचायत समितीचे माजी उपसभापती अर्जुनसिंह मोहिते -पाटील यांनी सांगितली. श्री शंकर सहकारी साखर कारखाना लि. सदाशिवनगरच्या सिझन 2023 – 24 गळीत हंगामातील तोडणी वाहतुक यंत्रणेसाठी प्रथम ॲडव्हान्स हप्त्याचे वाटप कारखान्याचे व्हाईस चेअरमन ऍड. मिलिंद कुलकर्णी व माळशिरस पंचायत समितीचे माजी उपसभापती अर्जुनसिंह मोहिते -पाटील यांचे शुभहस्ते आज करण्यात आले. याप्रसंगी ते बोलत होते.

यावेळी बोलताना ऍड. कुलकर्णी म्हणाले सभासद, ऊस उत्पादक शेतकऱ्यांनी केलेल्या सहकार्यामुळेच कारखाना प्रगतीपथावर असून ऊस उत्पादकांनी पुरवठा केलेल्या ऊसाला भविष्यात चांगला दर देण्यास कारखाना व्यवस्थापन कटिबद्ध आहे. सन 2023-24 गळीत हंगामामध्ये सभासद, ऊस उत्पादकांनी जास्तीत जास्त ऊस कारखान्यास गळितासाठी पाठविणेचे आवाहन यावेळी व्हाईस चेअरमन ऍड. मिलिंद कुलकर्णी यांनी केले. या वेळी विश्वतेजसिंह रणजितसिंह मोहिते – पाटील , कारखान्याचे संचालक सुनिल माने , कार्यकारी संचालक स्वरूप देशमुख, शेतकी अधिकारी आनंदराव गायकवाड , जनरल मॅनेजर रविराज जगताप, खातेप्रमुख, विभागप्रमुख, तोडणी वाहतूक कंत्राटदार, सभासद, ऊस उत्पादक, व कारखान्याचे कर्मचारी उपस्थित होते.