मोठ्या दादांचे पन्नास वर्षातील योगदान आणि मार्गदर्शन वाया जाणार नाही : धैर्यशिल मोहिते पाटील
मोठ्या दादांचे पन्नास वर्षातील योगदान आणि मार्गदर्शन वाया जाणार नाही : धैर्यशिल मोहिते पाटील
Akluj Vaibhav News Network.
Chief Editor Bhagywant Laxman Naykude.
Akluj , Taluka Malshiras District Solapur Maharashtra State India.
Mo. 9860959764.
अकलूज दिनांक 17/6/2023 :
कृष्णा भीमा स्थिरीकरण योजना, नीरा देवधर प्रकल्प आणि अपूर्ण सिंचन प्रकल्प पूर्णत्वाची प्रमुख मागणी हे भारतीय जनता पार्टीमध्ये प्रवेशा मागील प्रमुख हेतू असल्याचे संघटन महामंत्री धैर्यशिल राजसिंह मोहिते पाटील यांनी पत्रकारांनी विचारलेल्या प्रश्नाच्या अनुषंगाने ठामपणे सांगितले. ते पुढे म्हणाले की मोठ्या दादांचे राजकारणातील पन्नास वर्षातील योगदान आणि मार्गदर्शन वाया जाणार नाही. आम्ही जनतेच्या निगडित प्रश्नांची सोडवणूक प्राधान्याने करीत आहोत. तुमच्या,आमच्या सर्वांच्या मनातील इच्छाशक्ती च्या जोरावर भारतीय जनता पार्टीचे काम जोमाने सुरू आहे. विकास कामांचा डोंगर रचण्याचे कार्य करीत असताना या केलेल्या कार्याचे श्रेय कोणी घेत असेल तर त्याचं आम्हाला काही घेणं देणं नाही. जनता सुज्ञ आहे. सुज्ञ जनतेला विकास कामे कोण करीत आहे हे पूर्ण माहित आहे. आमचा पूर्ण विश्वास उपमुख्यमंत्री देवेंद्रजी फडणवीस यांच्यावर आहे. आणि उपरोक्त योजनांच्या पूर्ततेसाठी त्यांनी निधी देण्यास सुरुवातही केलेली आहे. आयते श्रेय लाटणाऱ्यांना, येणाऱ्या निवडणुकांमध्ये जनता त्यांची जागा निश्चितच दाखवून देतील असा ठाम विश्वास धैर्यशील मोहिते पाटील यांनी पत्रकारांपुढे व्यक्त केला.
